@ Acme Inc.
На врвот од страницата на
http://www.toplif.com.mk/glavna.htm има две нови работи:
Информација за акционерите....
Деловен план 2013 - 2017
Таму е по опширно истото напишано а има и ова:
2. Ефектите од основната дејност на Топлификација АД во минатото
Топлификација АД повеќе од 45 години се занимава со производство, дистрибуција и
снабдување со топлинска енергија.
Во целиот тој период основната дејност никогаш не била економски атрактивна дејност.
Во најголем дел од овој период годините се завршувани со мали позитивни или мали
негативни резултати. Исклучок од таквите состојби се средината на осумдесеттите години
од минатиот век кога Топлификација АД е најголем загубар во тогашна Југославија и 1993
година која Топлификација АД ја завршува со загуба од десетина милиони долари и со
вкупен долг на крајот од 1993 година од дваесетина милиони долари. Ваквата состојба е
присутна и во моментот во скоро сите топлификациони системи во регионот.
Од 1994 година до 2011 година Топлификација АД континуирано покажува позитивни
финансиски резултати.
Во тој период од 2006 до 2009 година Топлификација АД покажува сериозни загуби од
регулираните дејности. Вкупните резултати на фирмата се позитивни бидејќи во 2006 и
2007 години Топлификација АД ги продава своите акции во Комерцијална Банка АД
заради финансирање на инвестицијата во ТЕ ТО АД. Најголемиот дел од акциите се
продадени по максималната вредност на акциите на Комерцијална Банка АД воопшто
постигнати на пазарот (7700 денари за акција). Од таквата продажба е остварена билансна
добивка од околу 7 милиони евра и вкупен приход од околу 8,5 милиони евра.
Вкупниот приход од продажбата на акциите е инвестиран во ТЕ ТО АД, а билансните
добивки од овие продажби ги покрија загубите од регулираните дејности во тој период.
Со тоа Топлификација АД вложувањата кои ги имала во Комерцијална банка АД ги
трансформира во вложувања во ТЕ ТО АД во момент на највисока пазарна вредност на
вложувањата во Комерцијална Банка.
Оперативните загуби направени од регулираните дејности во периодот 2006 – 2009
година се покриени со кредити од комерцијалните банки. Највисоката вредност на овие
кредити беше околу 10,5 милиони евра, во моментот е околу 8,5 милиони евра.
За периодот 2006 – 2009 година и за причините на оперативните загуби од регулираните
дејности се направени повеќе независни експертизи. Првата е направена по нарачка на
Регулаторната Комисија за Енергетика (РКЕ) во 2008 година за периодот 2005 – 2007
година. Оваа експертиза РКЕ никогаш не ја објави јавно, иако за тоа беше обврзана со
актите кои го регулираат работењето на РКЕ. Неофицијално оваа анализа само за две
години покажала оперативни загуби од околу 4,2 милиони евра.
Двете други експертизи, нарачани од Топлификација АД се направени за периодот 2006 –
2009 година. Едната ја правеше PriceWaterhouse Coopers (PWC). Оваа анализа е правена
за информација на акционерите на Топлификација АД и на Владата на РМ за причините на
штетите од регулираните дејности во тој период. Втората експертиза за истиот период е
направена од Moore Stephens. Оваа експертиза е направена за судскиот процес против
РКЕ во кој Топлификација АД побарува надомест на штета од околу 16 милиони евра за
периодот 2006 - 2009 година. Двете овие анализи од PWC и од Moore Stephens
покажуваат оперативни загуби од регулираните дејности во анализираниот период од
околу 10 милиони евра и заедно со неостварената добивка од регулираните дејности
вкупните штети се проценети на околу 18 милиони евра од PWC и на околу 16 милиони
евра од Moore Stephens.
Како последица на пријавата од Топлификација АД за штетите кои РКЕ ги направилa со
носење на одлуки за цени во периодот 2006-2007 година Јавниот Обвинител на град
Скопје во јули 2010 година поднесе кривична пријава и покрена истрага против петте
члена на РКЕ кои биле во периодот 2006-2007 година.
Во моментот тече спорот помеѓу РКЕ и Топлификација АД за штетите направени со
одлуките кои РКЕ ги носел во периодот 2006 – 2009 година, во висина од 16 милиони
евра.
.........
Не само што Топлификација не опљачка, туку сега бара уште 16 милиони евра оштета, бидејќи и биле ниски цените Се разбира ќе бара и камата.
