Каролина Гочева - Во заборав (2005, Авалон продукција / Сити рекордс) - 4.5
1.
Се лажам себе - Оваа ми е најмеланхолична песна од Каролина, може до мене е само, како во вртлог ми е целиот почеток и после те здрмува рефренот, многу моќно е направена. После во вториот дел “се будам во сон“ делот ми е врвот на зашеметеноста која ми ја дава песнава (позитивна секако). И после фејд авеј ли се вика ефектот кога гласот во исчезнување повторува еден збор “се лажам лажам себе“, ептен кул. И тогаш бев на впечаток дека инстант влага во уво песнава и сега сум на истото мислење, не ми е меѓу омилените нејзини, ама е топ.
2.
Уште само еден ден - Прекрасна песна, боженствена... Каролинчето е створена за да си пее вакви песни, единствено пратење да е едно пиано и тоа е тоа, рајски врати отвара нејзиниот глас. Мислам дека песнава не е доволно хит колку што требаше да биде, ја имаат засенето некои песни од албумов, а е ремек дело. Интересно е што текстописец е Калиопи, идејата од нејзината култна
“не ми го земај времето, времето ми е поважно од се“, ja пресликува и во песнава
“казна е што е не можевме да пронајдеме време“. Мислам дека оваа ми е омилена од албумов.
3.
Ружа Ружица - Најава за сите чалгиски песни што следуваа во продолжение на кариерата на Каролина, убава песничка.
4.
Први март - Никогаш не ми била меѓу омилените, но доста добро прифатена од страна на повеќето. Симболички и Каролина настапува на први март, последен пат беше во Пјур во парк пред некоја година. Мислам дека кај женската публика оваа песна беше меѓу поомилените, бидеќи овие стадиуми на паралелни емоции
“те сакам јас, те мразам јас, оди си“, се непознати за нас машките како поедноставни смртници.
5.
Пловиме - Малку и вибрации на рок балада, нешто налик Ивана Негатив, многу убаво скоцкано песниче. Ептен позитивно песниче, мотивира, отвара хоризонти, размислувања за иднината, охрабрува кога сме неодлучни.
6.
Ова срце знае - Еј ми се има смачено од песнава, не знам дали е само до мене, ова своевремено се пушташе секаде, сите радија, сите телевизии кои пуштаа музички спотови. И спотот го знам на памет, Каролинчето во лифт + покрај Рамстор, тогаш нов мол, мислам и прв затворен мол воопшто направен, 2005 година човече, сега пропаднат во голема мера мол, ама тоа за друга тема. Немам нешто против песнава, ама не можам веќе да ја слушам.
7.
Љубов - Навистина не ми легна машкиот вокал во песнава, т.е. вокалот на Дексо. Некако како пародија да прави на песната, а Каролина е мелем за душа. Текстов е потценет доста, права уметност
“И од небото глас, ми покажува пат, по виножито боса газам и ме крева ко бран“, а и ова
“И не постои срам, нема тага ни жал, само луѓе со ведри лица, бела светлост над нас, широк ангелски глас кој не води кон Љубовта“.
8.
Во заборав - Интересна песна, убав ритам, не ми била никогаш некоја од поомилените, не ми носи тежина како некои други песни од албумов, за квалитетот на албумов просек.
9.
Као мало воде - Ми фали нешто во песнава, некако не влага во глава, а вака продукциски делува дека е одлична. Нешто кечи ко да фали во рефренот, може е до мене само.
10.
Кад ми небо буде дом - Многу добар текст ми има песнава, браво за Џибони.
"Pobrkani lonci cine svjet kume moj drzim glavu iznad mutne vode predugo", ова е нешто како “За овој свет“ во албумот на Тоше, не кореспондира со тематиката од другите песни, но мене ми се допаѓа. Не е песна што ќе е заразна и ќе допре масовно до сите, но убава песна за душа.
11.
Умирам без тебе - Ако добро памтам на спотов одеше епизода од Очајни Домаќинки, серија која тогаш одеше на А1. Ми беше многу интересно во тоа време. Меѓу најнеомилените нејзини хитови лично, немам ништо против, ама ете некако најлесна, најмногу за широка маса песна ми била и не успеала да допре до мене.
12.
Слатка горчина - Своевремено голем хит, малку како да ми ја имаат подзаборавено? Може сум грешка. Добра песна ништо повеќе, не ми е една од нејзините омилени, но може да си ја слушам без проблем постојано, добри спомени буди. Секако дека насловот не треба да е Слатка горчина, туку И кога лажам знај.
www.youtube.com
Одиме со 49 албум:
