Види јас ти го кажав моето мислење кое може да не излезе така како што пишав, но не e исто да се води прекршочна постапка за која можеш и да не се појавиш ќе го досудат прекршокот и толку, друго е ако се води кривична постапка и види за кое кривично дело те товарат дека си го сторил (најверојатно за предизвикување на општа опасност во сообраќајот чл.288 ст.1 в.в. со ст.4 од истиот КЗ - дело сторено од небрежност без намера) каде што е пропишана парична глоба или казна затвор до 3 години, односно може да се изрече и алтернативна мерка условна осуда, како што пишав претходно, значи провери за што точно те товарат.
Ако не се појавиш на судење тогаш ќе ти постават службен адвокат за бранител заради запазување на закон, обвинет да има бранител што е задолжително, но во пракса во отсуство на обвинет на главен претрес односно недостапност на обвинетиот се досудува максимална казна ефективна казна затвор.
Немам намера да те уплашам ниту да те вознемирам ниту да те лажам, ниту да ти речам ангажирај ме затоа што не работам кривично, туку сакам да ти кажам можен исход, вистината таква каква што е, за да утре не бидеш изненаден со ,,гром од ведро небо" при влез во Македонија.
Значи кривична постапка се води за сторено кривично дело не за прекршок, и затоа најпаметно јави се во судот на закажаното рочиште со бранител, дури уште претходно со твој бранител контактирајте го обвинителот по предметот да видите за што точно те товарат за кое кривично дело и ако е горе наведеното склучете спогодба и да поминеш само со условна или со парична глоба, затоа што горенаведеното кривично дело се гони по службена должност, значи од полициската станица поднесуваат кривична пријава до ОЈО, а од ОЈО после ќе поднесат обвинителен предлог, итн.
