Грција се држи на последното конче пред да падне во провалија. Веројатноста дека ќе излезе од еврозоната е најголема досега. Вчерашните состаноци на Еврогрупата и мини самитот не вродија со плод, освен што створија дополнителна нервоза кај останатите. Грците не поднесоа никакви предлози, а судејќи според сериозните и оштри изјави на главните играчи, веќе е дојден "т`канди, се затнало" моментот. И не беа тоа дипломатски изјави, туку blunt изјави.
Сите се согласија дека имаат само до крајот на неделата да најдат common ground за понатамошно решение. Односно, имаат помалку од 5 дена да договорат услови за спас на Грција, кои после референдумот ќе бидат далеку пооштри и кои не можеа да ги договорат во последните 5 месеци. За во недела е свикан (тентативен) самит на сите земји членки на ЕУ (не само на оние од еврозоната) и доколку се одржи во целосен состав, темата ќе биде излегување на Грција од еврото, заштитни мерки за останатите земји членки и веројатно хуманитарна помош за Грците во деновите што следат.
Недела ќе биде официјален d-day, а во сабота веќе ќе се наѕира каква ќе биде одлуката. Жежок викенд, а уште пожешко лето ги чека Грците. Да не си им во кожа, но секој еден од нив сноси одговорност за ситуацијата во која се наоѓаат. За клиентелизмот, мрзливоста и лежерниот живот во кој уживаа, а друг им го плаќаше, самите се виновни.