Троа си ја испомешал историјата, “варварите“ не ја разориле арапската цивилизација туку едвај спасиле жива глава кај Поатје...иако Шпанија,Португалија,Сицилија и други останале под арапска власт со векови,скоро милениум...
Шо убо вака поедноставена верзија ко на видео игра, си дошле дивите и им врзале по еден шамар на кротките и ги истерале...
Калифатот го укинал Ататурк.
Алтернативата на
државата е страшна.
И навистина.
Плашете се од Урко и Лупус, бидејќи државата ќе ве убие со својата сеприсутна љубов за да ви го намали ризикот од смрт од разно-разни насилници и криминалци...
Патетично е како се претпоставува дека сите луѓе на секое место во светот се некаква инертна маса,лишена од можноста за одбрана и организирање... кои како јапонски туристи со апарати, подзинати и шокирани би стоеле да ги коли Урко како кротки јагниња...
Примерите од досегашните анархии се јасни.
Нема жалби и апелации,нема затвор или скратена казна за добро поведение.
Насилните манијаци и психопати имале краток рок на траење.
Чиапас и Бугевил?
Во 2011?
Ги нема на ТВ?
Не постојат !!!
П.С. Да не си качен на гајба за подобро да фатиш ваерлес па се обраќаш со “човечулиња„ од височините на небулозните глупости...
А и Фрчко го довлечка во муабет за анархија...најарно да се обеси чоек...
Ту бе бачко, кај си се залетал, чекај. Ти си тој што помешал нешто. Јас зборувам за златната доба на исламот, која трае помеѓу осмиот и тринаесетиот век на територијата од Иберија преку Северна Африка и југоисточна Азија па се' до централна Азија. Јас зборував за овој конкретно настан- извини што морав да го цитирам од википедија, на гугле прво тој резултат ми излезе.
After the Crusades from the West that resulted in the instability of the Islamic world during the 11th century, a new threat came from the East during the 13th century: the Mongol invasions. In 1206, Genghis Khan from Central Asia established a powerful Mongol Empire. A Mongolian ambassador to the Abbasid Caliph in Baghdad is said to have been murdered, which may have been one of the reasons behind Hulagu Khan's sack of Baghdad in 1258.
Реков дека западњаците биле
инструментални во разорувањето на таа цивилизација. Монголите и Турците ги докусуриле. По овие освојувања, завршува Златното доба и исламскиот свет е во постојано опаѓање. Во секој случај се дешава ситуација на превласт на мечот над пенкалото.
Чиапас во Мексико е убава прикаска, но единствената причина зошто толку време издржува е бидејќи nobody cares about Chiapas. Да сакаше досега мексиканската војска, ќе пратеше тенкови, авиони, војска, специјалци и ќе ги прегазеше фино лепо, како што Франко ја прегази Републиката, заедно сосе Дурути и неговата железна колона, сосе доброволците и либералите и комунистите. Велиш дека народот не е беспомошен? Кажи им го тоа на кучињата на војната во Руанда, кои поклаа милиони. Кажи им го тоа на Конгоанците кои нема да се опорават наредните триста години.
Кажи им го тоа на сите кои дошле во ситуација да сметаат на силата на правдата, но се соочиле со суровата вистина на врелото олово.
Убаво е да верува човек дека може да вирее слободата онаму каде што државата не може да достигне. Како на пример во Сомалија. Ете, таму нема држава. Нема институции. Нема полиција, нема војска, нема судови. Има наоружани до заби исламисти кои го убиваат секој кој не се слага со нив. Каква солидарност, а? Каков сјаен пример за човекољубие и солидарност, за директна демократија и спонтано владеење на суверената народна волја.
Знаеш што? Лага е дека сите луѓе имаат заеднички интереси. Лага е дека сите луѓе сакаат да живеат мирољубив живот. Да беше така, немаше планетата да крцка од оружје. И знаеш што? Државата не е некој безличен левијатан, некоја вонземска машина која слетала на планетава за да го репресира човештвото. Ја создале луѓе. Човечки суштества. Ја создале од повеќе причини, но една од нив е дефинитивно за да се брани од или да ги пороби другите луѓе. Да ја негираш таа страна на човекот е да замижиш пред милениуми историја. Насилникот како архетип ќе постои секогаш. Тој не е исклучок. Тој не е занемарливо малцинство. Во Босна, кога се случи целосен распад на заедничката држава, тивките и цивилизирани татковци и сопрузи, примерни вработени и чесни граѓани се претворија во монструми кои колеа, силуваа и палеа. Можеш да зборуваш за националистички манипулации до утре, но факт е дека тоа крваво пирување е необјасниво со нормални човечки аршини- сосед да убива сосед, зет да убива свекор итн.
Уште нешто- не се претворија тие луѓе во монструми преку ноќ. Многу од нив тоа биле и претходно. Но со крахот на сите безбедносни гаранции за обичното населени, можеа да си ги исполнат најперверзните, најмрачни пориви. Ете тоа е вистината. Како што човекот може да биде светец, може да биде и демон и сите утопистички идеологии упорно мижат пред таа негова страна. Ги обвинуваат институциите дека го корумпираат сиротиот и прекрасен, невин и чист човек. А човекот е секаков.
Државите се овде за да бидат ноќни чувари. Кога мракот ќе падне, да се осигураат дека ќе светат уличните светилки, дека ќе патролираат полициските коли, дека ќе греат печките и дека вистинскиот мрак, оној кој секој човек го носи во себе ќе биде во најголема можна мера зауздан и потиснат.
Цивилизација. Империите ја создадоа. Мир. Најдолгиот во историјата е Pax Romana- 207 години мир и минимална експанзија на Римската империја, бидејќи со силата на оружјето ги совладаа сите завојувани народи чија земја ја окупираа. За возврат им подарија патишта, водоводи, канализации и други благодети.
Почнувам да верувам дека анархистите се штетен елемент, а не само безопасни политички сирачиња. Нивното месечарење и pipe dreams, нивните инспирирани говори за општочовечкото ослободување и еманципација прави да бидат слепи пред употребната вредност на институциите како алатка за борба против разулавените сили на меѓународниот капитал, на мултинационалните компании кои хараат по шестте континенти (на Антарктикот досега не му нашле цака) и ги експлоатираат безмилосно во замена за беспотребни гаџети и светкави дрндуфки (како стакленцата кои им ги продавале на домородците) кои го заробуваат работникот и дополнително му ги одземаат производите на неговиот труд.
ВИНОВНИ СТЕ бидејќи не разбирате дека не е толку едноставно како државата контра индивидуата, или полицијата контра слободата, или поредокот контра вистинскиот човечки напредок.
Но јас не сум тој кој треба да ви суди. Тоа ќе го направи историјата. Лека полека.
P.S. Зороастер, да не речам Zarathustra, ко Робин Худ гаѓа у центарот на проблемот.
Врти, сучи, се чини дека само Платон е во право. На луѓето им е потребно водство, но водство од најдобрите, а не водство од рептилоидните креатури кои се сега на власт. Во суштина постои само еден вистински проблем во политичката филоофија, а тоа е КАКО да ги најдеме оние кој заслужуваат да владеат на добробит на сите?
