Драга Кајгана (виртуелен дневник)

[Partizanen banditen]

Драга

Ако некој е три-четири децении постар од тебе, тоа не му дава за право да ти 'соли памет' на одредени животни теми, па и на политиката. Што се вика 'со една нога во гробот', сега го има целото време на светот и ке ми паметува насекаде, а највеќе на социјалните мрежи како требало да се води држава. Видовме каква сте ја оставиле кога сте требале вие да ја средувате, па сега сте најпаметните луѓе во државата и ке ни објаснувате што и како треба да се работи. Нека благодарам и секако чест на исклучоците кои се иста генерација со горенаведената група.

 

[Aceso]

Драга,

Пред некое време го открив криминалистичкиот подкаст на еден Србин на Spotify – Strogo Poverljivo. Се опседнав. Ликов е предобар оратор и на многу јасен, смирен, но истовремено и вознемирувачки начин раскажува мистериозни случки, како и нерешени и решени убиства.

Последнава епизода беше за еден лик по име Анатолиј Москвин и премногу ме ужасна неговото дело. Начинот на кој целата приказна беше раскажана, со сите морничави детали и психолошката позадина, уште повеќе му дава тежина на случајот. Ова е една од оние епизоди што те тера да застанеш, да размислиш и долго време по слушањето да не можеш да ја исфрлиш од глава.

Анатолиј Москвин бил руски историчар, лингвист и истражувач, интелигентен и на изглед тивок човек, кој со години водел двоен живот. Под маската на научник се криела морничава опсесија. Тој ексхумирал тела на починати деца од гробишта, ги мумифицирал и ги чувал во својот дом, облекувајќи ги и третирајќи ги како живи кукли. И што е најстрашно тој искрено верувал дека со тоа им помага, дека ги штити и дека им прави добро дело.

И замисли сега, за да биде уште поужасно сето ова, тој никогаш не бил класично обвинет и осуден, затоа што по апсењето бил прогласен за ментално неспособен за судење. Психијатриските вештачења покажале дека страда од тешко психичко нарушување и дека не бил свесен за тежината и значењето на своите постапки. Наместо затворска казна, бил испратен на задолжително лекување во психијатриска установа, каде што се наоѓа и до ден денешен.

Дефинитивно човечкиот ум може да биде пострашен од било која фикција. По вакви приказни сфаќаш дека реалноста може да биде пострашна и од најстрашниот хорор филм.

 

[Schtrawzenigger]

But do you know how to get to Bells Canyon?

 

[Ghost Recon]

Единствениот показател за тоа што човекот може да направи е она што човекот го направил.



​

 

[Византиецот]

Во 2025та, бев вљубен диво, како никогаш до сега. Јутјуб Мјузик ми рече дека ова ми било најслушана нумера за 25та. Тогаш му ја посветив него. Пољуби ме и гурни ме во базен, види види како се пиране, мазе.

Кога ја слушнав пак, не ме потсети на него. Туку на себе. Се видов себе во Фебруари како клавам црниот бомбер џакет на мене и одам да се сретнам со него. Колку јас бев вљубен и знаев да сакам. Се осетив ко крвта на Зевс да течи низ мене. Пошто треба да си ебано силен, ако знајш да сакаш така. Моќта на Зевс кога со молња го згнетил титанот Тифон над Балкан планина и од нејзините врвови се разлила крв. КАКО АПСОЛУТЕН БОГ. Некој кој победил се во животот. Па така и ова.
Како електрично празнење кое се случува при судир на - и + во мастилен облак. #I'm #TheBolt #TheLightening #TheThunder #ОстаниАрогантенВизи
Да не ми се повтори. Во новава, тоа е се што ќе си посакам. Нема ни да си посакам. Веќе научив.

Зевс, зевсува.

 

[Ingvar]

Лајф ис гуд....ајмо на спиењее

 

[DenaM]

draga kajgana za nova godina sakam da mi se sluchi toj i nikoj drug.

 

[Macka12345]

Кајганџии, убав ден и провод, кој на денска кој на вечерна.
Без многу пиење и да не возите пијани.

 

[demonka]

Најголема лекција научена оваа година е да не се даваш себеси премногу на луѓе што не би го направиле истото за тебе.
Престанав да се трошам за луѓе што никогаш не би се жртвувале за мене.
2025 — да не се повтори никогаш. Но фала му на Господ, преживеав и излегов посилна.
Научив дека здравјето не се одложува и дека мирот нема цена.
Сега јас знам кој стои до мене, а кој никогаш не требало да биде дел од мојот пат.
2026 — нека биде пресврт од 180 степени.
Па нека иде живот.

 

[devilko]

Не заборавајте да се испразните денеска. Не го носете истото срање и во новата 2026

 

[Io Sono Interista]

Dear K,

Нека е секоја година како оваа, друго ништо не сакам. Новогодишни резолуции немам, освен таа од 2010-та, дека ќе одам во теретана редовно. Кога ќе ја исполнам, ќе смислам нова. Прилично незгодна резолуција морам да признаам. Долго време дава отпор.

На сите со кои се читаме, ви посакувам добро здравје, љубов, и џепови полни со пари.

И со ум вечерва, не е којзнае што...

 

[Saladin]

Фејсов корне од AI (де)генерирани фоторгафии, посебно од читачкиве клубови во кои членувам. Никад нема да ми биде јасно желбата некој вештачки да се покаже колку е „убав и мил“ со книга која можеби ја прочитал, но вака делува дека не. Бидете си реални со себе, не се прскајте со „евтин парфем“. Тоа можам да ви го порачам за иднава година како резолуција.

So says Saladin...

 

[Византиецот]

Фактот дека име луѓе на кои репутација на форум кајгана.бг им е битна варијабла во животот, е за мене лично, загрижувачки. Тоа ќе е последна византиска мисла испишана овде за 25та.
Nun feiern.

 

[HoT iCe]

Драга,

една недеља како сам назад у МК и конечно вржа два дна како сам трезан па да искористу прилику да испрату едну искрену и трезну честитку до сви што ќе читав, имајте среќну и успешну НГ, да ви се испунив сви жеље и све што ви лега на срце да ви легне у кревет.
Што се однаса од мене, немам никакви посебни очекувања и жеље за НГ, фала му на Бога сам прилично среќан и испунет, нека бидев мои среќни и здрави и све ќе си биде, ја би такој искрено у себе посакаја да ете овуј нову годину се скрасу малце и најду барем малце нормалну и саглам девојку и бидну малце поозбиљан на туј тему, друго е све тамн.
<3

 

[Stefan-kobe]

Обично не пишувам за тоа каква била годината, каква треба да биде следната, ама за оваа некако осеќам дека треба да пишам. У глобала јас сум скромен човек и посакувам само здравје, а останатото само по себе да дојде, па така беше и оваа година, супер се, живи и здрави јас и моите најблиски, успешно се рехабилитирав од операција на колено, добив унапредување на почетокот на годината и најважно од се пред месец дена станав татко. Поубаво од ова не може, не ми требаат ни пари, ни богатства, ни брда ни долини, доволно е што си ја имам оваа мала душа покрај мене и да си ја гледам како расте и се развива. Среќна Нова на сите, ви посакувам минимум дупло да ви е подобра 2026 на сите од тоа што мене ми беше 2025.