Да цитирам еден лик од The big short "In a few years people are going to be doing what they always do when the economy tanks. They will be blaming immigrants and poor people".
Имигрантите се константа. Без разлика кои се, какви се и колку заслужуваат. Кој друг ќе им прави друштво, ќе видиме
Се слагам и за јавниот долг и за одржливоста на пензиските фондови. Ама тоа не им е најголемата грижа, ќе им беше ако си го исчистеа дворот на време. Проблемот е што ниту еден од структурните слабости и проблеми на ЕУ, кои дојдоа до израз (или беа предизвикани) во текот на финансиската криза од 2008-2011 не е решен. Закопани длабоко под површината, под многу регулаторен red tape и шминката на монетарната политика. Секој политичар во земјите членки, а најмногу Меркелица не сака ни да помисли да си го ризикува стекнатиот политички капитал и носи тешки непопуларни одлуки, па секои избори само ги туркаат проблемите до следниот циклус и се надеваат дека некој друг ќе биде таму кога ќе експлодираат. И така златен статус кво, што сите ќе се согласиме да го крстиме опоравување на економијата.
Во меѓувреме, светот околу нив се менува а ЕУ си останува истата бавна, нереспонзивна организација без насока и без визија. Ни знаат што се, ни знаат што сакаат да бидат, ни имаат абер да одлучуваат. Макрон влеа малце надеж, ама резултатите од изборите во Германија пак ја одземаа. Штета за нив што реалниот свет не се води по ЕУ-време. Дали ќе бидат вакви политички потреси, дали ќе биде нова глобална рецесија, која веројатно брзо ќе ја дочекаме, испитот ги чека.
Да ме прашаше некој пред 7-8 години, убеден бев дека е неминовно ЕУ да се помести од мртва точка и полека да почне да се приближува кон некоја квази-федерација. Едноставно, економската логика и заедничкиот пазар ќе најдат начин да го заобиколат секој политички bottleneck. Ама очигледно толку сум разбирал и ја. Не сум ги проценил правилно, мотивите и способностите на националните политички елити, кои си имаат своја посебна игра. Како и да е, сите овие “лидери“ на чело со германскиот ќе одговараат, ако не на политичката сцена, тогаш пред историјата, за тоа што повеќе од 10 години си играат курташак со перспективата на една цела генерација Европјани. Благодарение на нив ЕУ денес повеќе личи на пациент приклучен на апарати. Е сеа прашање е дали некој ќе го исклучи или сите ќе чекаат да снема струја.
Али ајде назад на тема, утре би требало да биде доста интересен ден.
