Осмо издание на Преспанскиот јаболкобер
Преспанскиот јаболкобер, кој осми пат по ред се одржува на големиот христијански празник Крстовден во Преспа е во подготовка.
Традиционално секоја година на 27 септември, градот Ресен е центар на збиднувањата во Македонија.
Празникот Крстовден во Преспа има значење на почеток на бербата на јаболката, традиција стара сто години.
Јаболковото производство во Преспа се негува еден век, а од него сега леб вадат над 3.000 домаќинства. Годинава се очекува вкупен род од над 80.000 тони, главно прва класа, за која трговците претходната сезона нудea и до 28 денари за килограм, најбарани сорти се „Муцо“, црвен и златен „Делишес“.