Колку е Балканот дефектен?

[RocknRolaa]

Ме инспирираше темата за „Каде ја гледате Македонија за 10-20 години“ да отворам ваква тема. Ова нема врска инаку со политика, туку чисто со менталитетот. Еве што е муабетот.

Ако отворите било кој балкански сајт, форум, било што, под било кој напис за иднина, вработувања, колку успеале луѓе што ја напуштиле земјата имате еден куп коментари кои личат на копи пејст од типот: Е не, овде мајка бара, Да не се враќа некој овде, Ма се селам од тука итн итн. Значи зборувам за Словенци, Хрвати, Босанци, Срби, Македонци. Црногорциве не сум успеала баш да ги проанализирам. Цела Екс Ју сака да се сели. И така идете во било која ментропола околу вас познати јазици, се среќаваат на брод, секаде не има.

Значи генерално да го продискутираме ова. Не е дека само Македонци имаат проблем со состојба сите сакаат да се селат. Сами ли сме криви или успеавме сите да имаме дефектни политичари кои скроз не уништија? Односно, како е можно цела екс Ју да стои на ист став и никој ништо да не презема. Дури да се замислиш дека ич не не бива генерално како луѓе штом толку милиони луѓе се погодени од овој проблем. Да го отселиш цел Балкан не можеш. Тогаш каде, како понатаму?

 

[Crep123]

Балканот е дефектен во коренот .

 

[Пепси_]

се повеќе млади луѓе не го прифаќаат овој систем на живот,не им се свиѓа едноставно,а секој има можност да виде како е во цел свет и да спореде преку интернетот.

проблемот е што,германец не му се свиѓа местото на живеење и има можност многу по лесно да се преселе на др место,за разлика од македонецот кој е во многу тешка ситуација и да не речам ама никој не го сака.

 

[Borg_Drone]

Значи генерално да го продискутираме ова. Не е дека само Македонци имаат проблем со состојба сите сакаат да се селат. Сами ли сме криви или успеавме сите да имаме дефектни политичари кои скроз не уништија? Односно, како е можно цела екс Ју да стои на ист став и никој ништо да не презема. Дури да се замислиш дека ич не не бива генерално како луѓе штом толку милиони луѓе се погодени од овој проблем. Да го отселиш цел Балкан не можеш. Тогаш каде, како понатаму?

Знаеш, имам размислувано на оваа тема.Цела Југославија стој на тој став, но не може и нешто да превземе зошто политичките системи стануваат се порепресивни и порепресивни.Најмногу ми е смешна онаа споредба кога ќе ја направи некој Македонец со Турците, демек во турското луѓето повеќе страдале, но сепак се кренале против Отоманите.Да, ама едно е турското а друго е сегашноста, сепак разликата не е голема, само едно сто години, еве од Турците сме се ослободиле 1913 година, сега сме 2013 година.Во турско време, на пример немало употреба на кордон-полицајци составени од желки, и Турците не правеле сигурно формации за одбрана кои потекнуваат од римско време, поддржани со автоматски пушки, оклопни возила, фрлачи на вода, и солзавци, а исто така и борбата се сведувала на герилска војна, односно на војната која е позната кај нас под терминот „удри и бегај“.Технологијата оди напред, а и размислувањата на луѓето и како што одат напред овие работи, така одат и работите напред кон тоа да се пополнат празнините кои постојат во било која област.Типичен пример ти е Грција.Цела Грција пет години дивее по улиците на најважните нивни градови и дали еднаш успеаа да стигнат да ја допрат барем вратата на парламентот во Атина? Не.И исто така не оди и тоа дека денеска може повторно да се води герилска војна, кај нас тоа не.Сепак, народот е премногу сиромашен за тоа а и лесно ќе бидеш откриен и убиен за брзо време.
А друго и народот стана попаметен, не е ова турското па да веруваме сеуште дека „сега го одиме потешкиот пат за да си резервираме однапред место во рајот“.Зошто овдека тој да води улични борби и да чека трансформација (промена) на неговата држава триесет години (за да може да живее подобро нели) кога може тоа „подобро“ да го постигне за пет години да речеме на пример, работејќи на црно некаде во Австрија или Германија??
И трето, која е воопшто ползата јас да се трудам кон тоа да ја трансформирам (променам) државата?Со што ми возвратила мене оваа држава? Со ништо.Зошто да се трудам кон тоа да ја променам државата?Која е ползата?
Албанците на пример гледаш, за време на протестите во поголема маса излегоа од нас и беа поагресивни од нас.И имаат зошто.Не сакаат да го изгубат тоа што го добиваат веќе десеттина години.Македонците па од друга страна се деморализирани од своите, и обесхрабрени од своите.Едните имаат зошто да дивеат толку, другите немаат и така со свиткан опаш си бараат спас надвор.

 

[ACTION]

А кај ќе се селат зад Карпатите

 

[spaso]

Balkanot e centar na glupasta vo momentot za razlika od porano koga bil centar na intelegencijata ! Ama toa e, Komunizam , Evropska unija , Nato , Amerika , Albanci i koga ke vidis sardisan si vo umot od site strani pa i dobro e sto sme i na ova nivo seuste

 

[Io Sono Interista]

Црногорциве не сум успеала баш да ги проанализирам.

И тие би побегнале ама ги мрзи.

 

[Borg_Drone]

И тие би побегнале ама ги мрзи.

Не ги мрзи, колку што разбрав од еден Црногорец, (кој во моментов е тука на студирање преку програмата размена на студенти), на нив животот и им е добар донекаде.Имаат и средна класа кај нив.Ми велеше Подгорица на пример навистина е помал град, но далеку посреден од Скопје.Платата изнесувала четиристотини евра и нагоре, го сакале сите Ѓукановиќ иако велат дека бил крадец и не знам што таму, имале и многу руски инвестиции.Згора на тоа, многу помал народ се од нас.Тие држави што се помали честопати се и побогати.Оди погледни го Луксембург а и другите држави слични на неа.Само кај нас тоа е исклучок на пример.Кога го прашав он мене ова ми го кажа, ова се сепак неговите описи на местото каде живее он, сега може и да лаже не знам.....али верувам дека ја говори вистината, сепак имаат многу инвестиции од Русија Црногорците а исто така се земја која излегува на море, имаат пристаништа и згора на тоа се мала популација која може лесно да биде нахранета.

 

[NikolaMKD91]

За светот колку е дефектен можам само да претпоставам, не сум шетал толку, не сум видел. Ама за Балканот можам да бидам 100% сигурен колку е отиден у курац. За да се оправат работите на балканот и се да почне одново и нормално, потребно е јужно од Сава и Дунав 6 дена да врне бензин, а седмиот ден громови да маваат. Да потепа све што дава знаци на живот. Потоа да се исече и извади почвата во длабочина од неколку метри и на нејзино место да се донесе нова чиста почва, што не е инфицирана со балкански синдром. После на таа почва да се посее со некорумпирано семе, што во својот ген нема да ги носи сите оние балкански аномалии што денес ние ги имаме . Само по овој рецепт ќе се промени овој полуостров повеќе да не биде дефектен и сонцето повторно да огрее.

Балканот е дефектен во коренот .

Затоа треба да му се смени коренот.

 

[PIRATIC]

Јес да Балканот(под Балкан подразбирам горе до Дунав и до Сава) е дефектен, но треба да се увидат кои се причините за тоа ... Римско владеење, па Византиско(т.е. источно Римско царство), па потоа со цел Балкан завладува Отоманската империја која имала источна култура+Ислам, па балканските војни, па светските војни и.т.н. и.т.н.
Самото географско подрачје е такво, крстосница помеѓу различни континенти, Балканот има доста(генетски)мешано население, тука има спој на повеќе култури западна култура, источна култура(Славо-Ортодоксна), потоа Исламот кој бил главна религија за време на Отоманското владение тука оставил силен белег а и има солиден процент на Муслиманско население на Балканот и.т.н. значи мешавина од повеќе култури, религии, нации и.т.н.
Потоа различни системи ... феудализам, па ран капитализам, па краток период фашизам(2 с.в.) после 2 с.в. со целиот Балкан завладува социјализмот(освен со Грција и Турција која држи мало парче од Балканот), во последниве 2 децении па имаме сосема нов систем и сосема нови ’’вредности’’ и ’’морални’’ и ’’културни’’ кои се увезени т.е. убацени од запад и тоа е тоа !
Кога сето ова ќе се земе обзир и не треба човек да се чуди зашто Балканот и ден-денешен е дефектен и крајно неорганизиран како и исполнет со премногу национализми и омраза на религиска база !
Секој еден народ на Балканот упорно тврди дека токму тој е најстар народ(на планетава) и дека токму тој заслужува и треба да има своја ’’етничка‘‘ и ’’голема’’ држава ...
... Голема Србија, Голема Бугарија, Голема Албанија, Голема Грција и.т.н.

 

[@cool@]

Значи генерално да го продискутираме ова. Не е дека само Македонци имаат проблем со состојба сите сакаат да се селат.

сакаат (желбата) е едно- но колку од нив навистина би го сториле тоа е веќе друго
не секој може да живее во странство
сте се запрашале - дали би издржале „таму„
Едно е да појдеш на гости кај роднини или на времена заработка , а сосема друго е - да се преселиш за стално.Само претставете си - на што би наишле -апсолутно друг менталитет,политички систем,јазик,па дури и клима-.Самото селење е стресно, а тек преселување во друга непозната држава- тоа веќе е дупло постресно .Спремни ли сте да ги оставите своите и блиските луѓе , семејства, другари .....се’ зад себе?
пак ќе речам не секој ќе може да се адаптира
Таму ќе си останеш странец(доселеник)- па колку сака нека биде убаво место за живеење

 

[khz777]

Доволен е еден збор - Многу

 

[Nemanjici]

Има една стара поговорка која вели : секаде е добро каде што не сме ние !
Изгледа сите ние се раководиме од неа ! Арно ама се прашува ли некој , што направивме ние да ни биде подобро овде кај што сме ?
А одговорот е - НИШТО ! И понатаму сме спремни да лепиме плакати 20 ноки под ред за да влеземе во кругот на потенцијални административци , ако не за овој мандат ке си почекаме за другиот.
Државниот врв го испумпа капиталот од производството и услугите , ела некој да гукне зборче , макар да праша , оти?
Не е Балканот дефектен туку балканците во него се осакатени за наредните 300 години !

 

[RocknRolaa]

сакаат (желбата) е едно- но колку од нив навистина би го сториле тоа е веќе друго
не секој може да живее во странство
сте се запрашале - дали би издржале „таму„
Едно е да појдеш на гости кај роднини или на времена заработка , а сосема друго е - да се преселиш за стално.Само претставете си - на што би наишле -апсолутно друг менталитет,политички систем,јазик,па дури и клима-.Самото селење е стресно, а тек преселување во друга непозната држава- тоа веќе е дупло постресно .Спремни ли сте да ги оставите своите и блиските луѓе , семејства, другари .....се’ зад себе?
пак ќе речам не секој ќе може да се адаптира
Таму ќе си останеш странец(доселеник)- па колку сака нека биде убаво место за живеење

Јас сосема те разбирам. Муабетот ми е друг. Сите сакаат да се селат од иста причина. Зар 20 и кусур милион луѓе сме толку глупи мајке му да не можеме да препознаеме здрави нормални луѓе што треба да седнат на чело, да не не дојат со националистички тези кои служат како параван за нивниот криминал и очајните економски резултати? Зар Балканот не може економски да просперира? Па некогаш бил симбол за просперитет. Ама токму заради националистичките тези инвеститорите го гледаат местово како нестабилно и тоа е тоа. Па луѓето губат, не мрцините во фотелја. И ова го зборувам за секој човек што живее на Балканот. Оваа закрвеност мајка ни расплака. Нема просперитет без мир. Еве ги и Бугарите најубав пример се. ЕУ, ЕУ еве ви ЕУ. Не се самозапалија луѓе пред парламент зашто немаат леб да јадат? Аман со тие приказни кој дојде овде да ни продава што сака, како пиони не шибаат и затоа не знам како не седнаа политичкиве лидери да речат доста крв, дајте соработка и да просперираме. Не може во Канада да сме најдобри пријатели, овде најголеми непријатели.

 

[Crep123]

Затоа треба да му се смени коренот.

Коренот неможе да се смени . Може само доколку не снема сите и одново да порасне ново ''растение'' наречено Балкан што чисто се сомневам дека ке биде нешто поразлично од сегашното