Закани со нуклеарно оружје не помагаат воопшто. Не се единствена држава со нуклеарно оружје. Ни се првата држава со нуклеарки која заглавила во ваков quagmire. Уствари секоја војна на голема сила во нуклеарната доба, е горе-доле во ваков прокси-формат. Поентата е да не заглавиш во таква, а не да очекуваш дека светот ќе се сообрази со твојата волја, само затоа што претиш со употреба на нуклеарки. Тоа е детско ниво на наивност. Никој не е должен да им ги реализира стратешките интереси на Русите, освен они самите. Многу нормално дека САД и Европјаните ќе гледаат да ги дозаглават во војнава, а не да прават салта за Русија да ја добие почитта што самата смета дека ја заслужува. Тоа е многу опасна, ирационална, игра, со која треба да бидат многу внимателни. Никој во Русија не треба да спие на тоа уво, дека имаат некоја карта што Западот ја нема, некоја ултимативна жртва што западните држави немаат храброст да ја понесат. Западот нема да се повлече, зошто вакво однесување и за нив ја претвора војнава, од гео-политичка игра, во егзистенцијална криза.
Освен ако украинската војска не се распадне во следните недели, им останува да голтнат кнедла и да прогласат некоја симболична победа преку која ќе пробаат да деескалираат. Украина е загубена, откако пропадна првичниот план за брза промена на власт. Дали ќе ја претворат Украина во паркинг, или ќе се повлечат со некаков спин од нејзе, е сеедно за интересите на Русија. Зошто и двете опции, значат немање контрола на таа територија.
www.stalkerzone.org
