Не го бранам, т.е. не ги бранам Русите, туку ги критикувам; напросто ми е неверојатна и неприфатлива ваква грешка од земја која е воено опремена, а не ја користи соодветно па им се случува ваков удар, кој можел да биде спречен.
Искрено како ја водат војнава Русите не ми се допаѓа воопшто и имам сомнежи колку ќе им биде успешно, али имаат причина зошто војуваат на овој начин и е во главно последица на искуства од војната во Чеченија. Имаше статија една која ја прочитав баш на оваа тема пред некој месец за тоа како они водат комплетно различно борба против исламскиот радикализам да речеме од на пример Америка.
На кратко нивната филозофија е следнава. Уништување на радикалните групи и заземање територија е комплетно непродуктивно ако претходно не се справиш со причинителите кои довеле до создавањето на овие радикални елементи и губењето на контрола врз територијата. Според нив "умерените" интелектуалци/организации/итн ... се главната причина за создавањето на радикалните елементи со тоа што они создаваат општествен наратив кој на површина изгледа позитивен а всушност во позадина ги содржи елементите за радикализација. Не е важно колку радикали ќе убиеш зошто умерените сили секогаш ќе создадат нови. Од друга страна радикалните елементи сами по себе се комплетно неодржливи зошто без "умерениот" елемент они со време со самите нивни постапки се оставаат себеси без подршка и евентуално и почнуваат и да создаваат омраза кај обичниот народ.
Па така како во Чеченија а потоа и Сирија, Русите наместо да се концентрираат првенствено на радикалите они ги демонтираат сите "умерени" елементи и структури и им помагаат на радикалните структури да добијат се поголема и поголема моќ се додека самите не си ја изгубат подршката кај самиот народ со нивните акции и со тоа овозможат каква било повторна окупација да биде дури и пречекана со елан. Исто така има и еден додаден фактор дека радикалите и фанатиците многу често не се многу приврзани до самата идеологија туку се фанатици и радикали по природа и доста лесно може да бидат префрлени во твоја служба. Па така како што сега Чеченците маршираат во Украина, нема потреба за многу чудење ако за некоја година, маршираат поранешни Азовци во Африка под водство на Вагнер.
Многу слично се случува сега и во Украина, едноставно го демонтираат Украинското општество и народ. А вооедно и самото Украинско раководство си ја демонтира Украина со нивното рушење на споменици, преименување на улици и останатата културна војна со што создаваат фракции во самото Украинско ткиво. Ако оваа војна продолжи со ваков интензитет до следната пролет, Украина може да се соочи со 250-300 000 мртви војници, уште најмалку пола милион ранети, и милиони народ преселен во странство. А тука не ја земам ни во предвид зимата, која за Украина ќе биде брутална. Нема шанси ЕУ која не може да дојде до доволно енергенси ни за самата себеси да биде солидарна со Украина. Што ќе остане тогаш до пролет од таа држава? Другата работа е што линиите на контакт не се одбрани такви какви што се случајно. Николаев, Херсон и Запорожје се регионите со најмал % на Руси од тој цел јужен појас, Русите едноставно им даваат слика што значи живот под Украина а што под Русија и им врежуваат во психа во моментов дека Украина значи смрт и комплетна нефункционалност. Они од друга страна како ослободуваат одма влагаат со градежни компании и доста спремна логистичка подршка и веднаш оспособуваат и започнуваат со реизградба.
Последната и исто така мислам доста главна причина за ваквиот начин на војна е што Русите ја користат за внатрешна употреба за создавање на нова генерација на лојални службеници и теренци. Многу е едноставно, Кадиров почна прв со тоа што создаде на трошок на Чеченија 4 доброволни батаљони, за кои патем во моментов во Кавказот се одржуваат НАТПРЕВАРУВАЊА, за кој може да се приклучи зошто интересот е доста голем. Наскоро потоа и Татарите, Бујратите, Башкирите и Чувашите а сите објавија дека и они праќаат по еден батаљон. Како што гледате секој регион со поголемо малцинство праќа доброволци, ова им се идните локални лојалисти. Не само тоа туку и со потегот направија ситуација за засрамување каде што ете малцинствата идат а Русите седат дома, па сега Москва, Петровград, Владивосток формираат исто така по еден ( а најверојатно и доста повеќе во иднина), додека регионот Перм-Омск-Нижни Новогород - Оренбург ќе оформат уште некој 10+ батаљони, од кој Омск сами 4.
Можеби не се согласувам со како го тераат воениот аспект од војнава, али нивната теорија за врската помеѓу радикалите и "умерените" е доста интересна многу логична а и применлива кај нас. Едноставно во овие 30 години ни се котат се повеќе предавници и се повеќе учкари зошто имаме класа на "умерени интелектуалци" кои им го штитат грбот и се тие кои им го создаваат наративот дека они се потребни. На крајот наративот за УЧК не го создадоа планинари и овчари, туку го создадоа кадри школувани на Приштинскиот Универзитет, "УМЕРЕНИ ИНТЕЛЕКТУАЛЦИ". Ахмети не успеа да си одбрани својот терористички наратив сам на телевизија, Чомовски/Секуловска целата таа плејада на Европско гражданство му го бранеше неговото терористичко минато исто како што сега го бранат Бугарскиот фашизам.
