Ај да го копирам вотиќ малку:
1. Loveless - Ова беше едно преемотивно, преболно искуство, повеќезначно, полно со симболи, метафори, алегории... Филм што наежува од глава до петици, една одлична критика за општеството во кое живееме и во кое сме подалечни од најблиските од кога било. Филм за себичноста, за отуѓеноста, за изместените вредности, за дволичноста, за многу нешта... И за сега, единствена 10 од 2017!
2. mother! - Е ова не очекував дека ќе ми се допадне толку многу. Најдоброто од Аронофски по The Fountain, прекрасен опис на... на... па на многу нешта, зависи како ќе го протолкувате.
3. Wind River - Најтензичниот филм од 2017, веројатно. Убаво кажа вот - 2 саати без воздух да земеш!
4. I Don't Feel at Home in This World Anymore - слично како Wind River погоре, филм за грицкање нокти. По Whiplash, најдобриот победник на Санденс!
5. Okja - Не очекував декадо толку ќе се соживеам со филм што наликува на пропаганда од Анима Мунди. Ама има во менетолку многу емпатија, што би се соживеал и со нешто слично, само за камен, наместо за прасе. Филмчево е вистинско изненадување за 2017.
6. War for the Planet of the Apes - Преубаво продолжение на сагата. Ми отвори и некои прашања, но верувам дека ќе се склопат коцките понатаму. Мене ми беше дури и поубав од Dawn.
7. The Shape of Water - Бајковито! Баш какво што очекував. И музиката е предобра. Поради немоќта на било кој од тие погоре да се вмеша во трката за Оскар, за мене ова е фаворитот бр.1. За сега!
8. The Square - еден од најоригиналните филмови во 2017. Мрднато добар - го опиша
@Anon and I cannot agree more!
9. Mudbound - обично не сакам клише филмови за обесправените црнци, ама овде не ми сметаше ништо, ни за миг! Одлична глума од цела актерска екипа. Многу емоции.
10. Get Out - навистина оригинална приказна. Многу тензичен, и иако малку предвидлив, купува со свежината која ја носи со себе.
Уште неколку honorary mentions:
Baby Driver - Во филмов има коли, жени, мафија, брзина... комбинација што обично не ми дава ни да стиснам play. А тука би стиснал и repeat. По некоја година.
The Big Sick - Вака, од некоја временска перспектива, мислам дека филмов е малку overrated, и дека хајпот околу него го крева фактот што е вистинска приказна, и што главниот актер е човекот на кој му се случила таа приказна. Но имаше добар хумор, и отскокнуваше малку од просекот.
A Ghost Story - Ова е веројатно најбавниот филм кој ми се допаднал во животот! Ама сцената со Руни Мара и питата беше too much, според мене.
Flops of the year:
5. Happy End - многупати пишував, а имам и сведоци. Џабе си потрошивме 2 саати, а можевме да си се напиеме кафе.
4. L'Amant Double - Пред една од проекциите на Синедејс, ја напуштаат салата гледачите на претходниот филм (овој), и една пријателка на
@Anon со коментар дека не била во состојба да зборува после филмов. Демек толку бил добар. И тогаш помислив дека некому му фали нешто, или нејзе, или мене. Истото сега го мислам.
3. Raw - Што беше хајпот со овој, уште не сфаќам. Грозоќа!
2. Fifty Shades Darker - Овде тесна беше битката за прво место. Среќа што постоеше I Don't Wanna Live Forever во филмов, инаку сигурно ќе беше на прво место. Според мене ова е филм за глупави гледачи. Вреѓа интелигенција.
1. Baywatch - Е за ова, останувам speechless. Веројатно дека гледајќи го, ми умреа и оние мозочни клетки во кои се содржеа информациите што требаше да го опишат.