Ај еве и за ова да не испадне не сме коментирале.
Се работи за планинарскиот дом Даре Џамбаз, на врвот на Водно. Ова е мој став, не мора некој да го земе за релевантен. Подоле ќе стаам едно мислење на Здравко Дејановиќ, преземено од кај него од фејсбук.
Лично, целиот третман на Водно, мене не ми се допаѓа. Силеџиски се изгради крстот, па се китеше домот со разноразни антени, бандери, за најпосле да се изгради и жичарата и она несреќно кулиште кое очигледно нема да се доврши. Домот, како и патот и пошумувањето на целата планина е правен во ударнички акции, волонтерски. Го имаат правено наши сограѓани, претци, по мене големи визионери и луѓе со многу чувство. Не можам да следам историјат на секој дом посебно, но од тоа што разбирам, со сите домови (кои не се приватно изградени) стопанисуваат планинарски клубови, а тоа им го овозможува Федерацијата. Истата, јас лично, поради случаите со Калина и Александар, инцидентите по планиниве, потоа домот на езерото Матка и многу, многу други спорни настани, сум ја хејтал, напаѓал и лошо сум пишувал. Уште стојам на тоа.
До скоро со домот управуваше ПСК Бистра од Скопје. За мои поимања, многу лошо. Капацитетите на домот не само што не се искористени, туку воопшто не се ни има желба да се искористат. Нивото на хигиена беше прилично лошо, посебно за непосредната околина надвор околу домот. Мои пријатели на фејсбук редовно ја хејтаат федерацијата, сега и на оваа тема, со некакво прикажување на баба-роги, дека друштвото кое сега го има добиено домот на располагање ќе го претвори во луксузен ресторан, дека ќе се плаќаат скапи кафиња и дека нема да се има каде да се седне од таканаречени не-планинари.
Е сега, околу не-планинарите...стереотип за „планинар“ во оваа држава, не е лик што изгледа здраво, живее здраво, има беспрекорна кондиција и е опремен соодветно и воопшто живее во тој дух, туку некој изгубен случај со стомак, што качувањето до врв на Водно го дожувива како експедиција на К2 и за да „надокнади“ мора горе да се изналапа чварки, да испие литро ракија и да седи цел ден во домот (кој е сечиј, нели, па сега некој ќе го украде). Таа грда слика, тешко искача од поимањата на луѓето.
Не ги знам овие Х20 што го добиле сега домот. Прикажале некаков план дека ќе инвестираат пари и дека ќе го подигнат нивото. Многу веројатно дека овие, горенаведените нема да може да урлаат пијани и со еден чај од 30 денари да држат маса цел ден.
Би сакал сите домови да се како во Словенија, Австрија, Швајцарија.......и тоа чини другари. Спиење во дом во Швајцарија чини многу. Треба да се најавиш и таму треба да си дисциплиниран и мирен како бубачка, пошо ќе те шутнат ко партал. На овие ликови од Бистра, за кои Дејановиќ тврди и дека воопшто не се автентични, треба да им стане јасно дека не е 1950та година и тоа не е само за нив. Нема веќе кој да го плаќа уредувањето на домовите, за тие да глумат марксисти, анархисти или не знам што се замишљаат дека се. По иститот принцип, планинарскиот дом Смрека на Шапка буквално се распаѓа и можеш со хепатитис од таму да искочиш, а го стопанисува Трансферзалец. До скоро во таква состојба беше и домот Љуботен, но и таму се млади момци од Тетово и со своја работна рака, донации го реновираа домот и сега личи на нешто пристојно. За голем поздрав е и клубот Аргентус Монс од Тетово, кој ја реконструираше кулата на Титов врв и ја претвори во заклон, стврано на ниво на намената.
Еве го постот на Здравко:
Почитувани пријатели, се извинувам што на вака непопуларен начин морам да се обратам.
Повеќето од Вас се запознаени дека во претходниот период од страна на Федерацијата за планинарство на Северна Македонија ( ФПСМ) и нејзината Комисија за доделување на планинарскиот дом “Даре Џамбаз“ под закуп , транспарентно беше објавен редовен Оглас до сите планинарски клубови во Македонија за доделување под закуп на планинарскиот дом „Даре Џамбаз“, кој се наоѓа на врвот Водно. Конкурсот беше објавен заради тоа што постоечкиот договор кој го имаше ФПСМ со планинарскиот клуб „Бистра“ од Скопје , како закупец, беше истечен.
На конкурсот кој траеше четириесетина дена се имаа пријавено неколку заинтересирани клубови, меѓу кој и ПСК„Анапурна“ од Скопје , чиј што сум председател. И покрај тоа што како клуб сериозно бевме заинтересирани за изнајмување на планинарскиот дом, поради голема немарност од моја страна и од страна на другиот член од клубот, Дејан, со кого бевме иницијатори на оваа намера, документите до комисијата ги поднесовме со еднодневно закаснување од предвидениот рок. Согласно законот, нашиот обемен проект и елаборат кој го имавме поднесено, односно нашата понуда, Комисијата, држеќи се професионално кон својата работа, ја одби како неблаговремена и не ја разгледуваше. На огласот најповолна понуда имаше поднесено ПСК„Х20“ од Скопје при што согласно сите законски процедури беа избрани како следни корисници на планинарскиот дом за нареден временски период од 5 години. Носители на намера за изнајмување на домот од клубот „Х2О)“ колку што знам беа Ирена Диков и Јовица Апостоловски кои лично убаво ги познавам. И двајцата се сериозни и прекрасни личности со што ни најмалку не оставаат сомнеж дека домот домаќински и пред се според пропишаните услови, ќе го одржуваат и работат. Јас лично им поскаувам многу среќа и успешно водење на домот, каде што сигурно ќе бидам чест посетител.
Повод за моето обраќање се несоодветната реакции на председателот на клубот Бистра кој беше досегашен закупец, кој агресивно и нецивилизирано преку социјалните мрежи и телевизиските медиуми, безобзирно и фрустрирачки ја напаѓа ФПСМ и незиното раководство за регуларно завршениот конкурс.
Во тие негови неаргументирани и со невистини исполнети напади, цело време ја провлекува информацијата дека ПСК „Бистра“ е сопственик на трите хималајски искачувања, Монт Еверест, К2 и Анапурна, кои ги имав јас постигнато, додека бев и самиот нејзин член.
Во 2016 година, од страна на истата личност (Коле Мајнов), на крајно незаконски начин, со донесување на нови личности на денот на собранието, кои воопшто не беа планинари ни членови на клубот, спротивно на одредбите од Статутот на клубот Бистра, со делење на ливчиња пред влезот во салата каде се одржуваше собранието, со влијание врз членовите на клубот за кого да гласаат за претседател, е направена смена на долгогодишниот претседател Живко Темелковски при што самиот, без пропишаната изборна постапка се промовираше како нов претседател. Поради несогласување, иако бевме актуелни членови на претседателството, и активни членови планинари, заедно со Живко, како и многу други активни членови, го напуштивме клубот.
Искачувањата на хималајските врвови беа направени исклучиво во организација на ФПСМ, без никакво учество на ПСК „ Бистра“ , па така „сопственик“ на тие искачувања неможе да биде никој друг освен ФПСМ како институција и на никој друг не му дозволуваме да ги присвојува и да полага право на нив. Најмалку некој да ги девалвира во планинарско политички интриги.
20.11.2020 година
Дејановиќ Здравко
A еве пост и на извесен Александар Атансовски, кој не го познавам, но е очигледно од „оштетената“ страна:
Planinarski dom "Dare Dzambaz"
"NE" za pretvaranjeto na domot vo ugostitelski objekt.
I, kolku nekoj(FPSM)da saka.da gi zabushoti rabotite,ne moze da.gi ignorira potpisite na poveke od 1700 planinari,bajkeri I rekreativci koi se za.domot da ostane PLANINARSKI.
MASKITE PAGJAAT - RAKOVODSTVO NA FEDERACIJA NA PLANINARSKI.SPORTOVI (FPSM)
Povod sa ova moe pisanie e napolno neplaninarskiot poteg na rakovodstvoto za.donesuvanje na odluka so koja.domot.se Dare Dzambaz se predava co racete na ugostitel.
Vo aktivnostite okolu borbata da domot go.za zadrzi.satusot na planinarski.dom.se otkrivaat mnogu raboti za toa kako FPSM stopanisuva.so infrastrukturata (domovite).na planinarite na Makedonija.
Pokraj devastiraniot.dom na.Sredno.Vodno so posredstvo na pretsedatelot na FPSM (so koj kako ugostitelski objekt dolgo vreme stopanisuvshe brat.mu ) , investicionen molk - ni edna.shajka nemaat udreno vo vozobnovuvanje na postojnite I izgradba na novi.
Prim. Vo okolinata na.Skopje ima samo.eden planinarski.dom "Dare Dzambaz", i toj sakaat.da.go unishtatat. Na Skopska.Crna.gora dolzina od okolu 60 kilometri nitu eden.
MASKITE PAGJAAT
Prashuvam:
- Dali podatokot.da edno lice.rakovodi.so 2-3 komisii vo FPSM e tocen ?
- Dali podatokot.za otugjuvanje ( prodavanje)na..Domot na.Matka e tocen?
- Kako e realiziranana prodazbata, na kogo, iznos i kade legnale.dobienite.sredstva.?
OVA.GO PRASHUVAM.VO IME NA PLANINARITE ORGANIZIRANI.VO DRUSHTVA I NEORGANIZIRANI, VO IME.NA SITE GRAGJANI
Prodolzuva....
А да и за зима, ладно време не сум се осмелил да ги испробам на подолга тура.
