Тоа што досега не се случило воопшто не го намалува ризикот дека може да се случи. Напротив, ризикот е уште поголем затоа што е зголемена количината на пари со којашто располагаат тие луѓе. Се кладам дека ни пет луѓе у целата држава што не се директно вклучени во таа индустрија не знаеле дека КБ Публикум има над 50 милиони евра кеш у тој фонд. Фондовската индустрија е еден типичен ќути-си-дупи-си бизнис кајшто вработените малтене неочекувано се нашле со прстите длабоко во медот и сега грчевито се борат за да си ги зачуваат позициите. Не работат скоро ништо и не сносат одговорности, а имаат огромни примања за македонски услови.
Инаку, бекството воопшто и не мора да биде во некоја далечна држава туку може и во непосредно соседство. Има барем пет добро познати примери на луѓе што се накрале пари во Македонија, а се наоѓаат во Србија и Бугарија кадешто сигурно плаќаат солиден рекет за да добијат државјанства и не бидат испорачани, а богами и во Македонија за да не се ни инсистира на екстрадиција. Ич да не зборам за Албанија или Косово кајшто пребегнат криминалец со десетици милиони евра би бил практично недопирлив.
