Во овој свет исполнет со секојдневни глупости, би сакал да потсетам на предлог-одлуките дадени од малите акционери за претходното собрание коишто меѓудругото содржеа и дивидендна политика и политика за наградување:
Вложивме многу труд во нивна изработка и одлично покажуваат како законски, чисто и достоинствено се бори за своите права. Мислам дека можат да послужат како позитивен угледен пример за сите мали акционери во секоја компанија!
На тој начин, менаџерите сосема законски и неспорно ќе можеше да добиваат награда за вложениот труд и над платите од 5-6.000 евра што ги земаат браќата и 2-3.000 евра што ги зема вториот ешелон директори. Истото ќе се однесуваше и за сите други вработени што вложиле натпросечен труд и дале натпросечен придонес за работењето во претходната година.
Вистинска штета е што Кутревци не ја отвараат компанијата за малите акционери со предлагање на член на Одбор на директори од нивните редови. Досега ќе имаа коска законски стегната фирма и десетпати подигнат корпоративен углед. Не гледам никаква поента во Одборот на директори да седат вработени без ниедна акција коишто ионака можат секојпат да бидат повикани на седница, само за да пополнуваат број и да креваат рака. Тие ќе си ја земат истата плата без разлика на работењето на компанијата, за разлика од мали акционери со сопственички менталитет коишто единствена корист имаат доколку компанијата работи добро и Одборот на директори донесува што поквалитетни одлуки.