Да се разбереме, една работа мора да ни биде јасна. Координативниот центар на Ирак, Иран, Сирија и Русија за борба против ИД ќе го менува раководството на 3 месеци. Таква една поставеност на координативно тело говори дека Русија очекува долга војна против ИД. Не е баш дека ИД ќе се порази, меѓутоа како и да е нанесени им се сериозни штети. Но имајте на ум дека следна на потез е ИД и по мое мислење тие би можеле да идат во 2 правци.
1. Да постават живи штитови, слично како Хамас во Газа и да драматизираат како Руската армија гаѓа невини цивили.
2. Да го тргне фокусот од Сирија со напади во Европа, Балканот или Руската Федерација. Поточно да се интензивира бегалскиот бран, да се дојде на раб на хуманитарна катастрофа и инфилтрираните борци на ИД да иницираат побуна или побуна во Кавкаските републики или отварање на замрзнатите конфликти на Кавказот.
Начинот на кој делува до сега ИД, ни кажува дека добро ги владеат методите на современата војна, најверојатно учени од запад. Делуваат брзо и молњевито имаат кампања која влева страв и успехот им е неминовен, имаат широко развиена мрежа на активисти и разознавачи низ целиот свет. Користат методи на комуникација преку интернет, кој со своето море од информации само по себе е пречка за разознавачките служби да ги идентификуваат вистинските пораки.
Пример за тоа како делуваат е настанот во Куманово, кога некои луѓе (навидум наивно) ги оддаваа информациите за позициите на безбедносните сили и со тоа бројот на жртвите на нашите безбедносни сили беше катастрофален и фрли сенка на успешноста на самата акција. Координацијата што ја користат преку интернет, но и пропагандата и регрутирањето се во многу случаи клучни за нивниот успех. Би им препорачал на безбедносните сили во иднина да најдат механизам да го исклучат интернетот и мобилните мрежи во регионот кај што делуваат.
Значи генерално не би бил толку оптимист дека Русија за 3 дена ја уништи ИД. Тоа ќе биде процес кој ќе бара малце подолго време. ИД има територии во повеќе држави, Сирија, Ирак, Египет, Либија, Нигерија, а забележително присуство во уште повеќе држави, вклучително и некои Балкански држави попут Албанија, Македонија, Косово, Србија и Босна. А секако и во гетото на Европа. Башка што имаат преќутна помош од САД, КСА и Турција. Може да се очекува од овие отварање на нов фронт, на пример во Нагорно Карабах, Јужна Осетија или Абхазија, но и заострување на работите во Кавкаските републики Дагестан Ингушетија и Чеченија и секако Украина.
Искрено се надевам дека Русија е спремна за една поопшта војна на повеќе фронтови, која би можела да и се наметне во блиска иднина. И дека сите чекори ги прави промислено како и последниве 10тина години.
.
