Драга пријателке, јас многу одамна имам седнато и преседнато и ги имам студиозно проучувано зборовите на Исус, а го познавам доволно и учењето на будизмот. Се уште немам направено компаративна анализа меѓу христијанството и будизмот, но еве нешто во кратки црти само колку да видиш дека нивните учења воопшто не се ни приближно исти.
1. Исус никаде не поучувал за свесност и будење. Се разбира тој не поучувал луѓето да бидам без свест и да спијат нон стоп, но тука мислам на она будистичко учење за свесноста и будноста како дел од осумкратниот пат на будизмот. Ако сметаш поинаку, повели Библија на македонски јазик
www.mkbible.net покажи ни каде тоа Исус поучувал за свесност и будност.
2. Буда поучувал за реинкарнацијата, циклично умирање и раѓање во насока на постигнување Нирвана. Исус поучувал за умирање, воскреснување, по што следи Божјиот Суд и потоа нема повеќе раѓање.
3. Буда поучувал дека за да се ослободиме од страдањето и патењето треба да го поминеме осумкратниот пат, да достигнеме комплетно ослободување од нашите желби и од поседување богатство - Нирвана. Исус поучувал дека се до Божјиот Суд страдање ќе има на Земјава и дека дури по Судниот Ден целото страдање комплетно ќе го снема.
4. Буда поучувал дека причините за страдањето се желбите. Исус поучувал дека причините за страдањето се гревот, гревовната природа на човекот (себичноста, лакомоста, невоздржливоста, бунтовноста пред се кон Бог, омразата), а потоа удел во страдањето има и ѓаволот. Библијата исто така учи дека има и добри желби.
5. Исус поучувал дека ако сакаме да се спасиме од гревот кој не води кон смрт и од Божјиот гнев на Судниот ден, треба да се покаеме и поверуваме во Него (Исус), бидејќи Тој на Голготскиот крст ја плати казната за нашите гревови принесувајќи го Своето тело како жртва. Ниту еден будист нема да се сложи со ова.
6. Смртта и воскресението на Исус се суштинската порака во христијанството, но тие се ирелевантни во Будизмот бидејќи според Будизмот тие немаат удел кај денешниот човек кој самиот треба да се буди, освестува, медитира, реинкарнира, да се ослободува од желбите, да достигне Нирвана и ослободување на страдањето.
7. Буда учел дека треба да медитираме. Исус не поучувал таква дисциплина. Молитвата нема допирни точки со медитацијата. Ти можеш да се молиш и возејќи се на точак и да му раскажуваш на Бог колку ти е тешко заради некоја случка, да бараш мудрост од Него како да постапиш, да му благодариш за одредени работи, да го молиш за некои потреби, да исповедаш гревови, да бараш прошка итн. Ова не е медитација.
Се надевам дека е доволно. Еден ден ќе направам поисцрпна листа на разликите меѓу христијанството и будизмот, бидејќи приметувам во последно време дека има многу екуменисти што сакаат се да стават во ист кош и поучуваат некаква нереална еднаквост меѓу верите и религиите.
--- надополнето: 5 август 2013 во 20:21 ---
За молитвата ти објаснив во точка број 7. При молењето ние му зборуваме на Бог (кој што е Личност и не слуша). Понекогаш му зборуваме тивко (во себе), а понекогаш и гласно.
Во православизмот постои еден вид мантрање со бројаница и повторување на одредени зборови, но тоа нема благе везе со христијанството т.е. со она што поучувал Исус. Во православието има навлезено многу пагански и будистички елементи (монаштво, мантрање, будистички симболи), па ова е едно од тие. Исус дури конкретно има заповедано кога се молиме да не употребуваме напразни повторувања.
„А кога се молите,
не употребувајте напразни повторувања како народите; зашто мислат дека ќе бидат послушани, заради многуте зборови.“ (
Исус Христос, ев. Матеј 6:7, Библијата)
