Ништо не им е на американците со ваквото делумно, а не целосно, финансиско затворање на владата на САД.
Од витално значење на секоја држава е без прекин да функционираат полицијата, војската, правните, здравствените и образовните институции, а во САД тие и понатаму функционираат без никаков прекин и без никаков недостаток на финансии и/или било какви најосновни средства за непрекинато функционирање.
Се разбира, тука се Барак Хусеин Обама и неговата влада за да се закануваат отворено и јавно со затворање на училиштата, болниците, судовите, воените бази, поморските бази, воздухопловните бази и полициските станици, додека истовремено не планираат да скратат ниту 1 (ЕДЕН) цент од стотиците милиони долари кои секоја година ги троши американското прво семејство на одмори низ Шпанија, Јужноафриканската Република, Мексико, Хаваите и ред други туристички места.
Американскиот Конгрес веќе има усвоено неколку резолуции со кои се продолжува финансирањето на клучни сектори во САД и без усвоен буџет и без зголемена граница на задолжување.
Ова ниту е прв пат да се случи нешто вакво во САД, ниту ќе биде последен пат.
Но уште поважно, верувале или не, американците имаат причина зошто да се радуваат на ваквата вест. Последен пат кога се случило делумно финансиско затворање на владата на САД, било во периодот од 15 декември 1995 до 6 јануари 1996, бидејќи владата на Бил Клинтон одбивала да користи официјални и службени бројки од американскиот Конгрес при подготвување на наредниот буџет на САД, а компромис бил постигнат дури 3 недели после делумното финансиско затворање на владата на САД.
Американците помнат дека во тој период, поради недостаток на финансирање, инспекциите речиси ги снемало, а тие 3 недели за американците биле вистински Божиќен и новогодишен благослов, бидејќи си терале бизнис без никакви грижи од било какви инспекции, прекршочни казни и/или затворања на нивните бизниси и се разбира, оствариле огромен профит.
Со други зборови кажано, додека Барак Хусеин Обама, кој дури и во 2009 и 2010 година кога имаше сопствено мнозинство и во американскиот Конгрес и во американскиот Сенат, сепак не успеал ниту еднаш од кога стана претседател на САД во 2009 година, па се до денешен ден, да усвои барем 1 (ЕДЕН) буџет на САД, бара виновници за проблемите кои тој ги има предизвикано, наместо да бара и да имплементира решенија за истите тие проблеми, американците од друга страна и тоа како имаат причина да се радуваат на ваквата вест.
Се разбира, ќе мораат да продолжат да плаќаат даноци и редовно да си ги подмируваат сметките и долговите, но нема да се плашат од било какви инспекции, бидејќи инспекторите кои ниту примаат плата, ниту имаат пари за превоз од работното место до местото каде што треба да извршат инспекција, не планираат од свој џеб да си ја плаќаат сопствената работа, поради што, додека трае ваквата финансиска блокада, американците ќе си заработат добра пара.
Лично им завидувам на американците во моментов и посакувам да сум на нивно место, да видам како се води бизнис без страв од неочекувана инспекција која и за најситната грешка ќе ти наплати драконски казни, а можеби дури и ќе ти го затвори бизнисот.
,оди сега најди им го крајот на манипулантиве!