Најдобриот показател за тоа колку добро работи една компанија, од перспективата на корпоративните финансии, е нејзиниот поврат на капиталот (ROC). ROC е мерка за приносот што една компанија го генерира од капиталот што го инвестирала која ни покажува колку е таа компанија ефективна во користењето на собраниот капитал.
Повратот на капиталот на компанијата мора да биде поголем од цената на капиталот. Ако компанијата може да позајми капитал со околу 2% и може да го инвестира со принос од 20%, тогаш со текот на времето компанијата создава вредност. Ако компанијата позајми капитал со 7% а може да генерира принос од само 3%, тогаш со текот на времето ја уништува вредноста.
Секако дека високиот поврат на капиталот е одличен, но постојано високата вредност во текот на долг временски период е уште подобра. Многу може да се заклучи од компанија која е способна долго време да одржува висок поврат на капиталот. Не само што сигнализира дека компанијата е ефикасен распределувач на капитал и дека може ефективно да го користи капиталот што го собира, туку сугерира и дека компанијата има предности во однос на нејзината конкуренција.
Истражувањето на бизнис моделите на овие компании открива дека тие честопати уживаат комбинација од нематеријални предности (силен бренд, интелектуална сопственост, итн.), имаат пониски трошоци (можат да го произведат она што го продаваат по пониска цена од нивните конкуренти), подолго ги задржуваат своите клиенти благодарение на т.н. трошоци за префрлање (нивните клиенти ќе имаат трошоци или сложени постапки за префрлување во случај да сакаат да се префрлат кај конкурентите), и ги користат поволностите од мрежните ефекти (нивниот производ се подобрува како што се зголемува бројот на луѓе кои го користат).
Најдобриот показател за тоа колку добро работи една компанија, од перспективата на корпоративните финансии, е нејзиниот поврат на капиталот (ROC). ROC е мерка… | 11 comments on LinkedIn
www.linkedin.com
www.youtube.com
