Интересно ако е вистина, иако во текстот има многу небулози.
----------------------------------------------------------------------------------------------------------------------------
Јемен е нападнат поради најголемите наоѓалишта на нафта
Јемен е најголемото нафтено наоѓалиште на светот, а САД и поранешната јеменска влада намерно ја криеле таа вистина, откри американската телевизиска мрежа „Скај њуз“. Вашингтон со претставниците на поранешната јеменска влада стапил во акција во смисла да не се открие оваа голема тајна. Ова нафтено наоѓалиште е сместено на линијата саудиски нафтени наоѓалишта и во еден дел на Ирак. Изворот кој Америка со сите сили го криела се наоѓа во продолжение на саудиските и ирачките извори на нафта.
Истиот извештај наведува дека најголемиот извор на нафта во светот кој има и свое продолжение во саудиското подрачје Ал-Џуф на длабочина од 1.800 метри, се наоѓа токму во Јемен. Саудиска Арабија поседува 34 отсто од целокупните светски нафтени резерви, а откривањето на ова нафтено наоѓалиште би предизвикало токму Јемен, кој е познат како најсиромашна арапска земја, да ги достигне, ако не и да ги престигне Саудијците по количеството нафтени резерви, пренесе српскиот портал „Веб трибјун“ повикувајќи се на „Правда“ и „Сахар ТВ“.
- Изгледа дека причина за војната која е предизвикана во Јемен, а која ја поддржуваат САД и Kралството Саудиска Арабија, е пронаоѓањето на нафтените полиња. Поранешната јеменска влада имала намера руски компании да се најдат во Јемен покрај нафтените компании на Велика Британија и САД, но дошло до несогласувања и е спречено објавување на откривањето на ова големо нафтено наоѓалиште. Непотврдени информации велат дека Саудиска Арабија му предложила на Јемен годишно да му дава 10 милијарди долари во замена за петгодишна експлоатација на нафтените полиња на јеменска почва, но Јемен не се согласил на тој предлог – пишува либанскиот дневен весник „Ед-Дијар“.
Весникот исто така посочува дека американските и француските нафтени компании ~ дале многу примамливи предлози на јеменската влада, но дека главниот проблем е во тоа што нафтените наоѓалишта се сместени во регионот Ел-Џуфи и Меареб кои САД и Саудиска Арабија настојуваат да ги контролираат преку Ал каеда.
-Токму поради тоа, можно е во следните 20 години да дојде до тешки судири поради енергетските наоѓалишта во Јемен и исто така до судири меѓу Москва и Вашингтон поради експлоатација на нафтените полиња во Јемен, кој е зафатен од војна – наведува либанскиот весник.
Саудиска Арабија и заливските земји веќе два месеца постојано вршат воздушни напади во Јемен во кои досега загинаа голем број јеменски цивили, меѓу кои и жени и деца. Воената интервенција на Саудиска Арабија во соседен Јемен почнала без дозвола на Советот за безбедност при ОН.
http://dnevnik.mk/?ItemID=7BB3C6850F33DE428287AFB6CA22223B
