Системот произлегува од народот.
Никој не дошол да ни ги наметне политичариве, баш напротив, овие политичари произлегуваат од нас.
Многу наивно размислување. Човекот во еволутивна смисла не се разликува речиси воопшто помеѓу Германците и Балканците. Ако погледнеш малку историја ќе видиш дури и доста испреплетена држ-недај и натигодајмиго историја. Зошто тогаш Германците би заслужиле подруга власт од нас тука? Не е само во прашање народот. Уствари никад не бил во прашање народот, тоа ти е само илузија. Разликата помеѓу Германија и Македонија е во тоа што Германија користи туѓи ресурси, вклучително и нашите, за да си го купи својот социјален мир. Германија е повластена нација, а Македонија (или Занзибар или Тунгузија) е потчинета. И затоа тоа така функционира. Секој чекор понапред што ние ќе го направиме, за Германија е чекор поназад. Затоа поготово кај нас, народот и нема никаква улога каква ни е власта. За кој и да гласа народот, резултатот ќе биде ист. А тебе ти останува да побегнеш во Германија, поготово ако си стручен, (зошто таквите се секогаш добредојдени), или ако чистиш клозети(тие се понедобредојдени, али јебига).
Се ова што ни се случува, народот си го има прифатено како нормално. Денешниов народ се води по „глеај си за тебе“ или „глеај тебе да ти е добро, што ти е гајле за другиот“. Народот го заболе го заболе тулето за системот, затоа и никогаш нема да го имаме. Најлошото е што и образуваните луѓе се имаат „прилагодено на системот“, на пример професор од Правен што ме учеше однос држава-право-политика си има легнато на брашното...
Зошто на пример, порано, кога народот живеел по селата, кога некој градел куќа, пола, ако не и цело село му помагало, а денеска живееме таков отуѓен живот. Пак наврати се на претхдниот пост, дали тогаш сме биле евоулирани, а сега сме закржлавеле. Или можеби преку социјален инжинеринг и помодарство сме расчленети на најситни сегменти, до степен било каква идеја за соединување е доведена до абсурд. Систем не се менува индивуално. И повеќе има шанса индивидуалецот да се приспособи кон некој систем, ма колку и да е тој трул, него обратно.. Уствари никад системот не се приспособува кон луѓето, туку само им продава магла.
Сум кажал многу пати, светот е таков каков што е и така функционира. Ниедна револуција не го променила, ниту пак некоја ќе го промени. Сакале ние или неќеле, единствениот начин за опстанок ќе ни биде национално да се обединиме и така да се бориме за нашето место во светската цивилизација. Во секој друг случај, ќе станеме нешто слично како што биле Евреите пред 1948 или како што се денеска ромите.
Ме заболе мене за опозицијата. Не, опозицијата не ми е единствениот спас и не опозицијата нема да ми донесе подобар живот, зошто опозицијата ја занима само да дојде на власт. Опозицијата и оваа и идна и било која друга, се додека народот не ја смени колективната свест, ја заболе како живеам јас, ти или тој од некое село забутано таму без струја и вода. Ама се додека тој од таму тоа село не сфати дека малце поинаку треба да се постави кон работите и да не се пали пред кооперација на моите се подобри од твоите или моите ја чуваат Македонија, твоите ја распродадоа или едвај чекам ја да дојдам на власт па мамето мамино да ви го расплачам, нема да има промени. Затоа Горан Стефановски збори генијално, се додека не го смениш сопствениот начин на размислување, џабе е се.
Проблемот е токму тоа, што луѓето немаат свои вредности, луѓето имаат вредности кои им ги наметнува некој друг. Луѓето веруваат на ветувања, луѓето се глупи и немаат намера, ниту сакаат да се сменат самите себе.
Не, не викам дека ја сум совршен, ама се трудам да го сменам начинот на кој размислувам и се трудам да не се приклонувам кон масите. Очигледно тоа у државава не пали.
Секаде каде што ќе се одвојуваш од масите ќе бидеш обележен. Замисли си денеска да имаш мислење во Америка, дека полицаецот што го убил Џорџ Флојд не е виновен. Или во Холандија да кажеш дека твој став е дека Хомосексуалците не треба да посвојуваат деца. Токму ти и токму твоето размислување е суптилно наклонето кон масата, кон помодарството. Ова што го збори Горан, би вредело, доколку не се спомне Германската култура како супериорна, без да каже, дека не сме само ние криви што се наоѓаме во оваа ситуација, туку и нашите драги соседи, кои не уценуваат 30 години и не не пуштаат да мрднеме напред и нашите драги сограѓани, кои ни се качија на глава. Или можеби оваа изјава му е дадена во оние моменти кога за Македонија сеуште имаше шанса.
Кога у држава од 1,8 милиони жители имаш најмалце милион ботови што секогаш гласаат на избори за својата партија, не зошто стварно таа партија нуди некаква промена, мада да не се лажеме, ниту една партија не нуди промена, туку само затоа што... јебеш ли га зошто фиксно гласаат за таа партија, ваљда зошто очекуваат коа ќе дојдат они во позиција на моќ ќе им го расплачат мамето мамино на тие што нив до тогаш ги газеле... нема промена...
Лекот ќе биде промена на колективно размислување, нешто што глеам никогаш кај нас нема да се случи...
Чим во даден момент во минатото колективното размислување било добро и здраво, не гледам зошто тоа не би се случило пак... Уствари гледам, само види кому одговара нашето сегашно размислување.
И не, Германија не ја спомнав зошто Германците имаат некаква си етничка супериорност, туку зошто имаат, ај да ја наречам, општествена супериорност. Од тоа вака што го слушам од луѓе што се преселиле во Германија, обичниот Германец не размислува како да ја заебе државата. Сите тие малверзации ги имаат научено од Балканциве што отидоа таму. Германците или германските граѓани поинаку го поимаат општеството. Јас бев воодушевен кога во извештај/анализа на ЕУ прочитав дека, за разлика од нашиве држави кои едвај чекаа да прогласат вонредна состојба ради коронава, во Германија никогаш не била прогласена вонредна состојба (ова беше од лани летото, не знам дали во меѓувреме нешто се сменило, ама мислам не) затоа што Германците, поучени од историјата со Хитлер, се плашеле дека таква концентрација на голема моќ во извршната власт, може да има лоши последици. Пази, некој у Германија размислувал какви последици може да има голема концентрација на моќ, а се тоа низ призмата на историјата.
On the other hand, у Македонија на почетокот имаше маса на народ што бараше да се воведе 24 часовен полициски час. Значи маса на народ онака чисто од ракав бара беспотребно да му се ограничат правата. Затоа никогаш нема да биде држава од оваа творба, зошто народот не размислува...
ОК, донекаде се сложувам дека Германците имаат супериоерно општество, но ти тоа не можеш да го претсатвуваш како супериорна етика. Нивното супериорно општество може да трае до оној момент додека имаат да го купуваат социјалниот мир, а што после тоа? Во едно општество(и Германското и нашето) постојат многу мал дел свесни луѓе, помалку од 1%, другите едноставно се приклонуваат кон ветерот(социјалниот инжинеринг), а ветарот претежно дува во правецот на власта. Тоа никад во иднина нема да се промени, ни тука, ниту во Германија, па затоа викам дека борбата на Дон Кихот има поголема поента него ли твојата...
Кога ќе го прифатиш светот таков каков што е, тогаш ќе можеш да размислуваш како се бориш да го изведеш твоето племе на правиот пат.
