@NinaMiranda
Применлива технологија, е концепт кој значи паметно одбирање на постоечка технологија и нејзино унапредување, заради заштеда и намалување на штетните влијанија врз околината.
Што значи тоа за нас? Тажната вистина е дека енергија од дрва и фосилни горива се користи наголемо на планетава, и ќе се користи и во догледно време. Зошто тогаш да не се унапреди ефикасноста на согорувањето на овие енергенси (со што автоматски се добива намалување на загадувањето)?
Тоа на страна, ај сега искрено кажи дека во ваква банана држава навистина сакаш производство на нуклеарна енергија?
Како што се применуваат законите и прописите во државава, катастрофа не ни гине. Кога можеше на Јапанците да им се деси, тука 100% би се десило.
Гледам огласи кај комшиите во Србијава нудат балирана слама - бали од околу 20 килограми по цена од едно евро....
Е сега треба да најдем добар и економичен начин да ја искористиме...
Смрт за зони, сламата пошто брзо гори и брзо оддава топлина, за правилно да се искористи енергијата потребна е термална акумулација... поточно печки со доволно голема термална маса. Пишувавме за ова ,мислам и тука и на економично греење темата, решение се „ракетните„ печки или (нешто понеефикасни) „масонски„ печки.
На жалост во станови нема да можете да употребите печка со термална маса, барем не без да ја нарушите конструкциската стабилност. Но можно е да се употребуват без термална маса, ако изводот за издув во поголема должина се протега низ собата и на него некако се намонтираат некакви изменувачи (на пример, алуминиумски профили), во просторијата ќе остане поголемиот дел од топлината, и со тоа ќе добиеш евтино загревање... но тоа ќе бара ложење 24/7.
И мене ми интересира, се продава ли кај нас пресувана слама, и ако да, колку кошта?
Oва не е точно ниту тероретски ниту практично. Јас имам три обични клими сите се различни типови. Во февруари 2012 работеа беспрекорно на минус 22.
Хммм... „беспрекорно работеа„ е многу недефинирано кажано.
Не кажуваш колкав е станот, колку е грејниот волумен во метри кубни, колкава е јачината на 3те клими што ги имаш. Генерално обичните клими на ниски температури (иако искрено сум зачуден дека воопшто работат на -22с) се симнуваат на 1:1 (и поинску) однос потрошена струја наспрема добиена топлина. Ако ти е јачината на климите е доволно
предимензионирана, ќе успеат да го загреат станот и на минус температури.
Ни треба потрошувачката на струја, наспроти добиената топлина, за утврдиме колку биле климите ефикасни. Но во секој случај, земајќи во обзир дека кај нас е благи климите и вообичано преку ден ретко е минусна температура... предимензионирани обични клими преку ден успеваат доволно да за заграт за навечер да не падне многу внатрешната температура (а навечер и онака вообичаено се спие).
Ова е секако подобро од панелки или други греалки на струја. Но инвестицијата за инвертор клими е пожелна, зошто секако би се вратила за неколку години. Е сега ако не можеш да си ја дозволиш таа инвестиција, тогаш претпоставувам дека и вака не е лошо.
... И сега прашањето од милион долари е зошто наместо да давате по 1000 и кусур евра за некоја фенси клима која ке можи да загрева и на -20 степени, не вложите 1000 денари и не го стоплите воздухот околу климата на некоја пристојна температура. И под топлење не мислам на да се лажи термостатот со греач или таму некој финти туку едноставно да се зголеми температурата околу самата клима. Теоретски не гледам причина зошто не би функционирало. И не немислам да се загрева воздухот со греач туку со најобичен соларен загревач на воздух или како ли се вика. Имам постирано тука начин на изработка но секако на нет ке се најди, не е ништо посебно да се направи. Убавото во сето тоа е што треба температурата да се доведе до некој 7-8 степени ( а не до 24 ). Сега како тоа би се извело, дали топлиот воздух да се дува во самиот разменувач на надворешната единица или надворешната единица да биде ставена како во некое звоно или што знам јас смислете сами. Ако ништо друго вреди да се проба, не е којзнае колкава инвестиција или нешто што неможе да се направи дома.
Ова не е лош концепт. Кај нас дури и во зима, денски често е сончево. Инаку ваљда најпрактично е надворешната единица да се смести во некој стаклен „аквариум„ низ кој би проаѓал довод и одвод на воздух загреан во некој алуминиумски панел од домашно производство. Такви панели прават и од лименки со одсечен врв и дно, но може и од алуминсиумски листови (како лим). Едноставно сонцето го загрева алуминиумот и со тоа и воздухот внатре. Најверојатно ќе мора активна вентилација, иако ако панелот е пониско од „аквариумот„ (со надворешната единица во него), вентилацијата може да и пасивна (термо-динамиката ќе го движи воздухот).
Секако зафатот нема да биде баш вака едноставен, треба да се земе во обзир колкав волумен на воздух „врти„ надворешната единица, за правилно да се димензионира алиминиумскиот панел (или повеќе панели во серија).
