Чекај, не смее = забрането со закон? Ако да, тогаш никаде не е забрането, што не значи дека е добро. Кај нас законите се сите направени идеално за да можат да им служат на големците, еве прав пример е тоа што никаде нема закон на земјиште каде што има пожар да не смее наредни 100 години ништо да се гради, како што е во Шпанија чинам пример. Па еве ти ја Треска конкретен пример, си запалија пожар за да си изградат зграда, неа само ја одбрав дека тука сум, памтам колку смрдеше, а такви примери има милион во Скопје. Е сега да се вратиме на темата, што дека правеле грешка 50-60 години, ова беше пример конкретен каде што стварно бензинската беше изолирана како што доликува. Најблиската зграда беше кулата што е од другата страна на булевар и имаше безбедно растојание. Не мораше и тој добар пример да го усереме, со зграда што буквално ја гушка бензинската од сите страни, како штит и е. Има еден милион причини зошто ваков закон мора да воведеме и ова да е последен случај: ризик од пожар и експлозија (незгодно вака што ќе кажам ама под зградата моја се е со пикавци...), опасност од вдишување бензин, толуен, voc гасови, микроконцентрации кои зголемуваат опасност од рак. Особено страдаат деца кои немаат имунитет и се многу поосетливи на астма, алергии, токсични испарувања, бучава бидејќи објектот работи 24/7, летно време е особено лошо и за ширење на гасовите и за бучавата. Течноста што протекува од резервоари, со дождот и постојано сливање доаѓа до почвата, од таму лесно може да се спои со подземни води и цевки, не знам дал некој видел во каква состојба се цевките под Илинденска кога беше раскопано. Еве поблизок пример да ви кажам, на Средно Водно ако сте приметиле има натписи “Водата е забранета за пиење“, иако има смешка дека тоа е намерно од тетката од продавничката за сите од неа да купуваат вода, за жал вистината е пострашна. Тој дел има септичка јама, и водата се има споено и контаминирано, така да таа вода навистина не е за пиење и покрај тоа што многу го игнорираат знакот. Башка што становите што гледаат на таа страна се постојано изложени на светла и реклами од бензинската, тоа нека е и најмал проблем. Искрено мене во поголемите проблеми ми е ова објект станбен со толку станови што е залепен за бензинска, на исто ниво ако не и посериозно со продавање државно земјиште на приватен човек, палење стари објекти за да никне зграда и се што оди во пакет со градежната мафија што хара во Карпош и Скопје, ама вие си знаете.
Последно уредено:
