Како што е редот, да си кажам некое мислиње за денешното искуство на Титов врв.
5:45 сабајле, најлегитимно ме буди аларнот, возбуден станувам од прва, насмеан... гледам низ прозор време што ветува, сонце срамежливо, ама го има, спремен за забава, дружење, уживање, сончање релаксирање....
6:25 стигам со количето полека на Попова Шапка, и нешто ми е чудно, гледам луѓе со ветровки, стуткани, капи, ај си викам надежта последна умира, сабајле е ќе се среди времето до вечер не би било фер, нели
![Насмевка :) :)](/styles/default/xenforo/smilies/smile.png)
Тргнавме што тргнавме, капата зимска на глава, блуза и ветровка на мене, не пресретна квалитетен ветер, не многу студен, ама прилично јак за да не дозволи да се опуштиме.
Како што се движеше колоната се повеќе се појача ветрот и дојде више време и надежта последна, ама да умре...
9:55 комбинација од една страна на ладното време поради кое не ми беше згодно да правам пауза и на добрата кондициска подготовка што ја имав претходно од друга страна, во седмото искачување си го рушив личниот рекорд стигнав за 3 саата и 20тина минути и без никакво застанување направив една обиколка околу кулата колку да не биде без ништо и тргнав одма на враќање назад.
На враќање не завари ветер што неможеше ни да се замисли, неколку луѓе буквално ги фрли на земја, па моравме да се прибереме повеќе луѓе и да застанеме под една карпа за да не не одвее ветрот, и кога сфативме дека нема план да намали, фативме збиено полека-полека назад!
Негде на пола пат се смири ветрот, можеше малку да здивнеме, некои 20тина минути, и таман мислевме дека се среди времето, нареден шок, почна ветрот со себе да вее снег што го носеше од спротивните планини, успеа да ни го залепи по облеката и се што не беше од шушкав материјал да го направи водено.
13:50 Више спуштени на Попова Шапка, на шолја топол чај во Конакот под црквата!
14:40 Дома, топол туш и топол јорган, време беше да се осети нешто топло денеска
Глобално земено, нешто што требаше да биде рекреативна тура, се претвори во алтимејд планинарење и ако некој решил да ја почне планинарската кариера денеска, верувам дека таму и ја завршил, затоа што временските услови не дозволија никаков комфорт ниту на искачување ниту на слагање... сега останува да го чекаме наредното искачување во Август, па да ни се подобри впечатокот
![Палец горе (y) (y)](/styles/default/xenforo/smilies/thumbsup.png)
Еве две слики во прилог, на едната се гледа како вее снег, а на наредната како се движев низ пола од патот