Ај овде, мислам дека темава е посоодветна.Сепак онаму беше Архитектура
Не знам која западноевропска држава функционира така. Големите западноевропски држави имаат отворено дисперзирани одделенија на министерствата чиј што центар по правило се наоѓа во главниот град. Во секој регион по едно. Со Македонија проблемот е што е премала за да биде поделена по региони. Отварање на регионални преставништва би било самоубиство (финансиско) за државава.
Германија и Англија.Македонија е поделена по региони, барем на хартија.Отворањето регионални претставништва е баш потребно.Зошто за потпис за една студентска стипендија студентите од цела Македонија да одат во Скопје со документите и точно во еден ден сите?Ako ова не е гужва...
Зошто да не ги поднесат документите во подрачна единица на МОН, па тие да ги проследат до централата.
Или уште подобро, да добијат овластувања за потпишување и признавање на тие документи.
Ako отворање регионални претставништва е финансиско самоубиство, зошто секојдневно делегации од Скопје ги носат во вилата Билјана во Охрид?20 скапи коли со голема потрошувачка на гориво, дневници за обезбедување, чистење на градот и возилата по главните сообраќајници...не гледам овде нешто заштеда
Е сега, дали сите министерства мора да бидат во центарот на главниот град, дали може да бидат во периферија и зошто не се градат други сообраќајници, се други прашања, многу посуштински од дисперзирање на централната власт.
Притоа, кога пишувам главниот град, не тврдам дека тоа мора да биде Скопје. Доколку е попрактично, може некој друг град да биде нов административен центар. Ама тоа мора да биде еден град, не може да бидат градови.
Па и сегашната ситуација во Скопје е лоша.Најголем процент институции се сместени во центарот, со незабележителни исклучоци.Зошто некое министерство да не е во Ѓорче Петров или К.Вода.Да не е центарот слепо црево.
Со ваква политика на демографско и економско запустување на цели региони владата не прави ништо подобро од она за кое е критикуван Тито и КПЈ со руралните области. Постојат низа добри и лоши искуства. Како пример во предградие на Сиднеј, со релокација на една агенција, со секое едно државно раб. место отворени се две приватни.
збориме за различни работи. Седиштето не значи дека агенциите и службите на тоа министерство се исклучиво во таа зграда и не значи дека сервисите и ингеренциите за кои е надлежно мора да се сконцентрирани на министерскиот кабинет.
Баш како ова за Скопје, да не е само центарот блокиран од институции, ако веќе се одлучат на префрлање да бидат во различни места.
Кажав и претходно, сигурно не одат луѓе во 5,6,7 институции во ист ден за да завршат работа (со навиките на вработените невозможно е некогаш и во една
).Ако зборуваме за децентрализација, да е реална и локални/регионални центри да бидат со исти овластувања и одговорности како ‘централата‘, за да не е се концентрирано во ‘слепото црево‘.А сообраќајниците се градат строго во слепото црево, без помислување на други можности и одложување на хаосот за некоја година.Ако запнат и за трамвајот сред Партизанска (по средна лента!), е тогаш ќе е интересно
Кои министерства и агенции во УК се дисперзирани? Кое министерство во УК нема седиште во Лондон? Која институција нема седиште во Лондон? Која фирма-гигант во УК нема седиште во Лондон? Дали во Лондон има повисоки плати од Бирмингем? Од Ливерпул? Од Манчестер? Од Глазгов? Дали во Лондон има повеќе слободни работни места отколку во Абердин? Дали во УК има моќни политичари што престојуваат поголем дел од годината надвор од Лондон (не потекнуваат, туку претстојуваат)? Дали во Лондон нема сообраќаен метеж? Нема застој на сообраќај? Нема затворање улици? Како е решен сообраќајот во центарот на Лондон?Во УК нема дисперзирани седишта на министерства и институции, туку има дисперзирани институции со седиште во Лондон, што повлекува повеќе пари за администрација од буџетот. Македонија не може да си го дозволи тој луксуз, а и не и е потребен. Децентрализирана власт е тоа што и треба на Македонија (а УК го има), а не преместување на министерства.
Еве ти од член со место на живеење на Островот
Во една друга тема дадов пример.Jobcentre седиштето се наоѓа во Глазгов, National Insurance седиштето е во Њукасл, итн. Тоа ти се огромни државни агенции кои не се базирани во Лондон, ама нормално си имаат испостави во Лондон и во цела УК. Например, кога јас требаше да завршам работа во овие две агенции, не одев до Глазгов или до Њукасл, све се завршува онлине или преку пошта.Кога имав проблем со една апликација дури ми пратија писмо назад со друго помало писмо во него, со платена поштарина, само да им го пратам потребниот документ, без да се изложувам на трошоци.
Муабетот ми е, замисли колку ќе живне некој град во МКД, кога ќе донесеш во него 5.000 администрација, која ќе троши пари во тој град.
Како што спомна некој погоре, едно административно место отвара две приватни работни места.
За сообраќајниот хаос и хаосот со јавниот превоз неспоредливи се Скопје и места со 5-10 милиони жители.Во вториве и не е чудно да имаш проблеми со организација, ама во град со 600-700.000 таква состојба е асоцијација за несериозна организација, несериозна нација.
Изградбата на сообраќајна мрежа и децентрализација на институциите (да не мора за секој документ да се оди до Скопје, туку одговорноста да се додели на локалната власт) е тоа што и треба на Македонија, а не преместување на министерства.
Да, ама за ова е потребно заживување и на местата надвор од Скопје.Да имаме двонасочна корист од транспортот.Глуп пример, ако тие од Струмица одат до Скопје во Министерство за економија, зошто да не одат од Скопје во Струмица во Министерство за земјоделство?Место да се концентрирани сите кон еден центар и креирање хаос, вака поголемо движење низ целата земја.Или пак ќе речам другата опција со целосни овластувања на претставништва во секое место.
Во сите региони што ги наброја нема седишта на државна власт. Има преставништва бидејќи се работи за огромни држави па патувањето до главниот град е неисплатливо, но нема седишта. И сите региони што ги наброја и да се самостојни би биле многу побогати од цела Македонија. Ломбардија, Баварија, Вестфалија... Богати региони, кои природно се наметнуваат како финансиски центри, но не се административни, а овде говориме за тоа.
Германија и Англија.Ете и Словенија ја спомнав, а нејзините помали места се многу блиску по степен на развиеност со главниот град.Ама во секое поголемо место имаш опција да ја завршиш работата.Администрацијата е генератор, особено во вакви земји како нас, со огромна администрација во која платите добар дел над државниот просек, па не верувам дека не се и економски поврзани.Куповната моќ концентрирана на едно место и на неколку различни...
Имаме централизација и во медицината, сите потешки (и доста полесни) случаи ги носат во еден центар.Другите се само на хартија регионални центри, со недостаток на основни средства за работа.А колку гориво секојдневно трошат возилата на Брза Помош за носење пациенти до Клинички Центар, колку пациенти се загубени по тие патишта...
Децентрализација е добра работа, дисперзија на институции не.Дисперзијата влече дополнителни трошоци и за државата и за граѓаните. Ако си вадел барем еден документ во било кое наше министерство јасно ти е за што зборувам. Шетањето од институција до институција е само по себе заморно, замисли сите тие институции да се во различни градови... Инаку, не се надевај на опаметување и одговорност на раководителите. Кога согледуваме проблем, треба да го согледаме реално. Раководителите се тие и такви. Скоро невозможно е да се сменат. Имињата можеби, но навиките тешко. Е сега замисли ги истите раководители расфрлани низ различни градови како играат пинг-понг со тебе. И кажи ми дали пак си за дисперзирани седишта на институции? 
Овде let's agree to disagree
.Првото секако, а и второто не е лошо.Знам како е и баш поради ова реков погоре скоро невозможно е да средиш работа во 2 институции во ист ден.И никој не би одел на 3-4 места наеднаш баш поради оваа причина.
Нека си играат пинг понг, ама меѓусебе.Спортувањето е здраво
Дури кога ќе е завршена работата да и се јават на странката или да и ги пуштат документите по меил/пошта, зависно од желбата на странката.Ама зошто едноставно, ако е можно комплицирано
