Здраво на сите, ја следам темава од поодамна и конечно сега се решив директно да го образложам мојот проблем и да побарам совет од вас.
Имам 21 година и косата веќе некое извесно време почна да ми се проретчува во предниот дел од левата и десната страна и да ми се прават се повидливи залистоци. Не можам да кажам дека тоа се случи одеднаш затоа што уште пред 2-3 години, а може и повеќе од едната страна кај челото косата ми беше некако послаба, но сега е од двете и е секако многу поприметливо и, искрено, се повеќе ме нервира
За решение долго време размислував што да правам. Проблемот реално не е на целата коса и не е, барем засега, толку драстичен и никако не сакам да користам некои препарати за кои сум читал и на форумов и на интернет дека не даваат 100% резултат, а може да наштетат на други аспекти од здравјето. Некакви шампони како Алпецин или некои други кои само би го намалиле опаѓањето не би ми завршиле работа, зошто би сакал, ако е можно, да видам некаков резултат и за враќање на дел од опадната коса, која, како што реков не е којзнае колку многу.
Затоа, гледав за некои ласерски или слични такви терапии за кои се тврди дека даваат еден таков ефект и во комбинација со некои други лосиони или шампони имаат добри резултатии за враќање на косата. Впрочем, и тука има членови кои го потврдуваат тоа.
Е сега, не знам каде да направам прегледи и каде во Скопје прават најдобра ласерска терапија за коса. Често читам за овие
http://www.101hair.mk/#!/pageHome па мислев да направам преглед таму кој мислам пишуваше дека чини 900 денари и врз основа на тоа демек кажувале каква терапија би била најдобра. Исто сите препарати им се на природна база.
Навистина би ценел кога некој би ме советувал околу тоа што да правам и ако некој има искуство со 101hair clinic и би бил многу благодарен и да ме контактирате или по пп или да напишете овдека за сите да видат.
Како и да е, се читаме со моите идни дејства и резултати кои се надевам ќе бидат позитивни
