Ги почитувам твоите ставови, ама зашто мислиш дека се работи за политички памфлет ?
Мислам дека во текстот се анализираат проблеми кои обичниот граѓанин ги има. А такви има многу.
Мислам дека е глупаво да се правдаме дека такви правилници имаме или дека законите се такви какви што се.
Ако правиме разлика меѓу ПРАВНО или ПРАВЕДНО, што не секогаш е исто, мислам дека траба да тежеме кон ПРАВЕДНО. Законите треба да служат во интерест на народот
Инаку во Иран, сечат рака за кражба, каменуваат до смрт за прељуба, и тоа е по закон
За политичкиот памфлет, објаснив веднаш по твојот пост, со кој ја постираш колумната. Ако веќе некој се нафатил нешто да анализира, треба да го направи тоа како што треба, целосно, аналитично, да ги согледа сите аспекти.
Не сме сите сештолози, па да знаеме се
Не е битно тоа сега да не должам...
Да, во право си кога велиш дека тоа се проблеми кои го тиштат обичниот граѓанин и му се одразуваат финансиски.
Останувам на тоа дека секој треба да консултира правник кога ќе добие нешто кое не го разбира, или лекоумно мисли дека не му можат ништо.
На пр. добиваш платен налог за 15 години стара сметка и велиш не ми можат ништо... Во основа да, не ти можат ништо, но мора веднаш да се поднесе приговор на платниот налог, со кој автоматски стануваш тужител, оној кој бара таков долг тужен... и добиваш на основ застареност и такво нешто не ни доаѓа до извршител, завршува кај нотарот кој го издал платниот налог.
Втората опција е доаѓа платен налог, не преземаш ништо, налогот станува правосилен... и извршителот постапува токму онака како во колумната. Си пропуштил дејствија, веќе е готово...
Треба да се знае дека судскиот паушал практично не застарува. Да... за прекршокот не си казнет, ама пишува во пресудата дека треба да се плати таа иљадарка... Плати си ја, достави ја до судот со едно писмено... и готово!
Постои и друга страна на приказната... Нели, се ставаме обично на страната на послабите, па велиме такви биле извршителите, онакви биле... Но, што ако ние сме доверители и некој ни должи? Ќе гледаме да дојдеме до она што ни припаѓа, па баш ни е гајле како извршителот постапува, нели?
Велиш дека е глупаво да се правдаме во врска со законите... Не е тоа правдање, тоа е само прифаќање на работите онака како што се.
Секој човек има нешто против некој закон, но мора да го почитува, бидејќи во спротивно постои санкција.
Работата на правникот е да ги толкува и применува законите, а законите не ги донесува струката, туку законодавецот, т.е. оние кои седат во Собранието. Правната фела обично е консултирана при изготвувањето на закони или подзаконски акти.
И, за крај, навлегуваме во една филозофска расправа околу правото, правдата и правичноста.
Тоа е огромно поле за филозофска расправа. Само накратко ќе кажам дека законите не секогаш се и правични или праведни. Некогаш доаѓаат и во конфликт.
Би ти препорачал баш околу таа тема да ја прочиташ Платоновата „Држава“. Се занимава токму со таа проблематика и сеуште е доста актуелна и свежа.[DOUBLEPOST=1394571650][/DOUBLEPOST]
Ај малце помош од поискусните...
Опомена: Заклучно со 21/02/2014 година имате заостанат долг во износ од 523.00 денари.
Е токму ова ми пишува на штотоку пристигнатата сметка за вода. Значи секој месец ги плаќам сите сметки одеднаш, и нитуеднаш не сум закаснил со плаќање, а сега ова ми стига
. Дајте нешто чаре што да правам со лоповиве...?
И да колку за информација ги чувам сите платени сметки на посебно место... Мислам дека најстарата сметка што моментално ја имам е од 2002 година.
Ништо... опомена може да праќа колку сака, тоа не е тужба и не ја прекинува застареноста.
Но, за да не се нервираш од такви работи, земи си сметките, оди до соодветното ЈП кое ја издало сметката, па порамнете се, можеби не прокнижиле нешто.