Ова океј со анкетава. Меѓутоа работава не е само промена на име, тука има ред други работи за кои што паламудиме тука со месеци. Значи со договорот е опфатен опсег на употреба, идентитет, јазик, малцински права, забрана за користење на симболи, бришење на цели историски периоди...значи не се преговараше само за промена на име. Тоа е можеби официјалниот назив на преговорите, но во сенка на името се преговараше и за ред други сензитивни теми. Што значи дека името е еден вид на "тројански коњ" преку кој се пристапува до суштината на проблемот, кој пак е опфатен детално низ сите точки во договорот. Промената на името е само една од точките за кои што се преговара. Затоа, по некое мое скромно мислење, прашањето би требало поинаку да биде формулирано, во смисол:
Дали сте за влез во НАТО и потенцијално ЕУ - под услов договорот со Грција да стапи на сила?
Така некако би требало да биде формулирано прашањето. Промената на уставното име е само дистракција кон нешто посуштинско, а тоа е содржано во договорот.
Секој кој што би излегол на референдум да гласа, треба да гласа ЗА или ПРОТИВ ваквиот договор, а од крајниот резултат треба да се подразбира дали е народот за или против членство во нато и еу под моменталните услови кои што произлегуваат од договореното со Грција. Значи главниот акцент треба да се стави на содржината на договорот и во крајна инстанца секој кој што ќе се одлучи да гласа треба детално да биде запознат со сите точки од договореното.
Формулацијата на референдумското прашање е суштинска. А тука ќе се прават еден куп манипулации. Наместо јасно прашање со концизен одговор ќе се оди на конфузно, содржајно, манипулативно скроено, кое што ќе имплицира кон позитивен одговор.