Темната материја „уловена“
Физичарите од Универзитетот во Минесота тврдат дека ги имаат првите конкретни докази за постоење темна материја, мистериозна скриена супстанција за која се верува дека сочинува 85 проценти од универзумот. Мистеријата околу темната материја постои повеќе од 80 години. Никој не може точно да го објасни составот на оваа супстанција, а научниците ја формираа теоријата за нејзиното постоење обидувајќи се да ги објаснат необичните аномалии во брзината на ротирање и формирањето на групите галаксии. Се верува дека темната материја играла главна улога во еволуцијата на галаксиите и во формирањето на конечниот изглед на универзумот во кој живееме. Сега, по девет години интензивно проучување и по едногодишна активност на ултрачувствителни сензори, детекторите закопани околу 600 метри под површината на земјата во рамките на опсерваторијата „ЦДМС 2“ во Минесота, регистрираа два „сигнала“ од нешто што, според научниците, најверојатно, претставува честичка од темна материја. И двата сигнала се опишуваат како „масивна честичка со слаба интеракција“ и се сметаат за најверојатни кандидати за основни елементи на темната материја. Сигналите беа откриени во временско растојание од неколку месеци и кај различни детектори. Сепак, и покрај тоа што овие две „ситни“ откритија многу голем прав, научниците од Минесота чекаат потврда од други научни организации дека, навистина, се работи за честички од темната материја. - Со само една или две честички, тешко е да се донесе конечен заклучок. Се работи за екстремно мали бројки. Многу луѓе веруваат дека сме блиску до едно такво револуционерно откритие, но се уште треба да експериментираме за да може да го потврдиме тоа. Се очекува дека во текот на наредните пет години некој ќе улови појасен сигнал - велат физичарите од „ЦДМС 2“. Концептот за темна материја настанал кога физичарите откриле дека количеството на материја во универзумот што го имаат идентификувано не може да произведе доволно гравитација што ќе ги држи групирани планетите и галаксиите. Мистериозната темната материја, чиишто поединечни честички имаат огромна маса, беше наведена како единствено решение за тој проблем.
Тешки за откривање
Честичките на темната материја исклучително тешко откривање поради слабата интеракција што ја имаат со обичната материја. Но, научниците сметаат дека може да ги откријат ако трагаат по мали количества енергија што се ослободува кога честичките од темната материја ќе се одбијат случајно од атомите на рабовите. Опсерваторијата „ЦДМС 2“ е дизајнирана да го прави токму тоа. Во нејзиниот центар се лоцирани детектори од германиум и од силикон замрзнати на минус 273,1 Целзиусови степени, каде што честичките од темната материја не би можеле да поминат без интеракција. Чувствителните сензорите може да ги регистрираат малите енергии што би ги испуштиле при судир со материјата.
Извор
