Какви информации му фалат на нашиот народ, во однос на хомосексуалноста?
Да имаш моќ, што ти би сторил во тој поглед, во државава?
Прво, слаба информираност за тоа што е хомосексуалноста и не правење на битна разлика меѓу неа од една страна и педофилијата, зоофилијата и други филии од друга страна.
Второ, слаба информираност како се станува хомосексуалец. Не е тоа помодарство за друштвото да вика вау! оти си контра системот или пак твоите се богати, се ти е угодено.. не знаеш што со животот, па решаваш педер да бидеш. Не е ниту процес на милитаризација на млади деца од страна на возрасни педери, ниту пак причина е слабо внимание од страна на родителите.
Трето, ставање строга паралела на хомосексуалноста САМО со секс. Неинформираноста дека покрај сексуалниот акт, постои и некоја емоционална поврзаност меѓу партнерите. Го пишувам ова од проста причина што коментарите на луѓето обично се сведуваат на: „Шо бе тоа на педераната да ИМ давам права па да ми се сексаат каде стигнат“.
Четврто, хомосексуалците шират болести и ја “родија“ СИДА-та. Дури некои наши форумџии упорно тврдат дека сидата е плод на истополов секс иако многу години наназад се тврди дека станува збор за вирусна мутација кај некои мајмуни од Африка.
Петто, страв дека хомосексуалните бракови ќе ја нарушат традиционалната брачна заедница. Причина за страв е неморалноста на хомосексуалците, а бракот го сметаат за производ на природата. Мислам дека тука е повеќе страв да се соочат со реалноста дека хомосексуалците се меѓу нас, наши пријатели, колеги, роднини, луѓе кои ги минуваме додека се движиме по улица, луѓе што ќе седнат до нас во автобус, кои ни продаваат леб или ни препишуваат лекови кога сме болни.
итн итн
Што би направил јас на ова поле ако имав моќ. Тргање од употреба на дел од учебници во кои "по грешка" хомосексуалноста се третира како болест. Едукација на најмладите за што е тоа сексуалност и нејзините 3 вида. Едукација за толеранција и прифаќање на различностите. Отварање на центри за советување на родители кои имаат дете хомосексуалец. Воведување на закон против сексуална дискриминација и најстрого казнување на хулигани кои претепуваат парови зошто се држеле за рака или само им личеле на педери. Вметнување на оваа тема во повеќе сегменти на медиумите за информирање. Не мислам преплавување на сцени со секс, туку пренесување на проблемите со кои се соочува лгбт заедницата дирекно кон народот, без посредство на некои спинери. Едуцирање за тоа што значи хомосексуалноста, како се јавува и што значи проширен закон за брак кој вклучува можност за стапување во истополов брак. Воведување повеќе манифестации кои подржуваат сексуална еднаквост. Секако, нужна е и подршка од јавни фаци кои во голема мера го креираат јавното мислење.
Се кладам дека сега некој ќе изрипа и од целиов пост ќе најде ситно делче на кое ќе си направи мајтап колку да испадне интересен пред тесен круг на празноглавци.
