ти благодарам за издвоеното време и за одговорот декстер.
вака,.. 15 килограми воопшто нема да ми представуваат проблем што се однесува до тежината на врекјите со пелети а и мислам дека и самите пепелници само еднаш да ги извадам и наместам после и сонив ке немам проблем. брзо учам и иако сум слеп доста сум спретен во извршувањето на домашните обврски. е сега она со чистењето на ќунците можеби малку ке ми биде проблем но и со тоа некако ке излезам накрај.
ме интересира само одприлика со кои димензии е една полна вреќа пелети и дали ќунците се класична ширина како кај стандардните шпорети и печки на дрва или ширината е сосема друга?
околу ова што ми го образложи за загадувањето со прашина и пепел изгледа дефинитивно ке се оди со котел кој ке биде сместен во подрум но не заради пелетите или пепелниците ами само поради ќунците и нивното чистење. плус некаде погоре во темава прочитав дека еднаш годишно е пожелно да се чисти темелно и самиот котел од наталожена пепел така да тоа е уште една причина повеке за да се одлучам на тој чекор. но сепак, доколку камин печките имаат помала потрошувачка, помал степен на запепелување и помала потреба од чистење ќунци тогаш може да се оди и со таа варијанта но каминот да не биде во дневна ами да биде во ходник.
за поврзувањето со водовод,.. ако добро те сватив тоа значи дека нема проблем во кој дел од системот ке биде поврзувањето и дека немора да е тоа директно со котелот што искрено малку ми олесна. највероватно и кајмене ке биде таа клучка во бањата а ако е изводливо ке биде дополнително и поврзана со бољерот. е сега проблем ке биде она со барометарот. тоа сопругата ке може да го прати но не и јас па затоа ме интересира одприлика на колкав временски период се случува тој пад на притисок во системот и дали може истиот некако да се прати преку некоја wi-fi апликација?
иначе немам никаков систем за парно греење моментално но планирам да подигнам кредит и да викнам фирма да ми го среди комплет од а до ш. моментално се греам на струја во една соба од 35 м/2 и се смрзнувам а сметките ми се глава боли. целата куќа ми е 100м/2 со солидна изолација плус живеам во најтоплиот град во македонија гевгелија и засега најмногу внимание ми привлекува котелот интерио 22 на термофлукс но дополнителни совети и сугестии се добредојдени.
Јас лично би препорачал ако се оди со печка на пелети - или камин, сеедно, да биде сместен во дневната соба бидејќи претпоставувам дека дневната соба е најголема.
Од друга страна, доколку се оди со котел на пелети, баш за котелот би препорачал да биде во ходник, под услов да биде сместен веднаш до излезен ѕид за ќункот/ќунците, и се разбира, под услов ходникот да е голем за котелот да не зафаќа премногу простор без потреба и за да не претставува пречка за луѓето без вид.
Од друга страна, ако подрумот ти е голем, тогаш таму стави го котелот, бидејќи ако е мал ходникот, може да ти биде премногу топло кога топлината од ходникот ќе се прошири низ собите, кои и онака ќе се грејат на радијаторите поврзани со истиот котел.
Димензиите на вреќите се 60 cm со 40 cm.
Ќунците се со дијаметар, односно ширина од 8 cm, се поврзуваат рачно и се лепат со самолеплива алуминиумска трака, каква што вообичаено има низ продавниците за алат, санитарија и домашна електрика - штекови, фасонки, неонки, грејачи за бојлери и слично.
Не знам баш за апликации кај новите котли на пелети, знам дека некои се опремени за таков начин на работење, но не сум баш најдобро упатен. Знам дека мојот котел на пелети, кој е стар 4 ипол години, има приклучок за далечински управувач, но за него требало дополнително да се плати, па затоа го нарачавме без далечински управувач.
Во мојот случај, знам дека барометарот не е дигитален, туку е поврзан со една од цевките кои го поврзуваат котелот со радијаторите. Во мојот случај, барометарот функционира целосно независно од котелот, поради што котелот воопшто не може да знае колкав притисокот на водата во цевките и не може да ме извести кога притисокот е премногу висок или премногу низок. Ако постојат дигитални барометри кои можат да известуваат преку безжичен Интернет, можеби ќе ти заврши работа таков барометар, но јас не сум баш најдобро упатен во таквата проблематика.
Јас лично би ти го препорачал котелот Минима од Еко Шпар од Охрид, со моќност од 12 киловати, по цена од 58.770 денари, според нивниот официјален веб сајт, Минима котелот е доволен за загревање на простории до 100 квадрати.
http://www.ecospar.com.mk/mk#portfolio-item/88
Ако сепак сакаш нешто помоќно, котелот Алба од Еко Шпар со моќност од 18 киловати би требал да ги задоволи твоите потреби, по цена од 74.900 денари, според официјалниот веб сајт на Еко Шпар, Алба котелот е доволен за загревање на простории до 130 квадрати.
http://www.ecospar.com.mk/mk#portfolio-item/94
Пред некој месец во Меркур во Скопје лично го видов котелот Аурига од Еко Шпар, со моќност од 25 киловати, по цена од 81.360 денари, наменет за простории до 180 квадрати. Овој котел сигурно нема да ти треба бидејќи е со преголема моќност, но тоа што го видов лично, е дека внатре позади пепелниците има метална вратичка која може да се отштрафи, а со тоа се отвора ложиштето каде што останува пепелта која не излегла низ ќунците - пепелта која треба да се чисти еднаш годишно.
http://www.ecospar.com.mk/mk#portfolio-item/90
Го видов и упатството за котелот, и убаво пишува дека треба да се отштрафи металната вратичка за да се пристапи до ложиштето и со четка се собира пепелта, што е многу полесно и попрактично наспроти чистењето кое јас морам да го применувам кај мојот котел, каде што морам еднаш годишно да ја отштрафувам горната плоча и со правосмукалка да ги чистам внатрешните цевки од ложиштето, а тоа трае со саати бидејќи морам во повеќе наврати да го чистам филтерот на правосмукалката за да не се запуши моторот.
На бензиските пумпи на Макпетрол - вообичаено тие кои работат 24/7, продаваат посебни картонски пакувања пелети од 2 или 3 килограми, можеби 4 килограми, скапи се - некаде помеѓу 200 и 300 денари, но тоа е бидејќи наводно биле некои посебни пелети кои треба да се употребат на крајот од грејната сезона, бидејќи го чистеле ложиштето. Колку е ова вистина не знам, бидејќи ниту сум купил од тие пелети, ниту сум ги искористил за да видам дали навистина се толку ефикасни и ефективни.
Ако и котлите Минима и Алба го имаат истиот пристап како кај котелот Аурига до ложиштето каде што останува пепелта која не излегла низ ќунците, тогаш тоа ќе ти биде многу олеснителна околност без разлика кој од двата котли би одбрал да го купиш.
Мој совет ти е да се распрашаш кај локалните продавачи како се чистат котлите од Термофлукс или од било кој друг производител, односно како се пристапува до ложиштето каде што останува пепелта која не излегла низ ќунците, бидејќи чистењето воопшто не е забавно искуство, верувај ми, на таков ден јас воопшто не би дозволил луѓе кои имаат астма или хронични заболувања да бидат во кујната кога го чистам ложиштето на котелот, бидејќи пепелта лета насекаде додека од внатрешните цевки кои водат кон ложиштето го вадам цревото од правосмукалката целото покриено со пепел.
Но исто така распрашај се за барометарот и дали можеш преку мобилен телефон да го вклучуваш или исклучуваш котелот преку гласовни команди.
