Не се работи за национализам на Слобо. Слобо играше перфидно во тој поглед и дури како основна парола му беше задржување на Југославија во некаква форма. Меѓутоа и создаде плодна почва за да се развиваат њушки од калибарот на Шешељ и слични тешки националисти кои тоа го артикулираа така како што излезе. Србија изгуби многу. Паторот тоа се обиде да го протне у времето кога веќе му беше турена пепел, ама ниту имаше остатоци барем од некаква армија, ниту храбри доброволци (туку пи*ки и ќосиња), ниту памет како тоа да го напраи - реално, твитови и фејсбук статуси на филип петровски и тврдокорни никој не ги есапи дека постојат. Планот на САД да ги затне сите јужни врски на Русија со море и да направи обрач на сите нејзини јужни граници до Индија и Кина е реална работа. Точно, Фајром е небитна територија, меѓутоа би и било проблем на USA, ако има некаква политичка нестабилност која може да ги стави во некаков воен конфликт балканскиве земји (а тоа се има случено и порано) - не заборавајте какви армии имаат Турција и Грција.
Не е точно дека Русија работи дефанзивно. Млад си и не знаеш како Русија ги држеше земјите од источниот блок. Советскиот сојуз исто има интервенции по светот, како Кореја, Авганистан, Сирија - секогаш без исклучок давале поддршка на режими, воени хунти, револуционери кои во Америка гледале зло. Факт е дека руинираната економија на Русија, која колку и да расте треба многу за да го надомести периодот кога правеа нуклеарки и калашњикови, а не реални пари. Војна водат богати земји за да станат уште побогати. Русија има огромна територија, огромни ресурси и релативно бројно население, ама политичката игра која често се игра со големи пари, големи инвестиции надвор, подмитувања - едноставно Русите не ги бива за таа игра. Америка и Британија бушат каде стигнат. Во Сирија тоа што си го напишал - ситуацијата не е конечна и не се знае исходот. Таму се вмешани 4-5 и повеќе страни, меѓу кои и Иран и Саудијците, меѓутоа ако не се случи квалитетно прешалтување на Турција кон Русија и ако иранецот падне во Сирија - Русија веќе и целосно ќе нема пристап на Медитеранот - така да сите што гледаат во Путин некаков бог и некакво опаѓање на јенките дебело се лажат.
Трета опција кај нас може да се случи.
Требаше да се случи. И тоа од надвор ќе ни го одлучат. И тоа се праи за да му се даде на народот лажен комфорт. Ќе се препакуваат само исти ликови под ново име и што е според мене полошо - и во нив народот ќе гледа некаква верба. Проблемот е што кај нас суштински народот дава политичари со квалитет на г***о, подложни на корупција, бескичмењаци и луѓе што не знаат да градат надворешни односи со поголем квалитет. Дури и да се јави автентична трета опција, независна и стварно со искрени намери, ќе дојде западот и ќе ја заузда - ете ја Сириза - ветувања, немале да враќаат, фрлаа со г***а кон ММФ и светска банка и пак се фатија у орото.
И да се менуваат раководства во партиите - сите наредни што ќе дојдат се неизживеани копуци кои ги форсирал некој во рамки на партијата, неквалитетен кадар, без харизма, без знаење (што е уште побитно) - се' ни е џабе, спас нема. Од ваков гамад народ - толку.
На крајот на краиштата дали е битно кој е во право? Поентата беше во сосема друг контекст. Ние не можеме да се надеваме на странски сили дека ќе работат во име на нашите интереси, секој си ги гледа неговите. И ова што денес ни се дешава, притисоци околу промена на име, прешалтовање на влади се дејствија од страна на трети страни инволвирани тука, насочени кон остварување на сопствените интереси во регионот. И да се свртиме кон Русија, како ете некаква алтернатива на Западот исто ќе биде. Ќе служиме како полигон за раскусурување со интересите на Западот. Во моменотов тоа и сме.
Од друга страна кога ќе се спореди пак перспективата која ја нуди ЕУ и НАТО во споредба со она што Русија има да го понуди тогаш изборот сам по себе е јасен. Ние ваљда се стремиме кон подобар живот, заживување на економијата, зголемување на стандардот, слобода на движење и тргување со светот, поголеми човекови права и.т.н. Што од ова има да понуди Русија па ете, некој да размисли и смени страна?
Ние како ваква минијатура од држава, со моменталнава местоположба не сме во ситуација да глумиме неутралност. Премногу сме блиску кон центарот на случувањата, кон зоната на интереси околу која големите сили ги кршат копјата. Тргнувајќи од таму членството во воена алијанса како НАТО е нужно за државички како нашата.
На прсти се бројат офанзивните дејствија на Русија и успесите во нив. Успех можеби е Сирија но самиот рече оти таму се уште не е завршено. Авганистан, Чеченија не би ги нарекол воени успеси баш. Од друга страна пак ни Америка не е нешто успешна тука ако се земе предвид Виетнам на пример. Тотален дебакл. Така да во право си тука.
Нејсе, не е ни битно. Битна е моменталнава ситуација, за кај нас правиме муабет.
Да бидеме среќни и донекаде што интересите на Западот се во насока на наше сојузништво со нив, оти како што има примери ако им се видевме како пречка на патот тогаш ова ќе беше друга приказна. Затоа јас внимателно би играл со алтернативите кои овде некои членови толку лесно ги форсираат.
За третата опција кај нас и да се случи ќе биде како што велиш ти: вештачка творба под покровителство на некоја друга заинтересирана страна. Пошто ние генерално не знаеме да работиме во интерес на сопствените интереси, дури не сум ни сигурен дека и јасно ги имаме дефинирано, затоа што истите се менуваат со промената на секоја власт, истите се сведуваат на лични и ситнопартиски интереси од кои е водена целата држава последниве 27 години.
Така да некаква трета опција во моменталнава ситуација тешко дека ќе се случи. Левица од некои едно време беше форсирана за таква па гледаме каде заврши.
Се согласувам кога велиш дека таква опција и да произлезе кај нас ќе служи само за замачкување на очите на народот, ништо повеќе. Истата ќе треба да биде аминувана и од странски фактори така да не знам колку таквата трета варијанта би била полезна. И што добро би произлегло уствари од ваков народ.
