Сепак текстот не нуди никаков одговор на прашањето зошто баш сега е актуелно интензивирање на мигрантскиот бран кон Европа по 4 години крвава граѓанска војна во Сирија.
Ако се сеќавате околу почетокот на летово Турција инсистираше на потпишување на договор со земјите - членки на НАТО, т.е. со САД и Европа околу евентуалниот ангажман на турската војска во борбата против ИСИЛ кој предвидува доколку Турција влезе во анти - ИСИЛ коалицијата, на северот на Сирија да биде формирана безбедносна зона која ќе биде осигурана од страна на силите на опозицијата. Планот на Турција беше на оваа ослободена зона да се изградат бегалски кампови и сите сириски бегалци кои во моментот престојуваа во турските бегалски кампови да бидат сместени во новите кампови се до изнаоѓање на политичко решение за кризата во земјата. Со овој договор Турција и конечно им ја отстапи Инџирлик на Американците, нешто што не го направија дури ни за време на интервенцијата во Ирак во 2003. година.
Сепак, после потпишување на договорот
Американците потполно ја менуваат реториката и го менуваат ставот околу воспоставувањето на безбедносна зона на северот на Сирија, по што Турција најавува дека ќе ги испразни бегалските кампови.
Во меѓувреме, Турција ги потпомогна финансиски мигрантите, ги транспортира до Грција, овие до кај нас, ние пробавме да негодуваме и набрзо сфативме дека немаме капацитет за справување со ситуација од ваков размер, Србите соработуваат и работат според упатство од горе - до пред некој ден уредно си ги префрлаа до граница со Унгарија, која најави изградба на ѕид уште пред повеќе месеци. Унгарија е лошиот полицаец во случајов, иако работи по налог на Германија, која пак преку Меркел ги кани мигрантите во својата земја и ги храбри и смирува со изјавата дека дека има место за сите и нема место за страв. Унгарија целосно ги затвора границите, рутата се пренасочува кон Хрватска која прашање на време е кога ќе ги затвори своите граници и тогаш огромна маса на бегалци ќе навалат на границите на Западен Балкан, пред се во Македонија и Србија и ќе станеме еден вид на масовен прифатен центар во кој ќе бидеме принудени да сместиме повеќе илјадници бегалци иако нивната крајна дестинација е Западна Европа, пред се Германија. Западен Балкан ќе стане прифатен центар за потребите за работна сила на Германија која ќе врши селекција на кадар од мигрантите според своите потреби, а останатите ќе бидат затечени во ситуација да живеат во некој вид на концетрационен логор, што сигурно нема поволно да се одрази по нашата безбедност.
Во тој контекст, без никакви алузии дека истото би можели да се случи и кај нас, не смееме да го игнорираме фактот дека добар дел од демонстрантите на почетокот на демонстрациите во Сирија во 2011. година беа токму ирачките бегалци кои беа сместени во Сирија со години по кампови, за што тогаш Сирија беше фалена од Западот. Затоа исфрустриран, сиромашен бегалец кој цела своја младост ја поминал по бегалски кампови, сместен во затвор со месеци на твојата граница никогаш не може да биде нешто кое би требало да биде игнорирано и земано паушално без доза претпазливост.
