Да, мислам дека како крајна и последна во најлошо сценарио, Русија може да искористи нуклеарно оружје на територијата на Украина. Не верувам дека ќе дојде до тоа зашто Русија се уште има многу други опции на располагање. Доколку оди на лошо мислам дека ќе прогласат воена состојба и ќе ги мобилизираат претходно дипломираните регрути и тие што служат војска сега и ќе ги распоредат на фронт. Би дошло нешто како делумна мобилизација.
Ама мислам дека кога ги разгледувале најлошите можни сценарија, користење нуклеарно оружје им е прифатлива последна опција.
Нуклеарна сила изгубила конвенционална војна таму кај што можела да си дозволи пораз. Ова не е Виетнам, ова за Русија е Куба.
Русија може да си дозволи пораз и во Украина. Поразот нема директно да ја загрози егзистенцијата на Руската федерација, но ќе биде историска пресвртница од надворешно-политички аспект и геостратешка катастрофа за нив.
Вакви прокси-војни има константно последните 70-80 години.
Употребата на нуклеарно оружје е опција единствено ако физичката егзистенција на државата што го употребува, е доведена во прашање. Се друго е ставање на коцка на иднината на својата држава и на целата човекова цивилизација.
Тоа го повторија неколку пати највисоки претставници на руската власт, се друго е глупав медиумски jingoism на нивни Миленковци и воини-политичари, кои немаат реална моќ на одлучување.
Употребата на нуклеарно оружје е ескалирање до точка од која нема враќање, тоа го знае секоја лидер на нуклеарна сила. За наша колективна среќа, ниту една од тие држави, вклучително и Русија, нема ирационален лидер на чело, со сериозни ментални растројства, за да употребува никлеарно оружје како политичка алатка во геополитички конфликти.
И да се врати руската војска на границите пред 24ти февруари, Русија ќе продолжи да функционира како и претходно, сигурно нема да видиме инвазија на нивна територија. Од друга страна, помислата дека употреба дури и на тактички нуклеарки, ќе помине како трендинг топик на твитер и за два дена светот ќе се врати да се смее на судењето на Џони Деп, е апсурдна. Тогаш влагаме во комплетно нов свет.
Заканата за употреба мора да постои, тоа е нормално, бидејќи Русија е фактички во конфликт со цел Запад. Традиционален game of chicken, кој постои во текот на цела Студена војна. Али од таму, до реална употреба на нуклеарно оружје во некоја прокси-војна, има многу долг пат.
Ја мислам дека малку веројатно е да видиме нуклеарно оружје. Барем се надевам дека е така и дека Путин е сеуште способен да расудува.
Украина не сака мировен договор во кој ќе изгуби територија, Крим вклучително.
Тоа ќе се случи, сакал Зеленски или не. Како се одвива војната досега, односно како иде и оваа офанзива во Донбас, ќе треба Русите да голтнат голема кнедла. Меѓутоа отстапки ќе добијат, тоа и на Зеленски му е јасно. Нормално, нема да го каже тоа јавно дури неговата армија е сред борбени дејствија, ама претпоставувам е свесен за тоа. Крим е изгубен тоа на сите им е јасно, веројатно Донбас и Керсонската област ќе останат како отворени прашања.
Она што е интересно е однесувањето на Германија и Франција во текот на цела оваа интервенција. Нивната рамнодушност за иднината на Украина, покажува само каква историска глупост беше одлуката за инвазија. Да почекаа уште 5-6 години Русите, Кина ќе станеше преголем и прескап проблем за САД, за да можат да си дозволат активно да трошат пари и енергија за добивање влијание во Украина, односно да губат внимание на други, помалку битни, регионални точки на судир. Тогаш ќе ја повлечеа подршката за Украина, а Европјаните очигледно немаат проблем да и ја отстапат трајно на Русија. Украина немаше да влезе ни во Нато ни во Еу до тогаш. Ќе ја добие на тацна, ко што Кина ќе го добие Тајван на тацна.
Затоа, за мене, ова е примарно одлука ради некои (погрешни) геополитички калкулации на Русија, а не нож до коска ситуација. Мислеа дека намирисаа слабост на Западот и дека светот се променил за нив, онака како што се промени за Кина последниве 2-3 години.
AFP via Getty Images
timesofindia.indiatimes.com
