АЛЕКСАНДАР
Работен наслов на серијата е „Александар“, а моментно е во пред-продукција и комплетирање на финансиската конструкција во една наша национална телевизија. Сценарист и режисер на серијата е Јани Бојаџи, дипломец на Академијата за театарска и филмска уметност во Софија и студент на големиот Кшиштоф Зануси.
Првата пилот епизода е снимена пред 4 години и оттогаш чека на конечна реализација. Дејството се одвива овде и сега. а во центарот на вниманието е борбата меѓу десницата и левицата околу откривањето на локацијата на гробот на Александар Велики. Оние првите прават се за да дојдат до моштите на големиот војсководец, а оние вторите прават се за да го спречат таквиот потфат. Во приказната се испреплетени човечки судбини на луѓе кои морале одамна да ја напуштат Македонија од политички причини, на оние кои во транзицијата изгубиле се освен голата егзистенција, на современите богати олигарси и нивниот расипнички животен стил, животот на младите во совремното македонско општество, односите меѓу родители и децата итн.
-------------------------------------------------------------------------------------------------------------------------------
„Булки крај шините“, „Волшебното самарче“, „Трст виа Скопје“, „Белото циганче“, „Случки од животот“ и низа други македонски серии на кои со најголемо задоволство се сеќавам и за кои мислев дека ќе бидат одлична основа за понатамошен развој на современи македонски серии беа засенети на почетокот на 2009 година со стапувањето на сцена на турските серии. Истите тие серии го презедоа приматот на „домашни“, македонски производи, затоа што беа синхронизирани, а нивното дејство и ликовите им беа блиски на нашата публика. Да, имаше два обида да се популариза македонската продукција, но нема ни да ги спомнувам, затоа што неславно завршија.
И, конечно, во ерата на турските и индиски серии и репризите на некогашните филмски хитови, можам да ви кажам дека на повидок е една нова, вистинска македонска серија, за која сум апсолутно сигурен дека ќе предизвика огромно внимание и ќе стане вистински хит.
Приказната во себе содржи многу реални ситуации од нашето секојдневие, а едно е сигурно: сценариото е навистина свежо и современо! Бојаџи е длабоко внесен во режисерската фантазија, а производ на тоа се брзи и динамични кадри.
извор
