Сколари оди на четири трофеи
Менаџерот на Челзи, Луис Фелипе Сколари, најави поход на дури четири трофеи во новата сезона и тврди дека во моментов има само една или две енигми во врска со стартниот состав. Бразилскиот стручњак е задоволен од тоа што раководството на клубот му ги исполнило сите желби во летниот преоден рок и смета дека сега има состав кој е способен да го надополни сето она што лани беше загубено.
"Екипата е речиси непроменета во однос на минатата сезона кога играше во две финалиња, едно во Лигата на шампионите и едно во Карлинг-купот. Но, јас сакам многу повеќе, сакам трофеи и тоа во сите можни натпреварувања во кои учествуваме", вели Сколари.
Летово на Стемфорд Бриџ пристигнаа двајца квалитетни фудбалери: Деко и Жозе Босингва, а можно е до крајот на преодниот рок тимот да биде засилен уште со Кака и Робињо со кои преговорите с$ уште се во тек. Со овој кадар што го има Сколари смета дека дури 90% од тимот е веќе познат на три недели пред стартот на Премиер-лигата.
"Поминавме три недели заедно, сосема доволно да добијам увид во силата на екипата и на секој играч поединечно. Поголемиот дел од тимот е од лани, а во следниот период ќе ги елиминирам сите дилеми во врска со стартниот состав", додаде новиот менаџер на Челзи.
На двата подготвителни натпревари на азиската турнеја, лондонскиот тим славеше против Гуангжу и Ченгду при што постигна дури 11 гола. Во следниот период Челзи ќе биде на турнеја во Русија каде ќе има можност да се потсети на последното финале од Лигата на шампионите и несреќниот пораз од Манчестер Јунајтед.
Сепак, плановите на Сколари би можеле сериозно да бидат нарушени во зависност од одлуката на Френк Лампард. Англискиот репрезентативец има отворена можност за трансфер во Интер, но во исто време Челзи не планира да го пушти, па неодамна му даде понуда за нов петгодишен договор за 37 милиони фунти.
Многу сака.:pos2: