2014 БЕЛГИЈА ГП: КОГА ДВАЈЦА СЕ КАРААТ, ТРЕТ КОРИСТИ!!! ДАНИЕЛ РИКИАРДО ЈА ЗАБЕЛЕЖА ТРЕТАТА СЕЗОНСКА ПОБЕДА!!!
Даниел Рикиардо ја забележа својата трета победа во оваа 2014 сезона, како директна последица на контактот помеѓу тимските колеги на Мерцедес АМГ веќе во вториот круг од Големата Награда на Белгија што се возеше денес на легендарната СПА-Франкоршамп. Инцидентот донесе дупната гума за Луис Хамилтон, падна на последното место за конечно да се откаже од трката во 39 круг. Нико Розберг претрпе штета на предното крило, но на крајот го обезбеди второто место. Валтери Ботас по четврти пат на подиумот со третото место пред Кими Раиконен од Ферари, кој го забележа својот најдобар резултат на сезоната.
Пред стартот на трката, проблеми со болидот на Фернандо Алонсо. Болидот на Шпанецот сè уште беше на дигалки, а членовите на неговиот екипаж се уште беа на патеката по објавувањето на знакот за 15-секунди до почеток на формацискот круг. Подоцна тоа му донесе казна од пет секунди мирување во бокс. Со гасењето на црвените светла Луис Хамилтон имаше добар старт и го искористи киксот на Нико Розберг за да го превземе водството уште по првата кривина. Истото му успеа и на Себастијан Ветел, но кога се обиде да го претекне и Британецот тој се префорсира, излезе надвор од патеката и се врати повторно зад Розберг.
Драматичниот старт со тоа не заврши. Веќе во следниот круг Нико Розберг се обиде да го претекне неговиот тимски колега, но Хамилтон добро затвори и се случи можеби очекуваното, контакт помеѓу двата болида, со претходно споменатите последици по трката за двајцата возачи. Британецот се упати назад кон боксот по ново тркало, додека на Розберг му беше кажано да остане на патеката да видат како ќе се развиваат работите.
Позади нив Даниел Рикиардо беше во свој елемент, па прво го претекна Алонсо на Les Combes, а потоа и својот тимски колега, кој направи грешка при свиокот Pouhon. Австралиецот потоа тргна по Розберг, кој пријави дека болидот не се однесува како што треба поради штетата на предното крило. Рикиардо се доближи на една секунда зад Розберг, па во Мерцедес АМГ донесоа одлука да влез во бокс, по ново крило и нови гуми. Возачот на Ред Бул го презеде водството.
Добро напредуваше и Валтери Ботас, го помина Алонсо, кој при првото влегување во боксот ја издржа и казната од пет секунди мирување. По првата серија на промени на гуми, редоследот беше Рикиардо, Кими Раиконен, Ветел, Розберг, Ботас, Магнусен и Алонсо. Хамилтон беше 16-ти и не можеше да напредува напред, со темпото како што го правеше тоа не некои од минатите трки.
Во 16 круг Розберг се обиде да го претекне Ветел за третото место, но излезе надвор од патеката, со што му овозможи на Ботас лесно да го претекне со помош на ДРС-от. Розберг тогаш пријави со тимот дека чуствува значајни вибрации од предните гуми и тој беше принуден повторно да влезе во боксот во 19 круг, повторно на медиум гуми. Се врати на 11-тото место, но наскоро беше 9-ти. Раиконен го направи својот втор пит-стоп од второто место при 21 круг, а неговиот пример го следеа и Ветел, Рикиардо. Водството во тој момент го презеде Валтери Ботас, кој имаше само едно застанување во бокс, пред Розберг кои веќе ги имаше два. Но, Финецот веќе во следниот круг влезе по замена на своите гуми, со што Розберг се врати на првото место.
Со 10 круга до крајот Розберг и Ветел влегоа во бокс по нови меки гуми, со цел искористување на побрзо темпо за напредување во поредокот. Розберг се врати на четвртото место и многу брзо ги претекна Ботас и Раиконен, но беше огромни 22 секунди зад Рикиардо Тоа беше премногу голема разлика за да се стигне до победата, иако неше за нешто над 2 секунди побрзо по круг. Зад него Раиконен се обидуваше да го задржи третото место, но неговите гуми не издржаа и беше поминат од Ботас за последнот скалило на подиумот.
Раиконен беше безбеден на четвртото место, но гледавме драматична битка за петто место, помеѓу Магнусен, Алонсо, Батон и Ветел. Германецот во Ред Бул ја доби таа битка, благодарение на поновите гуми. Магнусен беше шести пред Батон и Алонсо. Но, не помина се како што треба за Магнусен, кој заработи казна од 20 секунди по завршувањето на трката, поради истуркувањето на Алонсо надвор од патеката.
Напред, Рикиардо смирено и под контрола стигна до третата Победа во својата Ф1 кариера, па сега има 156 поени, само 35 зад Хамилтон, кој останува на 191 поен. Розберг, пак, стигна до 220 поени на првото место во генералниот пласман на возачи, со 29 поени предност пред следната трка во Монца.
Голема Награда на Белгија, СПА-Франкоршамп
44 круга, 308.052км., Време: Сончево.
ПЛАСМАН:
П. ВОЗАЧ ТИМ ВРЕМЕ
1. Даниел Рикиардо Ред Бул 1ч24:36.556 25
2. Нико Розберг Мерцедес АМГ + 3.383 18
3. Валтери Ботас Вилијамс + 28.032 15
4. Кими Раиконен Ферари + 36.815 12
5. Себастијан Ветел Ред Бул + 52.196 10
6. Кевин Магнусен Мекларен + 54.262*8/0
7. Џенсон Батон Мекларен + 54.580 6/8
8. Фернандо Алонсо Ферари + 1:01.162 4/6
9. Серџо Перез Форс Индија + 1:04.293 2/4
10. Дањил Квјат Торо Росо + 1:05.347 1/2
11. Нико Хулкенберг Форс Индија + 1:05.697 1
12. Жан-Ерик Верн Торо Росо + 1:11.920
13. Фелипе Маса Вилијамс + 1:15.975
14. Адријан Сутил Заубер + 1:22.447
15. Естебан Гутиерес Заубер + 1:30.825
16. Макс Чилтон Марусија + 1 круг
17. Маркус Ериксон Катерам + 1 круг
18. Жил Бјанки Марусија + 5 круга
*плус 20 секунди казна, што го носи на 12 место
НАЈБРЗ КРУГ: Нико Розберг - 1:50.511
БЕЗ ПЛАСМАН:
Луис Хамилтон Мерцедес АМГ 39
Роман Грожан Лотус 34
Пастор Малдонадо Лотус 2
Андре Лотерер Катерам 2
Генерален пласман по 12 трки:
Возачи: Конструктори:
1. Нико Розберг 220 1. Мерцедес АМГ 411
2. Луис Хамилтон 191 2. Ред Бул 254
3. Даниел Рикиардо 156 3. Ферари 160
4. Фернандо Алонсо 121 4. Вилијамс 150
5. Валтери Ботас 110 5. Мекларен 105
6. Себастијан Ветел 98 6. Форс Индија 103
7. Нико Хулкенберг 70 7. Торо Росо 19
8. Џенсон Батон 68 8. Лотус 8
9. Кевин Магнусен 37 9. Марусија 2
10. Фелипе Маса 40
11. Кими Раиконен 39
12. Серџо Перез 33
13. Жан-Ерик Верн 11
14. Роман Грожан 8
15. Дањил Квјат 7
16. Жил Бјанки 2
http://mkformula1.blogspot.com/
ЛУИС ХАМИЛТОН ПОЛУДЕ, ПСИХОЛОШКАТА ИГРА НА РОЗБЕРГ ГО ИЗЛУДЕ
Хамилтон ја губи психолошката војна со Нико Розберг. Како по обичај почна со изнесување на приватните работи на Мерцедес АМГ тимот.
По неговите изјави кои ги пренесоа агенциите дека судирот бил намерен, се појави потреба да излезе Тото Волф со демант на оваа изјава на Британецот.
Тото Волф: "Нико чувствувал дека е потребно да ја задржи својата линија. Според Луис, тој не требало да биде возачот што ќе внимава во овој дуел. Тој инсистира дека оставил доволно простор, а според Нико, Луис не му оставил доволно простор. Така да тие се согласија дека не се согласуваат меѓусебно во многу жестока дискусија, но дека тоа беше намерен судир е нонсенс. Тоа е глупост."