90ти американски филмски награди (Оскари 2017)

[Zlatikevichius]

Еве ме. Конечно. Да, освен темата за Оскарите за 2013, сите други, 4 на број, сум ги отворил пред 30 ноември. Особена чест и задоволство ми е што по шести пат ќе ја отворам токму јас темата за најважната награда во светот на филмот, наградата на Американската филмска академија (во продолжение AMPAS или Академијата), која овојпат ќе се одржи по јубилеен, 90-ти пат, засенета од низата обвинувања за сексуални малтретирања и вознемирувања од страна на т.н. холивудски предатори, како Харви Вајнстејн, Кевин Спејси, Луис Си Кеј, Ларс фон Трир и низа други. Се уште е непознато како скандалите ќе се одразат на наградата и на филмскиот свет, ќе видиме до година, кога ќе бидат доделени златните статуетки. За сега, имаше само една голема промена - Харви Вајнстејн стана вториот член на Академијата во историјата кој бил избркан од неа! А со оглед на тоа што држеше огромен сноп на конци во Холивуд кои сега му се скинати, промената дефинитивно ќе има огромно влијание врз Оскарите за 2017.

Да се вратам назад на нашата тема. Оскарите за 2017 официјално започнаа пред некој ден, кога на годинешните Governors Awards им беа врачени почесни Оскари за животно дело на Charles Burnett, Owen Roizman, Donald Sutherland и Agnès Varda, и уште еден Оскар за особени достигнувања во областа на филмот за Алехандро Гонзалес Ињариту за неговиот проект со виртуелна реалност Carne y arena. Продолжуваат со презентирањето на кратките листи на филмови кои ја продолжуваат трката до номинација во некои категории како странски филм, краток анимиран, документарец, визуелни ефекти, музика, песна и сл., подоцна, на 23 јануари 2018 со објавувањето на номинациите во истите 24 категории како изнинативе десетина и повеќе години, за да финишираат на 4 март 2018 (малку подоцна од вообичаено заради Зимските олимписки игри 2018 кои се одржуваат во февруари) во Dolby Theatre во Холивуд, Лос Анџелес, каде ќе бидат доделени златните момчиња на „најдобрите“ меѓу „најдобрите“. Втора година по ред шоуто ќе го води комичарот Џими Кимел (прв пат по Били Кристал во 1997 и 1998), а ќе биде продуцирано и од истите продуценти: Michael De Luca и Jennifer Todd.

А што прави толку рано темава тука? Сме го збореле ова, вратете се назад во претходните теми:

2012
2013
2014
2015
2016

Еве објаснувањето од лани:

За тие кои не знаат како функционира мојот систем: ги земам во предвид предвидувањата на 5 сајта кои се ориентирани кон филмот, и преку систем на бодување на филмовите од нивните предвидувања, добивам ранг листа на филмовите кои веројатно најдобро ќе поминат на доделувањето на Оскарите, и ја презентирам тука. Иако голем дел од овие филмови сѐ уште немале ни премиера по кино салите во Америка (поточно, во Лос Анџелес), овие предвидувања се прават на основ на нивните проекции и прием од публиката на филмските фестивали и секако, по скринерите доставени до членовите на Академијата и новинарите (иако сѐ уште е рано за кулминацијата на сезоната на скринерите, кои обично се најбројни пред Нова година)

Оваа година, има една значајна измена меѓу сајтовите кои ги дадоа предвидувањата: наместо со години стандардниот Variety кој годинава се уште нема објавено свои листи со предвидувања, го зедов во предвид мислењето на магазинот The Playlist. Останатите 4 се истите: Indiewire, Awards Watch, Awards Circuit и блогот Animation Alley. А исто така, заради првата утка во мојот систем (за прв пат лани најдоброрангираниот филм La La Land не го зеде Оскарот за најдобар филм, туку го зеде Moonlight, кој иако беше со ист број на бодови, беше треторангиран), оваа година одлучив, само во категоријата најдобар филм, да земам во предвид предвидувања на уште 3 филмски портали: EW, Collider и GoldDerby.

Стандардно, до објавувањето на номинациите пишувајте ги тука вашите желби и прогнози, како и анализи за престојните милион разни доделувања на награди во САД и Европа кои секако дека ќе влијаат на конечното формирање на номинациите. По објавувањето на номинациите следува задолжителната анкета за најдобар филм според членовите на Кајгана форум. И секако, по доделувањето на Оскарите, четвртите по ред Kajgana Film Awards!

Еве ги годинешните фаворити во некои од главните категории:
_________________________________________________________________
ФИЛМ (ранг листа)
(во заградите до името на филмот и режисерот е моменталниот IMDB рејтинг. со кликање на името или постерот, одите до IMDB страницата за филмот)

СИГУРНИ НОМИНАЦИИ, ВЕРОЈАТНО ЕДЕН ОД ТРИТЕ ЌЕ ГО ЗЕМЕ И ОСКАРОТ:

1. THE SHAPE OF WATER - Guillermo del Toro (7.6)


2. DUNKIRK - Christopher Nolan (8.3)


3. THREE BILLBOARDS OUTSIDE EBBING, MISSOURI - Martin McDonagh (8.5)


УШТЕ ЕДНА СИГУРНА НОМИНАЦИЈА, И СПОРЕД МЕНЕ, СИЛЕН КАНДИДАТ ЗА ОСКАРОТ, ИАКО НЕ МИСЛАТ СИТЕ ТАКА:

4. CALL ME BY YOUR NAME - Luca Guadagnino (8.4)


НАЈВЕРОЈАТНО ЌЕ БИДАТ НОМИНИРАНИ И:

5. LADY BIRD - Greta Gerwig (8.5)


6. DARKEST HOUR - Joe Wright (6.0)


7. GET OUT - Jordan Peele (7.7)


8. THE FLORIDA PROJECT - Sean Baker (8.1)


НАЈГОЛЕМИ ФАВОРИТИ ЗА ТЕОРЕТСКИ ПОСЛЕДНИТЕ 2 НОМИНАЦИИ:

9. THE POST - Steven Spielberg (N/A)


10. THE BIG SICK - Michael Showalter (7.7)


11. MUDBOUND - Dee Rees (7.5)


12. BLADE RUNNER 2049 - Denis Villeneuve (8.4)


МОЖНИ „ИЗНЕНАДУВАЊА“:

13. WONDER WOMAN - Patty Jenkins (7.6)


14. I, TONYA - Craig Gillespie (7.6)


15. PHANTOM THREAD - Paul Thomas Anderson (9.1)


СЕ СПОМНУВААТ УШТЕ И:

16. BATTLE OF THE SEXES - Jonathan Dayton, Valerie Faris (7.0)


17. DETROIT - Kathryn Bigelow (7.6)


18. LAST FLAG FLYING - Richard Linklater (7.3)


19. MOLLY'S GAME - Aaron Sorkin (7.1)


20. DOWNSIZING - Alexander Payne (6.2)


До крајот на листата за оваа година има уште 28 (+) филма, но нивните шанси се речиси еднакви на 0 - ако можам, ќе ја продолжам листата подоцна.

Исто така, ќе направам слични листи и за останатите позначајни категории.

И пак, copy-pasted од лани: ве молам немојте повторно со муабетот „рано е за темава“ - наместо одговор, видете ги мислењата од минатите години, сто пати имаме дискутирано на таа тема.

Let the Oscar season begin!

 

[Zlatikevichius]

ОСТАНАТИ ФИЛМОВИ НА КОИ БАРЕМ ДВА САЈТА ИМ ДАВААТ КАКВИ-ТАКВИ ШАНСИ:

21. WONDER WHEEL - Woody Allen (6.1)


22. STRONGER - David Gordon Green (7.5)


23. MOTHER! - Darren Aronofsky (7.1)


24. ALL THE MONEY IN THE WORLD - Ridley Scott (N/A)


25. VICTORIA AND ABDUL - Stephen Frears (6.8)


26. WONDERSTRUCK - Todd Haynes (6.9)


27. STAR WARS: THE LAST JEDI - Rian Johnson (N/A)


28. COCO - Lee Unkrich, Adrian Molina (9.0)


29. ROMAN J. ISRAEL, ESQ - Dan Gilroy (6.3)


30. THE DISASTER ARTIST - James Franco (8.2)


31. THE MEYEROWITZ STORIES (NEW AND SELECTED) - Noah Baumbach (7.1)


32. THE KILLING OF A SACRED DEER - Yorgos Lanthimos (7.7)


33. THE BEGUILED - Sofia Coppola (6.5)


34. FIRST THEY KILLED MY FATHER - Angelina Jolie (7.2)


35. BREATHE - Andy Serkis (7.0)


36. BABY DRIVER - Edgar Wright (7.8)


37. THE GREATEST SHOWMAN - Michael Gracey (N/A)


38. WAR FOR THE PLANET OF THE APES - Matt Reeves (7.6)


39. MURDER ON THE ORIENT EXPRESS - Kenneth Branagh (7.6)


40. OKJA - Joon-ho Bong (7.4)

 

[Zlatikevichius]

41. LOGAN - James Mangold (8.2)


42. WONDER - Stephen Chbosky (8.1)


43. HOSTILES - Scott Cooper (8.2)


44. BEAUTY AND THE BEAST - Bill Condon (7.3)


45. WIND RIVER - Taylor Sheridan (7.8)


46. THE 15:17 TO PARIS - Clint Eastwood (N/A)

47. NOVITIATE - Margaret Betts (6.6)


Толку се. Уште само по еднаш се спомнати и: MARSHAL, FILM STARS DON'T DIE IN LIVERPOOL, THANK YOU FOR YOUR SERVICE, GOODBYE CHRISTOPHER ROBIN, THE LOVERS,MY COUSIN RACHEL, HAPPY END, LOGAN LUCKY, THE MAN WHO INVENTED CHRISTMAS, THE MOUNTAIN BETWEEN US, ONLY THE BRAVE, OUR SOULS AT NIGHT, REDOUBTABLE, SUBMERGENCE и COLOSSAL, ама јас сметам дека шансите на било кој од овие да бидат номинирани се еднакви на 0 и можеби некоја децимала проценти. Другите категории, друг пат.

 

[Corvus]

Ај јас ќе кажам збор-два за тие што ми се гледани додека одмара Злате

СИГУРНИ НОМИНАЦИИ (2/3):

The Shape of Water - Од сите во категоријава, овој ми е омилен. Не затоашто беше грандиозно голем, или сакаше да прати многу важна порака, или па ќе има некаква сигнификантност во модерната филмска историја. Ама е една прекрасна фантазија што сакал нејќел те извлекува во една друга реалност, па забораваш кај живееш добри два саати. Обожавам кога филм го праи тоа

Dunkirk - Не-толку-класична воена драма. Јас неам многу воени драми гледано, а неам ни многу љубов за нив. Ама имам изгледано доволно за да знам што е клише, а што новитет во жанрот. Нолан тука ги има земено техничките елементи што една воена драма ја прават класична и ги има имплементирано во една поинаква форма на нарација. Комплексниот триплет на тајмлајни и идејата да се промовира кукавичлукот и инстинктот за преживување на сметка на херојството и пожртвуваноста (кои што сме навикнати да ги гледаме во овој тип на филмови) е едно навистина освежувачко искуство кога се работи за волку исклиширан и строго дефиниран жанр.
Очекувам ова да биде Оскаровецот на Нолан, не само што филмот е квалитетно изработен и доминира од визуелно-аудитивните аспекти па до режија и сценарио, туку и фактот што Академијата чека шанса да му се раздолжи на Нолан за пропустот со Интерстелар придонесува кон тоа Dunkirk да ја земе статуетката годинава.

НАЈГОЛЕМИ ФАВОРИТИ ЗА ПОСЛЕДНИТЕ 2 НОМИНАЦИИ (1/4):

Blade Runner 2049 - Заљубена сум во овој. Не знам дали во филмот или во Гослинг. Може во двете. У секој случај филмов ми беше феноменален, не знам да кажам дали беше подобар од оригиналот објективно гледано, ама јас повеќе уживав во овој, и поинтересен ми беше, и повеќе ме држеше, и музиката многу повеќе ми се свиѓаше. Беше далеку посодржаен од оригиналот исто така, и некако од секој аспект подобар, многу убава работа си има завршено режисеров од Arrival и се очекува во иднина да снима уште подобри и уште поголеми проекти. После Ковенант, среќа што се повлече Скот од режисерското место, доста му е една усрана франшиза.
Овие три горенаведени филмови очекувам да се вртат во повеќето категории не само во оваа покрај тоа што имаат top notch: режија, сценарио, музика, кинематографија и се друго впрочем, па ќе биде тесно меѓу нив и во другите категории.

МОЖНИ „ИЗНЕНАДУВАЊА“ (1/3):

Wonder Woman - Не знам што прави филмов овде најискрено. Воопшто не е Оскаровски материјал, и на страна тоа туку и in general не исполни некои стандарди што требаше да се исполнат за да биде extraordinary. Имаше убави кадри, убава музика, ок беше all in all, ама ако веќе бираме суперхеројски филм што треба да не застапува годинава, овој со таков мизерен финиш е далеку од претставник, најмногу што ќе му прогледам на филмов за присуство на Оскари, е некоја од категориите за шминка, фризура и костимографија, се останато ќе биде ефтина промоција на жените во индустријава.

ОСТАНАТИ ФИЛМОВИ НА КОИ БАРЕМ ДВА САЈТА ИМ ДАВААТ КАКВИ-ТАКВИ ШАНСИ (4/28):

Mother! - Не.

The Beguiled - Нема што многу да се збори за филмов. Пријатен за гледање, се друго просек. Многу тешко дека ќе направи нешто со вакви ајкули во конкуренција, во секоја категорија не само во оваа. Од тоа што гледав досега, само за костимографија навивам, и очекувам да земе, во другите категории не глеам поента да учествува.

Baby Driver - Многу ми беше лош филмов, не знам на кој основ влегува овој во конкуренција, па за категоријава па ич не е. Само 3 работи ми беа добри од цел филм и тоа: Кевин Спејси (посекако), музиката и интро сцената со Субаруто. Се друго ми беше префејспалм материјал, би сакала Спејси да го номинираат, ама со скандаливе многу тешко, за жал.

Logan - Овој колку толку има поеќе смисла што се наоѓа на листава од Wonder Woman, ама не доволно за да разберам што бара и тој. Драма просечна беше, и тоа на второ гледање многу полоша. Не дека може да се најде некоја замерка од типот Е ова не ми се свиѓаше, ама не останува многу во сеќавање. Во секој случај е најдобар дел од Wolverine трилогијата и за тоа треба да му се даде признание, не во форма на номинација за најдобар филм though.


Многу скромно оваа година, ама ќе изгледам до март сигурно уште па ќе се читаме редовно со мини рецензии и предвидувања, па и ќе се скараме ако треба, се во духот на Оскаровската сезона. Да ја негуваме традицијата!

 

[Zlatikevichius]

Пред да продолжам со другите категории, мала анализа на она што од наградите помина до сега:

GOTHAM AWARDS - награди кои ги доделува Здружението на независни филмски работници во САД, и обично се наградуваат само инди-филмчиња. Последните 3 години освојувачот на Оскар за најдобар филм освои и Gotham награда за најдобар филм: Moonlight лани, Spotlight за 2015 и Birdman за 2014. Во 2013 Inside Llewyn Davis ја зеде наградата, иако освојувачот на Оскар 12 Years a Slave беше меѓу номинираните.
Годинава, наградата за најдобар филм ја зеде Call Me By Your Name, кој е 4 на мојата листа. Номинирани беа и: The Florida Project (8 кај мене), Get Out (7), I, Tonya (14) и Good Time (го нема на мојата листа). Покрај него, голем победник на вечерта беше и Get Out (7), кој освои 3 награди: најдобро сценарио, најдобар прв филм на режисер и награда од публиката. Вреди да се спомене и наградата за Mudbound (11 на мојата листа), за најдобар актерски ансамбл. Останатите награди, актерски и сл. откако ќе ги објавам моите листи за тие категории.
Оваа награда не може секогаш да е релевантна, и покрај коинциденцијата да ги погодат последните 3 освојувачи на Оскар, затоа што филмовите финансирани од големите студија не можат да се најдат меѓу номинираните и наградените, а годинава такви се топ 3 филмовите од мојата листа.

Тука ќе ги спомнам само наградите од позначајните доделувања, па така, некои, како HFA (Hollywood Film Awards) кои не се многу значајни, ќе изостанат.

NATIONAL BOARD OF REVIEW AWARDS - ги организира NBR, здружение кое е основано пред повеќе од еден век, во 1909 година, и се едни од најзначајните награди во Холивуд. Награди доделуваат од 1920 до денес. Освен наградата за најдобар филм, и другите категории, ги бираат и ТОП 10 филмовите на годината. Во 2008 последен пат го погодиле Оскаровецот за најдобар филм, Sludog Millionaire. По тоа, наградите отишле кај: Up In The Air, The Social Network, Hugo, Zero Dark Thirty, Her, A Most Violent Year, Mad Max: Fury Road и Manchester by the Sea - со исклучок на некои, сите номинирани за најдобар филм во нивната година, но никој не освоил Оскар. Но, од 2004 навака, освојувачот на Оскар за најдобар филм секогаш е во нивната листа од ТОП 10, па претпоставувам таму треба да го бараме и годинава. Лани погодија и 7/9 номинирани. Не ги погодија само Fences и Lion.
Годинава, најдобар филм беше прогласен The Post (9 кај мене). ТОП 10 филмови на годината се: Dunkirk (2), Call Me By Your Name (4), Lady Bird (5), Get Out (7), The Florida Project (8), Phantom Thread (15), Downsizing (20), The Disaster Artist (30), Baby Driver (36), Logan (41). Зошто ги нема најголемите 2 фаворити од мојата листа, не можам ни да претпоставам. Вреди да се спомене и дека наградата за најдобар ансамбл ја доделија на Get Out (7).

NEW YORK FILM CRITICS CIRCLE - името на организацијата само кажува кој членува во неа - филмските критичари од Њу Јорк. Постојат од 1935, награди доделуваат од 1936. Последен пат го погодиле освојувачот на Оскар во 2011 - The Artist. По него, добитници на најдобар филм според нив биле: Zero Dark Thirty, American Hustle, Boyhood, Carol и La La Land. Пак како и кај NBR, освен Carol сите други биле номинирани за Оскар.
Годинава наградите се доделија пред 2-3 дена, а најдобар филм е Lady Bird (5 кај мене), а награда за најдобар дебитантски филм доби Get Out (7)

Во месецов следуваат следните награди:

• Европски филмски награди - 09.12
• Британските независни филмски награди - 10.12
• објавување на номинации за Златен Глобус - 11.12
• објавување на номинации за SAG (Screen Actors Guild) наградите, едни од најзначајните, зашто меѓу нив е најголемото гласачко тело на Академијата - актерите - 13.12

а во јануари 2018:

• Palm Springs International Film Festival - 02.01
  
• Златни Глобуси - 07.01
• објавување BAFTA номинации - 09.01
• Critics’ Choice Awards - 11.01
  
• PGA (producers guild) Awards - 20.01
  
• SAG (screen actors guild) Awards - 21.01
  
• објавување на номинации за Оскар - 23.01
• Art Directors Guild Awards - 27.01

и во февруари и март 2018:

• DGA (directors guild) Awards - 03.02
  
• WGA (writers guild) Awards - 11.02
  
• BAFTA (British academy film) Awards - 18.02
  
• CAS Awards - 24.02
  
• Independent Spirit Awards - 03.03
  
• ОСКАРИ - 04.03

Во меѓувреме ќе има и еден тон Critics Awards од здруженијата на критичарите по градови, а најинтересните, како Los Angeles, National Society od Film Critics, и сл. ќе ги следиме и тука. Следете ја темава![DOUBLEPOST=1512124005][/DOUBLEPOST]Заборавив, од она помина до сега, може да се види дека ќе биде разновидна филмска година на награди, и може да се очекува да има некое изненадување, со оглед на тоа што, ете, ТОП 3 филмовите од филмските портали речиси и да не ги спомнаа на првите 3 доделувања на награди (2 од нив и буквално не ги спомнаа).

 

[Џонтра Волта]

За да му се раздужат на Нолан за Интерстелар ќе му го дадат сега. Експертиза на дело.

Исто ко на Скорсезе и Ди Каприо.

 

[Zlatikevichius]

АНИМИРАН ФИЛМ (ранг листа)
(во заградите до името на филмот и студиото е моменталниот IMDB рејтинг. со кликање на името или постерот, одите до IMDB страницата за филмот)

AND THE OSCAR GOES TO... НОМИНАЦИЈА НЕ ИМ БЕГА:

1. COCO - Pixar (8.9)


2. THE BREADWINNER - GKIDS (7.3)


ВЕРОЈАТНО ЌЕ БИДЕ НОМИНИРАН И:

3. THE LEGO BATMAN MOVIE - Warner (7.3)


ОСТАНАТОТО ГОДИНАВА Е МИСТЕРИЈА. ПРОЧИТАЈТЕ ПОДОЛУ ЗОШТО. ФИЛМОВИТЕ СЕ ПОДРЕДЕНИ ПО РЕДОСЛЕД СПОРЕД ШАНСИТЕ, ИАКО НЕ Е ИЗНЕНАДУВАЧИ И 26-тиот ДА БИДЕ НОМИНИРАН:

4. FERDINAND - Blue Sky (N/A)


5. MARY AND THE WITCH'S FLOWER (MEARI TO MAJO NO HANA) - GKIDS (6.8)


6. THE BOSS BABY - DreamWorks (6.4)


7. BIRDBOY, THE FORGOTTEN CHILDREN (PSICONAUTAS, LOS NINOS OLVIDADOS) - GKIDS (7.6)


8. DESPICABLE ME 3 - Illumination (6.3)


9. THE LEGO NINJAGO MOVIE - Warner (6.1)


10. THE BIG BAD FOX AND OTHER TALES... (LE GRAND MECHANT RENARD ET AUTRES CONTES...) - GKIDS (7.3)


11. CARS 3 - Pixar (6.9)


12. CAPTAIN UNDERPANTS: THE FIRST EPIC MOVIE - DreamWorks (6.2)


13. THE GIRL WITHOUT HANDS (LE JEUNE FILLE SANS MAINS) - GKIDS (7.2)


14. IN THIS CORNER OF THE WORLD (KONO SEKAI NO KATASUMI NI) - Shout! Factory (8.0)


15. LOVING VINCENT - Good Deed Entertainment (7.9)


16. SMURFS: THE LOST VILLAGE - Sony Animation (5.9)


17. MY ENTIRE HIGH SCHOOL SINKING INTO SEA - GKIDS (6.2)


18. CINDERELLA THE CAT (GATTA CENERELTOLA) - Independent (7.3)


19. A SILENT VOICE (KOE NO KATACHI) - Eleven Arts Anima Studios (8.2) - морам коментар: јас би го ставил мнооогу погоре


20. ETHEL & ERNEST - Europacorp/STX (7.9)

 

[Zlatikevichius]

21. NAPPING PRINCESS (ANCIEN AND THE MAGIC TABLET / HIRUNE-HIME: SHIRANAI WATASHI NO MONOGATARI) - GKIDS (6.5)


22. THE STAR - Sony Animation (7.6)


23. MOOMINS AND THE WINTER WONDERLAND (MUUMIEN JOULU) - Independent (6.3)


24. SWORD ART ONLINE: THE MOVIE - ORDINAL SCALE (GEKIJO-BAN SWORD ART ONLINE: ORDINAL SCALE) - Independent (7.5)


25. WINDOW HORSES: THE POETIC PERSIAN EPIPHANY OF ROSIE MING - NFB (6.9)


26. THE EMOJI MOVIE - Sony Animation (2.8)


Ова погоре се сите 26 анимирани филмови кои се пријавиле за Оскар. Е сега: годинава е премногу тешко да се претпостави што ќе се случи во оваа категорија, од неколку причини:
1. За прв пат, во оваа категорија им е дозволено да гласаат СИТЕ членови на Академијата, значи и актери, и режисери, и сценаристи, и продуценти... Сите! До сега гласаа само околу 300 члена на одделот за анимации, а сега одеднаш околу 5000, па затоа тешко е да се претпостави дали на пример актерите ќе ги преферираат послабите остварувања на американските големи студија за анимација, или како до сега, во номинираниите ќе се најдат и некои европски или јапонски аниме филмови за кои речиси никој не слушнал. Ќе видиме што ќе се случи.
2. За прв пат по подолго време нема филм на Ghibli студиото, а како замена има еден куп аниме од други, помали студија, или инди филмчиња дистрибуирани во САД од GKIDS. Ghibli обично секогаш заработуваше номинација. Кој од годинешните аниме-филмови ќе го замени, е тешко да се претпостави.
3. Дел од прогнозите на сајтовите кои ги споредив, во своите листи вклучиле филмови кои не се кандидирани за Оскар, па така тешко беше да се направи некој ранкинг ако се исфрлат тие. Сепак, за да имате во предвид што друго вреди да се стави на вашите watchlist, еве како изгледаше рејтингот на тие филмови, доколку беа во конкуренција:

16. ANIMAL CRACKERS - Blue Dreams Studio Spain (6.0)


18. THE NUT JOB 2: NUTTY BY NATURE - Open Road (5.0)


19. MY LITTLE PONY: THE MOVIE - Lionsgate (6.3)


27. BLAZING SAMURAI - Blazing productions (N/A)


28. LEAP! (BALLERINA) - The Weinstein Company (6.8)


32. ROCK DOG - Summit (5.8)


33. THE ARK AND THE AARDWARK - Unified Pictures (N/A)


34. SPARK: A SPACE TALE - ToonBox Entertainment (4.4)

 

[grande-juve]

Your Name зошто го нема? Или за ланската сезона бил? Преубав филм.

Исто препорака и од мене за број 19

 

[Zlatikevichius]

Your Name зошто го нема? Или за ланската сезона бил? Преубав филм.

Исто препорака и од мене за број 19

Your Name лани беше. И тоа еден од посериозните кандидати на крај. Се сеќавам дека имаше некоја приказна со студиото што го дистрибуирало, и заради негова грешка не беше номиниран нешто такво. Инаку, да, најдобриот аниме филм последниве неколку години!

 

[Corvus]

Your Name зошто го нема? Или за ланската сезона бил? Преубав филм.

Исто препорака и од мене за број 19

Пиши им го со наслов да не се залетаат сите My Little Pony да го симнат

 

[Zlatikevichius]

Пиши им го со наслов да не се залетаат сите My Little Pony да го симнат

Еве јас: A Silent Voice, интересно филмче, иако послаб од Your Name. , само не знам зошто толку слабо котира. Не дека имам изгледано се, ама ете, од еден Captain Underpants и од Despicable Me 3, мене ми беше поубав.

 

[grande-juve]

Пиши им го со наслов да не се залетаат сите My Little Pony да го симнат

Ко на нашиве избори.. My little pony се праи Радмила Шеќеровска.. заокружете го вистинскиот број 19, A Silent Voice.. секој voice е важен

 

[Zlatikevichius]

Ама ако My Little Pony се пријавел за Оскар, тој ќе бил 19, а A Silent Voice 20, 21, 22, не знам како му доаѓа.

 

[grande-juve]

Инаку, да, најдобриот аниме филм последниве неколку години!

забораив прееска, а одговара на цитираното.. The Tale of Princess Kaguya