Ресен домаќин на Балканијада
Од 10 до 16 септември десет земји од Балканот ќе учествуваат на првенството коешто треба да се одржи во Ресен и ќе ги потврдат своите квалитети. Се работи за Балканијада за натпреварувачи во бадминтон до 13 години, а ваков тип на натпреварување се одржува првпат во овој град.
Според информациите коишто се познати, во моментов сигурни за учество се девет земји, а останува само уште Словенија да го потврди своето присуство на Балканскиот шампионат.
На овие натпревари би требало да учествуваат вкупно 80 натпревари, коишто ќе бидат придружувани од околу 20 тренери. Покрај тоа што натпреварите ќе траат една недела во овој период ќе бидат одржани и семинари за тренерите, с$ со цел овој спорт да добие на што поголема популарност во Македонија. Бадминтонот е спорт којшто допрва го зазема своето место во земјава, а како што велат во организацијата малите места мораат да се ориентираат и кон помалите спортови каде што е можно да се стигне до успех.
Инаку, натпреварите ќе се одржуваат во салата во Ресен на вкупно пет терени.