Power Yoga Studio - 2nd Street and santa Monica Blvd.
Bhakti Yoga Shala - 2nd Street and Arizona Blvd.
Sunset Yoga - Ocean Park and Ashland Avenue
Таму одам.
Нема одредена цена туку оставаш донација со што се достапни за сите. Затоа тука јогата е на многу поразвиено ниво отколку кај нас. Јас искрено за кај нас немам појма. Ако некој знае каде има студија ќе го замолам да ми каже, посебно велешани. Јас испратив меил на една од инструкторките во Велес со кратки и прецизни прашања и никогаш не ми одговори. Не знам од која причина, ама тоа ме навед да мислам дека не се отворени за соработка и промени.
Hatha yoga, чинам е единствениот вид на јога која се практикува кај нас. Тоа се традиционални и основни асани.
Мене повеќе ме привлекуваат другите видови јога и малку поалтернативен пристап на целата таа филозофија.
Одам на power yoga секој ден која ми ги задоволува потребите за физичка активност, а кога сакам малку посмирено и спокојно практикување одам на bhakti yoga. И двата видови се vynasa yoga што значи динамично движење и преминување од една во друга поза во согласност со дишењето. Ако сакам кардио вежби одам еден здив една поза, што е многу динамично. Ако имам потреба да се стабилизирам и приземјам се задржувам во позите по 2-3 максимум 5 здива.
Телото функционира секој ден различно. Некогаш можам да вежбам и по 3 саати, а некогаш тешко ми е и оној редовниот саат и пол да го издржам. Најважно е да се слушате себе. Ако коленото ми вика да не правам pigeon pose зашто не може да се свитка под агол од 90 степени, ќе ја модифицирам позата и ќе ја прилагодам на енергијата. Танц со енергија, тоа е јогата и совршена е онаква каква што вие ја изведувате. Секоја поза во која вие се чувствувате удобно е правилна. Ако јас можам да се свиткам до земја и да ги ставам нозете позади врат а Трајанка не може, не значи дека не е способна да практикува јога.
Во Индија, асаните(физичкиот дел или позите) се застапени само еден процент. Останотото е духовна посветеност, медитација и киртан кој е неизоставен аспект на јогата, а кај нас го нема. Јас одам два до три пати месечно на киртан собиранки во bhakti yoga студиото, покрај секојдневното неколку минутно chanting пред секоја пракса. Да објаснам, киртан е јога на звукот. Произведување на звучни бранови и способност да се поврзеш и соединиш со нив. Способност за момент да се дистанцираш и оддалечиш не само од надворешното опкружување туку и од своето тело. Пеење на мантри, кои пак се едноставни свети зборови.
Кога имам многу енергија одам на trance yoga dance со Shiva Rea. Генерално умствено чистење. Ова е оној алтернативен и малку посовремен пристап на јогата кој е многу популарен тука и полека преминува во тренд. Јога движења поттикнати од современа музика. Најчесто движењата се слободни и можеш да правиш што ти доаѓа. Се опушташ и забораваш дека најверојатно им изгледаш како идиот на оние кои само набљудуваат и се далеку од екстатична состојба. Дишиш...дишењето или pranyama делот од јога- праксата никогаш не смееш да го заборавиш. И кога се загреваш, тегнеш, ја доживуваш кулминацијата на праксата, се задржуваш или излегуваш од позата кога нозете те убиваат. Секогаш.
Сепак, луѓето кои јас ги запознав и кои ме воведоа во целиот овој начин на битисување се далеку од трендсетери. Урбани јогини, целосно посветени на она што го работат.
А јас ја впив целата нивна енергија и дел од знаењето.
It's a way of life and it feels good.
Yoga trance dance
Kirtan
Една од мантрите..спокој!
И..малку подинамично
Говиндас и Рада, инструктори во едно од студијата. Не можеш да не засакаш и да не се навлечеш на јога покрај вакви луѓе и ваква енергија.
Толку од моите јога искуства и учители.
:salut: