Детален Урбанистички План, кој ги носи предлозите за измени, кој носи одлуки, како да се реагира?

[Vanlok]

Како што вели наловот, ме интересира кој ги носи предлозите за измените во Детален Урбанистички План, кој носи одлуки, како да се реагира пред да се донесе завршниот ДУП?

Ок тоа беше генералното прашање, еве и конкретно:
Во новиот предлог ДУП, дел од мојот двор е влезен во новопроектираната улица (измената е всушност проширување на улицата САМО на штета на моето дворно место).

Дворното место е сопствеништво на моето семејство уште од времето на моите дедо и баба. И покрај тоа што дворното место го поседуваме и го користиме одамна, морав одредени делови од дворот да ги „легализирам„ зошто не беа влезени во ДУП. Платив за тоа полна цена, неколку месеци пред да го донесат популарниот закон со „едно евро за еден квадрат„.
Како и да е, поседувам полна документација за сопствеништво на „спорниот„ дел од дворот.

Ме интересира кои се најцрните можни сценарија во случајов и како да се справам со истите во моја полза.
Знам дека навидум се работи за грешка, но знам и дека во оваа земја се е можно. Подобро да се спречи отколку да се лечи.


Затоа сакам да замолам за побрзи одговори, ако некој може да помогне со совет. Утре од општината ќе вршат некоја анкета или такво нешто, и наводно некој „архитект„ ќе вршел презентација или така нешто. Па, би било убаво да знам што точно да прашувам и да барам. Кои права ги имам, такви работи.
Посебно ме интересира кои се најцрните можни сценарија. Кој ги носи предлозите за измените во Детален Урбанистички План, кој носи одлуки, како да се реагира пред да се донесе завршниот ДУП?

Да напоменам само дека имам проблеми со соседот отспротива кој автомобилот го паркира пред моето дворно место и со тоа ги блокира излезите на моите паркинг места, од мојот двор. Се сомневам дека некако измениве се негово масло.
Се сомневам на него затоа што само он би добил нешто од случајов. Единствено тој од уличката не си го паркира автомобилот во сопствениот двор. Практично, ако се оствари ова тој ќе може да паркира во мојот двор и улицата би била до самиот ѕид од мојата куќа.
Ве молам давајте совети, пред да екскалираат работите и некој да направи нешто несакано.


Во прилог, дел од фотографија од предлог измените во ДУП за мојата општина (среќа е што случајно добив информација и фото). Со црвено е уоквирена „новопроектираната улица„ а со жолто е делот од мојот двор со кој треба да се прошири улицита. Приметете како проширувањето е само на сметка на мојот двор.

 

[Inglourious Basterd]

Ќе одиш на денот на презентацијата и ќе си поднесеш приговор. Доколку комшијата не е градоначалник не гледам причина зошто општината би давала пари за експропријација на земјиште во слепа уличка.

 

[Vanlok]

Ќе одиш на денот на презентацијата и ќе си поднесеш приговор. Доколку комшијата не е градоначалник не гледам причина зошто општината би давала пари за експропријација на земјиште во слепа уличка.

Нешто повеќе за експропријацијата?
Тоа би требало да биде на споразумна база со сопствениците на предметот на експропријација?

Секако дека ќе одам на презентацијата. Претпоставувам таму не се поднесуваат приговори (ако е само презентација), но ваљда ќе кажат таму подетално.
Мислев некој што ја познава материјава да каже нешто подетално, да знам предвреме што кои права и можности ги имам - да ме маткаат таму општинарите. Плус некои подетални информации кои се максимум лошите или добрите варијанти во случајов.

И фала за одговорот.

 

[Mondonico]

Нешто повеќе за експропријацијата?
Тоа би требало да биде на споразумна база со сопствениците на предметот на експропријација?

Секако дека ќе одам на презентацијата. Претпоставувам таму не се поднесуваат приговори (ако е само презентација), но ваљда ќе кажат таму подетално.
Мислев некој што ја познава материјава да каже нешто подетално, да знам предвреме што кои права и можности ги имам - да ме маткаат таму општинарите. Плус некои подетални информации кои се максимум лошите или добрите варијанти во случајов.

И фала за одговорот.

Не е баш споразум или договор како сакаш наречи го. Експропријацијата има право да ја користи државата за приватно земјиште од државен интерес. Тоа значи дека како во твојот случај што се јавило потреба од твоето земјиште државата има право да ти го откупи по пазарна цена без договор. Законски тоа е направено се со цел сопственикот да не се здобие со поголема вредност од реалната или да не изгуби. Но во пракса може да претпоставиш како оди работата. Веројатно овластестен проценител ја оценува пазарната вредност на земјиштето и државата истата ти ја исплаќа пак ќе повторам без право за одбивање. Би требало има некои правни инструменти за приговор како на пример да мислиш дека проценката е помала од реалната, ама не верувам дека би одвело тоа некаде. Има некои отстапувања за земјиште од државен интерес ако тоа на пример претставува место за станбена градба или слично, ама за дворно место мислам дека ако сака државата може како два и два да го откупи од тебе.

 

[Vanlok]

Не е баш споразум или договор како сакаш наречи го. Експропријацијата има право да ја користи државата за приватно земјиште од државен интерес. Тоа значи дека како во твојот случај што се јавило потреба од твоето земјиште државата има право да ти го откупи по пазарна цена без договор.

Може ли да се задржиме на овој момент, на потцртаниот дел.
Не е ли можно да се спори експропријацијата од аспект на нечија злоупотреба на службена должност?

Нема логика државата да види државен интерес само во мојот двор. Ако се проширува целата должина од улицата, и на сметка на имотот на СИТЕ имоти до улицата, тогаш тоа може да има некаква логика.
Ова овака е дефинитвно нонсенс и злоупотреба на нечија должност.

Ако ја погледаш убаво фотографијата од ДУП, убаво се гледа за што зборувам. Само од мојот двор е одземено земјиште, со очигледна намера од него да се направи мал паркинг. Тоа е државен интерес?

 

[Mondonico]

Може ли да се задржиме на овој момент, на потцртаниот дел.
Не е ли можно да се спори експропријацијата од аспект на нечија злоупотреба на службена должност?

Нема логика држава да види државен интерес само во мојот двор. Да се проширува целата должина од улицата, и на сметка на имотот на СИТЕ имоти до улицата, тогаш тоа може да има некаква логика.
Ова овака е дефинитвно нонсенс и злоупотреба на нечија должност.

Ако ја погледаш убаво фотографијата од ДУП, убаво се гледа за што зборувам. Само од мојот двор е одземено земјиште, со очигледна намера од него да се направи мал паркинг. Тоа е државен интерес?

Вака сега. Тебе прво ти е потребен документ или било што да издава државата каде што се уредува експропријацијата. Ако не ти дале досега такво нешто, мора да побараш бидејќи на слепо ништо не се прави. Во документацијата сигурно се наведени сите услови, правни дејства кои државата ги презема и на крај мора да има некакво формално појаснување на прашањето како твоето земјиште би и служело на државата, односно зошто истото е оквалификувано како земјиште од државен интерес. После тоа ова би морало да го погледне адвокат за истиот да утврди дали ги исполнува потребните услови твоето земјиште да биде прогласено за земјиште од државен интерес и тек после тоа би се утврдило какви правни дејства може да се преземат во однос на истото. Не знам дали е можно да се спори експропријацијата од аспект на тоа дали е правилна или не, значи да не се ни спомене вредноста, ама формално би требало да може. Сепак кај нас кадија те тужи и кадија те суди. Против државата тешко.

 

[Inglourious Basterd]

Нешто повеќе за експропријацијата?
Тоа би требало да биде на споразумна база со сопствениците на предметот на експропријација?

Секако дека ќе одам на презентацијата. Претпоставувам таму не се поднесуваат приговори (ако е само презентација), но ваљда ќе кажат таму подетално.
Мислев некој што ја познава материјава да каже нешто подетално, да знам предвреме што кои права и можности ги имам - да ме маткаат таму општинарите. Плус некои подетални информации кои се максимум лошите или добрите варијанти во случајов.

И фала за одговорот.

Ќе дојдат проценители и ќе го одредат обесштетувањето. Инаку, не на денот на презентација, туку рокот мислам дека е 7 дена од денот кога е извршена јавна презентација. Ама, сепак, најдобро да отидеш таму и да си прашаш. Секако дека за секој ДУП амин треба да даде Министерство за транспорт и врски, па можеш да приговараш и таму. Особено за ова, затоа што изгледа крајно нелогично.

Ако комшијата е некој толку моќен, па да може да изгура се тоа (макар што не разбирам зошто моќен човек би се сељачел за паркинг место), види насади нешто што би дигнало цена на имотот.

 

[Ryan Giggs]

Во која општина се наоѓа ова ?
Предлог ДУП по барање на општина кој е најчесто и во согласност со ГУП ( најчесто главни сообраќајници и зони со соодветна намена ) како краен и изгласан го носи советот на општината. Ти како корисник можеш да дадеш приговор но во принцип планот е направен да ги задоволи урбанистичките потреби на местото во кое ти живееш, т.е. план истото да се урбанизира и да не остане СЕЛО. Тоа што ти викаш дека земјиштетот е во твоја сопственост и го користиш подолго време се докажува со имотен лист за земјиште, а тоа што ти си легализирал дива градба поскапо од другите иди и кажи им го на тие што легално градат и плаќаат дупло негло ти што си платил за да си ја легализираш дивата градба .
Тоа што соседот ти се паркира у двор тоа е веќе личен проблем помеѓу тебе и комшијата.
Единствено што можеш да направиш во случајов е да дадеш приговор или жалба па доколку има услови за тоа да се изврши измената во твоја корист. Планот што го гледаш не те оштетува само тебе туку и пола населено место во кое што живееш се со цел истото да се урбанизира. Никој не ви краде на вас а доколку е ваша сопственост ( што чисто се сомневам зашто немаше да постои темава ) тогаш по договор помеѓу тебе и општината се врши компензација доколку постигнете договор нормално.

btw ова не е земјиште од државен интерес зашто станува збор за сервисна улица ... не го лажете човекот !!!

 

[Vanlok]

Ти како корисник можеш да дадеш приговор но во принцип планот е направен да ги задоволи урбанистичките потреби на местото во кое ти живееш, т.е. план истото да се урбанизира и да не остане СЕЛО. Тоа што ти викаш дека земјиштетот е во твоја сопственост и го користиш подолго време се докажува со имотен лист за земјиште, а тоа што ти си легализирал дива градба поскапо од другите иди и кажи им го на тие што легално градат и плаќаат дупло негло ти што си платил за да си ја легализираш дивата градба .

Не сакам да испадне дека се конфронтирам или слично, но изгледа не го прочита убаво уводниот текст. Зборев за легализирање на помал дел од дворно место кое не по моја вина не било влезено во урбанистичкиот план. Не зборував за градби и стамбен простор.

Мене комуналиите за доградбата на куќата ми е платена во фул цена, и исто нецела година пред легализацијата на дивите градби за едно евро, еден квадрат. Не ме дирај за тоа, пошто и тоа ми е многу болно место: уште многу години ќе го исплаќам кредитот што го земав за да ги платам тие комуналии, а неколку месеци подоцна многумина тоа го направија за некои смешни цени.

Во која општина се наоѓа ова ?
...
Единствено што можеш да направиш во случајов е да дадеш приговор или жалба па доколку има услови за тоа да се изврши измената во твоја корист. Планот што го гледаш не те оштетува само тебе туку и пола населено место во кое што живееш се со цел истото да се урбанизира. Никој не ви краде на вас а доколку е ваша сопственост ( што чисто се сомневам зашто немаше да постои темава ) тогаш по договор помеѓу тебе и општината се врши компензација доколку постигнете договор нормално.

btw ова не е земјиште од државен интерес зашто станува збор за сервисна улица ... не го лажете човекот !!!

Човек, кажав дека ги имам сите документи за сопственост. Треба ли да ги скенирам и да постирам?

И како мислиш, „Планот што го гледаш не те оштетува само тебе туку и пола населено место„?
Не знам за други улици, ама во мојава (сервисна) улица само од мојот двор е одземено место! Никаде и од ниеден друг двор не фали ни сантиметар простор.

Туку кажи ми што мислиш со „тогаш по договор помеѓу тебе и општината се врши компензација доколку постигнете договор нормално„?
Можам да не се согласам со ова? (пошто ги нема тие пари за кои ќе се согласам)
Или сакаш да кажеш дека ова е завршена работа, од аспект на ДУП/ГУП (минус позитивен исход на приговор/жалба)??

Инаку за општина Карпош се работи.

 

[Ryan Giggs]

Не сакам да испадне дека се конфронтирам или слично, но изгледа не го прочита убаво уводниот текст. Зборев за легализирање на помал дел од дворно место кое не по моја вина не било влезено во урбанистичкиот план. Не зборував за градби и стамбен простор.

Мене комуналиите за доградбата на куќата ми е платена во фул цена, и исто нецела година пред легализацијата на дивите градби за едно евро, еден квадрат. Не ме дирај за тоа, пошто и тоа ми е многу болно место: уште многу години ќе го исплаќам кредитот што го земав за да ги платам тие комуналии, а неколку месеци подоцна многумина тоа го направија за некои смешни цени.




Човек, кажав дека ги имам сите документи за сопственост. Треба ли да ги скенирам и да постирам?

И како мислиш, „Планот што го гледаш не те оштетува само тебе туку и пола населено место„?
Не знам за други улици, ама во мојава (сервисна) улица само од мојот двор е одземено место! Никаде и од ниеден друг двор не фали ни сантиметар простор.

Туку кажи ми што мислиш со „тогаш по договор помеѓу тебе и општината се врши компензација доколку постигнете договор нормално„?
Можам да не се согласам со ова? (пошто ги нема тие пари за кои ќе се согласам)
Или сакаш да кажеш дека ова е завршена работа, од аспект на ДУП/ГУП (минус позитивен исход на приговор/жалба)??

Инаку за општина Карпош се работи.

Такво нешто како легализација на доврно место не постои, најверојатно мислиш на откуп на дворно место и за споредба ги земаш оние што денес го откупуваат истото за 1евро квадрат.
На делот од предлогот што ти си го постирал е прикажана новопроектирана улица а такви во предлог дуп-овци и донесени дуп-овци низ цело скопје има милион и скоро секаде има ситуации како твојата. Кога предметното земјиште е во твоја сопственост и имаш официјален документ издаден од валиден орган во државава, предвидената улица во овој случај останува само SCIFI нормално се додека ти не се согласиш и не дозволиш истата да се изведе. Никој не може да присвои нечија сопственост ниту пак да те натера на сила на нешто што не сакаш. Класичен пример е мостот кај железничка од саем, према центар и аеродром каде државата не успеа да се договори со сопствениците и денес мостот е таков каков што е : искривен . Се додека ти имаш документ за земјиштето кое гласи на твое име не можат да направат никаква улица, да таа ќе стои во дуп-от ( предлог дуп-от) како предвидена но не значи дека и можат да ја реализираат без твоја согласност. Во секој случај иди во општина и кажи си што ти лежи на душа , објасни дека не е во твој интерес истата да биде изведена, и дека земјиштето е твоја сопственост ... без карање и викање

 

[Vanlok]

Сега го проверив текстот на договорот. И да, терминот е откуп на земјиште, каде како мнозински сопственик на парцела ми дозволиле да го откупам и преостанатиот дел од 55м2 (кој и онака на времето бил платен од дедо ми)... по цена од 7.000ден за м2. Ова е неколку месеци пред да се донесе она 1м2 за 60ден.
Но тоа не е ништо во однос на тоа колку се изнервирав со комуналиите за доградбата. Тие комуналиите исто ги платив во фул износ како на прва зона град Скопје (накај 7-8.000ден по квадрат)... иако на стотина метри од мене давачките се неколку пати помали (почнува втора зона). Нецела година потоа дозволија легализација за 60ден. по квадратен метар.

Кога предметното земјиште е во твоја сопственост и имаш официјален документ издаден од валиден орган во државава, предвидената улица во овој случај останува само SCIFI нормално се додека ти не се согласиш и не дозволиш истата да се изведе. Никој не може да присвои нечија сопственост ниту пак да те натера на сила на нешто што не сакаш. Класичен пример е мостот кај железничка од саем, према центар и аеродром каде државата не успеа да се договори со сопствениците и денес мостот е таков каков што е : искривен . Се додека ти имаш документ за земјиштето кое гласи на твое име не можат да направат никаква улица, да таа ќе стои во дуп-от ( предлог дуп-от) како предвидена но не значи дека и можат да ја реализираат без твоја согласност. Во секој случај иди во општина и кажи си што ти лежи на душа , објасни дека не е во твој интерес истата да биде изведена, и дека земјиштето е твоја сопственост ... без карање и викање

Убаво е ова да се чуе, посебно ако се такви практичните искуства. Иако, да бидам искрен ме плаши текстот на законот за експропријација. Ова доле може секако да се чита.

2.Сопственоста, односно правата кои произлегуваат од неа, никому не можат да му бидат одземени или ограничени, освен кога се работи за јавен интерес утврден со закон, како што е уредувањето, рационалното користење и хуманизацијата на просторот, заштитата и унапредувањето на животната средина и природата, а со изградба на соодветни објекти и изведување работи чиј јавен интерес е утврден со закон и со актите за планирање на просторот.

 

[Ryan Giggs]

Убаво е ова да се чуе, посебно ако се такви практичните искуства. Иако, да бидам искрен ме плаши текстот на законот за експропријација. Ова доле може секако да се чита.

друже твоето земјиште е се само јавен интерес не, освен ако нема закопано богатсво или па да поминува некоја нафтоводна / гасоводна цевка или па некоја цевка за вода од раштак која го снабдува скопје со вода. У случајов освен комшијата никој друг нема интерес од улицата.
Се таму што гледаш е предлог, таквиот план да се изведе во целост е рамно на фантазија.

 

[Vanlok]

У случајов освен комшијата никој друг нема интерес од улицата.

А сепак повеќе од сомнително е како измената стигнала во предлог измените. На кој планер спонтано би му текнало „хммм слепа сервисна уличка, ајде да му одземам на овој 55м2 од дворот за да проширам 15% од должината на улицата„.

Ќе видиме утре на презентацијата. Процедурата е да пополнам анкетен лист каде ќе изразам несогласување со предлог промените, така?
Има ли тука некои можност за манипулација, на пример дали анкентниот лист ќе биде заверен некако на лице место? Да не испадне после некој анкетен лист каде јас се согласувам со предлог измените...

Знам дека звучи параноично, ама како што стојат работиве во државава се е можно. Ако може некој да влијае на предлог промени во своја корист, прашање е на што се друго може да влијае?

 

[Gjoksi]

Значи вака сега, ништо не е случајно, сето тоа е убаво испланирано, со цел да му се обезбеди место за паркирање на твојот комшија, тоа е повеќе од јасно!
Прво, отиди утре на презентацијата во Општината и види на лице место со скици и говорно што тие планираат согласно Деталниот урбанистички план (ДУП) да градат на твоето место (поради кои причини е планирана новата уличка, со кои димензии ќе биде уличката, колкав дел зафаќа уличката од твоето место и слично).
Второ, во рок од (мислам дека беше) 7 или 8 дена, имаш право да поднесеш АНКЕТЕН ЛИСТ/ПРИГОВОР до ОПШТИНАТА на така предложениот ДУП! Тој се поднесува во писмена форма на образец којшто ќе ти го дадат од Општината. Во тој приговор ќе истакнеш зошто не се согласуваш со предложениот ДУП (дека нема јавен интерес да се проширува слепата уличка или да се проектира нова улица, дека ти се загрозува правото на сопственост за приватни цели и сл.).
Ако од Општината ти го усвојат поднесениот приговор, мислам дека во конечната верзија на предложениот ДУП не треба да биде предложена (нова) уличка на тоа (твое) место - извини, меѓутоа за оваа постапка не сум подетално запознаен!
Ако пак не ти го усвојат приговорот, тогаш тоа ќе биде предложената верзија на ДУП, и Советот на Општината ќе го изгласа така предложениот ДУП.
Потоа, следува постапка за експропријација на твоето земјиште заради спроведување на ДУП (градење на улица). Предлогот го поднесува Општината до Управата за имотно-правни работи, ќе бидеш повикан да се изјасниш по предлогот (дали се противиш на поднесениот предлог и ќе треба да ги наведеш причините за тоа, дали се согласуваш со предложениот паричен надомест за твоето земјиште и сл.).
Ако го усвојат предлогот, земјиштето ти се одзема од сопственост и станува сопственост на Општината и за тоа земјиште ќе ти дадат пари, ако пак не го усвојат предлогот земјиштето си останува во твоја сопственост. Потоа секоја од странките има право на тужба до Управен суд и жалба до Виш управен суд.
И јас имав иста ваков случај, се работеше за мое земјиште. Овие од Општина сакаа да ми одземат земјиште за (ЗАМИСЛИ) да му обезбедат УЛИЦА (ПАТ) за поминување на мојот комшија, иако неговата куќа ИЗЛЕГУВА НА ГЛАВНАТА УЛИЦА ВО ГРАДОТ КАДЕ ШТО ЖИВЕАМ! Предложија ДУП, ние приговаравме на предложениот ДУП, приговорот беше прифатен и ни стигна писмо дека на комшијата влез до куќата ќе му се обезбеди од друго место (малку подолу од неговата куќа).
И после тоа бидејќи не можеа да се помират со таа изгубена битка, Општината поднесе предлог за експропријација на земјиштето за да прави УЛИЦА на тоа земјиште (исто како во твојот случај). И јас цело време барав правилници за улици, се консултирав со еден адвокат од Скопје и сл. и ПРЕДЛОГОТ фино лепо беше ОДБИЕН, бидејќи местото е тесно и нема услови да се гради УЛИЦА согласно пропишаните Правилници, нема јавен интерес бидејќи куќата на комшијата излегува на главната улица, дека му е обезбеден влез до домот од другата страна и дека тоа ќе бидат потрошени буџетски пари за приватен интерес!!! КОНЕЧНО ГО ПОБЕДИВМЕ, МАМЕТО НЕГОВО!!!
Гледаш, не е така едноставно/лесно, затоа најдобро консултирај се и ангажирај си адвокат!!!!!!!!!

 

[Vanlok]

Значи вака сега, ништо не е случајно, сето тоа е убаво испланирано, со цел да му се обезбеди место за паркирање на твојот комшија, тоа е повеќе од јасно!

Овие од Општина сакаа да ми одземат земјиште за (ЗАМИСЛИ) да му обезбедат УЛИЦА (ПАТ) за поминување на мојот комшија, иако неговата куќа ИЗЛЕГУВА НА ГЛАВНАТА УЛИЦА ВО ГРАДОТ КАДЕ ШТО ЖИВЕАМ!

Перфидно. И не знам само која била поентата во твојот случај... поблиску да му биде да иде до некој пријател што живее позади тебе??

Во мојов случај, се работи за комшија со некој глуп инает: не сака да си направи паркинг место во дворот и ми се паркира пред двете од моите три паркинг места. Со тоа практично ме блокира пошто уличката е тесна (толку тесна да само во рикверц се излегува ако си влегол право).
Кога ќе се паркира тој на сервисната улица, можам да го користам само првото паркинг место (а дома имаме три коли, три семејства сме). Вистина, на првиот паркинг влез имаме таман доволно место да се залепат две коли. Ама така секое едно излагање се тешки маневри за да излезе првата кола. Плус пак останува проблемот со третата кола, на брат ми, кој не е цело време тука ама често доаѓа и нормално и нему му треба паркинг место.

Практично соседот ја злоупотребува мојата љубезност и пацифизам. Мразам да се карам со соседи. Тепачки секогаш избегнувам како ѓавол, пошто тешко се контролирам откако ќе се надмине одредена линија.
Неколку пати му е кажано на соседов, и џабе. Татко ми неколку пати сакаше да му вика полиција, ама јас не го оставив. Се со надеж дека ќе разбере соседов колку е глупо што секогаш кога треба да излезам го викам да ја тргне колата.

Ова сега што се случува е многу перфидно, ако некако е тој одговорен за измените во ДУП. Во тој случај се прашувам, каде му е совеста.

Еве чим веќе се кажав, и да илустрирам. На сликата подолу се претставени колите. Црвените се нашите автомобили, плавата е неговиот автомобил. Тоа што го гледате во неговиот двор (спроти мојот) не е градба туку предлог за измена. Сегашната градба му остава место во неговиот двор и за два автомобили... кога би решил да се паркира кај него во двор.
Мислам дека нема повеќе да го спречувам татко ми да го пријавува во полиција за блокирање на прилаз. Извесно е дека овде кај нас, љубезност и култура се разбираат како слабост.