Повелба за збратимување на градовите Ресен и Елверум од Норвешка
Од 10 до 12 март 2008 во Ресен престојуваше Г-ѓа Елен Лоте од Елверум, Норвешка.
Општината Ресен со овој град од Норвешка во осумдесетите години од минатиот век имаше плодна културна, образовна и др. соработка, а како резултат на остварените блиски пријателски односи и соработка, беше потпишана и повелба за збратимување на овие две општини.
На 11 март 2008, Г-ѓа Елен Лоте, која е еден од иницијаторите на Норвешко- Македонското пријателство, беше примена од Градоначалникот на Општина Ресен, Г-дин Димитар Бузлевски.
На средбата беа разгледани можностите од повторно активирање на Македонско - Норвешкото друштво во Ресен, и остварување на соработка со Елверум и други норвешки градови, во сите сфери за кои ќе има интерес од двете страни.
Исто така беа разгледани и можностите за учество во заеднички проекти од областа на екологијата и стопанството.