Драга Кајгана (виртуелен дневник)

[Macka12345]

Страшно

 

[Johnny Bravo*]

Направил лажен женски профил и се означил дека е во врска со истиот,му честитаат во коментари..Гледаш и си мислиш оваа работа бара канистер од солзи да напуниш од жал колку може да падне некој..ама кој да плаче..резервоарот од изворот ми е кодиран а пинот кој жив да го памти..

 

[Kadaif]

 

[ЈуријАркадиевич]

Не сум религиозен, ама речиси сум уверен дека не би бил со партнерка од друга религиозна позадина.

 

[Aceso]

Драга,

Има денови кога тежината на тоа што го немаш е поголема од сѐ што имаш.

 

[Nik20]

Нејќеш манџа? У вратот ќе ти ја истурам!
Сркаш.... Ќутиш....
Трауми од детството.

 

[Macka12345]

Пред 2 минути така светеше од кај Ѓорче шо се усрав искрено. Не гледам фул пошто Водно ми смета малце, ама толку светеше, некои светла нагоре одеа. Дур ви сликам ојде.

 

[jamey jasta]

Преку глава ми е од луѓе што глумат човечност/хуманост само кога ќе се вклучи некаква камера или само кога ќе се сподели.

Ќе земат 10 кеси, ќе кренат по некое шише од земја, ќе се снимаат како да спасуваат цел град, и после тоа ќе има контент од 15 минути по социјални мрежи како да напраиле некое огромно морално дело.
Ај што се лицемерни и го прават тоа за clout, многу се копиранти на западњациве... тотални копиранти 1 на 1 100%. Демек земал ќе се снима како средува некој тротоар/жардиниера или што год. Wow, големо морално дело, нема што. Автентичност 0.

Ако доброото дело ти почнува со местење кадар, вложување во професионална камера, проверка на агол како си снимен и спамање по 20 сториња, братче тогаш не го правиш тоа од човечност или совест, него од суета. Не чистиш улица зашто ти е грижа, него бидејќи сакаш да изгледаш како "совесен" пред некаква си публика. Тоа не е човечност, тоа е едноставно евтин перформанс за лајкови.

Вистински корисни луѓе не прават театар од секое добро дело. Помагаат и кога нема публика, дотолку повеќе тогаш најмногу помагаат уствари, кога нема аплауз и кога никој нема да им пише "браво". Овие другиве лицемерниве, не бараат решение за проблемот, него бараат "браво/аплауз" од опиената публика.

Чиста самопромоција, каква свест какви бакрачи. Улицата им е само позадина, ѓубрето реквизит, а хуманоста им е евтин маркетинг. Денес чистат пред камера, утре веројатно ќе најдат нов начин да се продаваат како морални величини. Манипулатори.

Ајде еве разбирам да се постира 1 слика или нешто такво... ама 50 видеа, 50 сториња, 50 слики е малку too much. На 5-6 платформи. Мислам смешно ми е што за да исчистиш безвезе некое тротоарче ти требаат 2 саати а за едитирање и менаџирање на социјални мрежи, профили и тн - дупло од тоа.

Тоа ти е слично како НВО во нашава вукојебинка... демек "шириме свест"... 35 години такви фаци шират свест на секој чекор, ама никако свеста да се прошири како што треба... "Ширење свест" е лозинка за moral virtue signaling. Не ви текнало дека уствари ширењето свест НЕ Е НАЧИН за решавање на проблемите, туку потребни се други, многу порадикални мерки ?

Мн е тажно што кај многумина добрината веќе не е карактер, туку содржина за објава. Ако некој стварно сака да помогне - нека помогне. Ама нека не ми продава филмче дека тоа е некаква голема доблест кога без камера/слики/објави/постови/социјални мрежи не би мрднал ни со прст.

Едноставно не сте свесни дека добрината како доблест тотално ја девастирате бидејќи ја претварате во шоу-програма.
Уште полошо: со ова се удира по тие што стварно прават нешто без да крекаат. Тивки луѓе што чистат пред зграда секоја недела, што помагаат на комшија, што носат храна на некој стар човек, што средуваат тротоари или дворови без да прават „прес-конференции“ и ПР стратегии, тие испаѓаат како да не постојат, пошто немаат сториња по инстаграм и линкедин. А уствари тие се тие што ја држат реалноста на нозе. Нив никој не ги тагнува, нив никој не ги снима, ама нивниот труд се гледа пошто очигледно не е дел од алгоритмот.

И да, некој ќе рече: да бе ептен си хејтер ти, они барем мотивираат други. Можеби. Ама ако мотивацијата ти е врзана за аплауз, срциња и сториња, тоа е мотивација што умира инстантно кога ќе згасне камерата. Култура е кога никој не ти гледа, а ти пак си ист во своите дела и постапки.

Па ако веќе сакаат да помагаат и шират нешто, нека ширaт одговорност: притисок за казни, инспекции што стварно работат, контејнери што не се преполни, функционални институции, урбана дисциплина, пријавување прекршоци, и секако - континуитет. Ама изгледа тоа не е секси за инстаграм и линкедин.

Може сум хејтер, ама сакам реални луѓе, реални дела, реални решенија. Без спектакл, глума и продажба на морал.

 

[teknuvalo111]

Imam jaka Srbinka sega koleska ja delam filijalatA , 50 % dobija otkazi i sega ja rabotam 2 ona 2 dena.... tipkata e 34 ama site bogati arapi nasi Bakaprasovci si ja probale srekata ama ona si ima strog princip "Samo pod 23 godini"

Ona e 1/4 influenser na Tiktok nemam toa cudo, pri pienje kafe mi veli nekolku aviona influenserki se vratile vo Belgrad od Dubai.... ona e vo kontakt so nekoja sto pravela po 3k na den samo so sliki od stapala, a najjakiot fan i plakal za noseni gasti, kolko podolgo bile noseni poveke bonusi, tip od Dubai.... Sega ona vika kolega ako imas seksi stapala moze da te vmetneme vo biznisot ima sekakov vid na perverznjaci....tipkata regtutirala modeli so seksi stapala....

Vikam zenata moja e kozmeticar po profesija, posleden pat mi napravi pedikir 2019 pred korona sega moze i gabi da imam nemam nekoja posebna higiena oti zivotot e brz, se istusiruvas i toa.....
I rekov na zenata da probam jas.... veke 3 dena se smee koga ke me vidi, posto imam kojnski peti i vtoriot prst na levata noga mi e kriv mi odi na palecot, sto ona mi se bie shega od koga znae za mene....prativ slika od 2 noze, za levata nema nieden review, desnata ima pozitivni rezultati zasega.....ako ima boznis zenata ke doznae na kukovo leto.

 

[PloTwist]

ДК,

Башка, си купив играчка и едвај чекам да ми стигне!

И ми стигна! Си купив PS5, попатно купив и некоја игра, плус успешно преминав преку ембаргото, успеав да прошверцам и некоја книга додека сите ми ја гледаа играчката.

Тек сега нема да ме издават од дома! И тек сега нема да пипнам книга! Ама од друга страна очекувам поголема психичка растеретеност, предоминантно поради оваа причина се одлучив на ваквиот чекор. Верувам дека ќе има резултати, но останува да видиме.

До следно читање!

 

[Shawn Spencer]

Драга,

Не одам многу по изложби, ама кога ќе налетам на информација за изложба на некој наш интересен автор ѕирнувам што дела има. Имаме маестрални сликари, рамо до рамо со светските, па и подобри од многу светски извикани имиња ко Пикасо. Досега сум бил на изложбата на Ташковски (маестрален сликар), Масин (луди идеи има човекот, али имаше и некоја добра слика) и денес сакав да одам на Кондовски. Прочитав дека изложбата е продолжена во Музеј на Македонија до 22 март, а објавата за Кондовски ме потсети на кориците на некои дамнешни лектири што се читаа во основно и баш сакав да ги видам илустрациите.

Музеј на Македонија поима немав каде е и дека постои такво нешто во Стара Чаршија и благодарејќи на чичко Гугл мушнувајќи се низ лавиринтите на чаршијата, покрај сомнителни муџахедински објекти и забрадени фаци што само што не извадиле пушка-пиштољ, сместен до некоја разрушена турска градба од едната страна и џамија од другата стои Музеј на Македонија. Убаво именце, ми направи мерак дека не го смениле името ко на фејсбук страницата. Одам таму, катанец на стаклените врати на изложбените простории. Добро, може влезот е од левата страна кај што има плочка со името на музејот и работно време, одам таму затворено. Работно време сабота од 9 часот, јас пред нивна врата во 9:40. Читаш рецензии на Гугл за местово од странци и коментарите се: Затворено беше ради х банална причина, лошо осветлување, мала површина и скромна бројка артефакти за нешто што треба да ја претставува државата.
И како сакаме да имаме туристи и луѓе што би препорачале на некој да дојде во Х место овде кога или не е средено или не работи во работно време.
Истото се случи пред некоја година во Крушево со музејот на НОВ до паркингот на Гумење. Таман сакав да го видам муралот на Борко Лазески музејот затворен во сабота. На вратата наведено работно време од колку до колку работи, одам во работно време и затворено, никаква информација дека е привремено затворен ради нешто, а на Гугл беше наведено и дека е трајно затворен. Крушево, град што се промовира ко туристички и најпосетен со Скопје, Битола, Охрид и Кратово, богат со историја, а осакатен од неспособна власт и без директна автобуска линија со Скопје. И после муабети не доаѓале туристи - како се работи и тие што ги има се многу…

 

[SK-92]

Јас за прв пат влегов во археолошкиот музеј пред 2 недели. Влегов внатре и чекав на каса едно 10 минути, немаше никој а обезбедувањето си збореше меѓу себе. Немав појма кога влегов каде е влезот, излезот и каде треба да се оди па после 10 минутно чекање прашав еден од обезбедување како можам да платам влезница. Ми рекоа - сега ќе дојдат. Обезбедувањето отиде во таа собичката каде продаваат сувенири и им пренесе дека чекам а од таму само се слушна "туууу бре не може човек на раат да се најаде". Со силен трк една така буцкаста жена дојде со полна уста и џвакање, ниту здраво ниту насмевка ама и не ми е тоа потребно. Дај наплати ми и терај по патот. Додека ми куцаше билетот, ја прашав од каде се влегува и што има по скалите за да максимално нервозно ми беше кажано горе тоа, доле тоа, бла-бла. Дека со полна уста па не ја разбрав баш најдобро, ја прашав пак каде е влезот за комплетно да се напне и да хистериша. И реков саркастично извини што те прекинав во ручекот и си викам ај, батали, да не си го расипувам денот расправајќи се.
Музејот навистина ми се допадна ама кога шетав сфатив дека освен јас, син ми и еден од обезбедувањето кое не пратеше во секој чекор иако има милион камери, други посетители немаше. Ете толку многу ја прекинав госпожата во нејзиниот момент што цел ден се утепала од седење на столица а на обрзбедувањето му отворив работа, што убаво си седеше така покрај парното. Во принцип кај нас повеќе гостопримливост ќе најдеш кај помладите. А видам во продавничка или било каде таква 40-50 годишна женичка со кратка коса, бегам.

Бев и на калето за прв пат после многу години. Имаше туристи од Сингапур, Турција и Ирска. Местото е злато вредно и многу добра туристичка атракција ама уште на влез те чекаат десет кучиња и тон ѓубре. Таму кај ѕидот пластични шишиња си се собираат со тек на времето, на никој не му текнува да ги исчисти.
Друга работа на која мора да поработи градот и владата се таксистите. Треба скроз да им се забрани на оние кои се индивидуалци и ги масакрираат туристите. Намерно зборев англиски со жена ми и го прашав еден од оние близу портата колку до Ист Гејт, му кажа 500 денари. 500 мајки ја на тебе да ти ебам. Знаев дека ќе го извадат клошарското од себе. После па ми вика - фор ју фор хандред. Круг надесно и се упатив према оние карши гтц и мислам Глобал кола беше, ме однесе за помалку од 250.

Еве и некои слики од археолошкиот музеј. Препорака за посета и покрај нервозната касиерка. Може најдобро е поручек да се оди кога притисокот е паднат од храната.

Спојлер: Археолошки музеј

 

[Partizanen banditen]

Драга,

Никогаш нема да ги разберам луѓето кога во продавница влегуваат со слушалки на ушите и одат на каса да платат.

П. С. Ако може @teknuvalo111 на чет џипити да ги претвори постовите во кирилица, вака очи ми паѓаат кога читам на латиница.

 

[Lionwomen]

Дк
Дали само мене и малите проблеми ми се ПРЕГОЛЕМИ у мојата глава?
толку ли преовеличувам некои равоти?

пс
одамна не сум пишувала од пц и тастатура
плус за мене е дека глеам у тастатура додека пишувам
чсссс интелектуалка и промахерка за глупи работи

 

[Ska Maniac]

Sraga,

sreken 8 mart i pomalce da naletuvas i da te privlekuvaat kreteni i psihopati.