Шампионе, шампионе...
Одново двојна круна во младинска категорија.
Без поголеми напори шампиони и во првенството.
Вардарци ја потврдија доминацијата во највозрасната младинска категорија
Интересно финале се играше во Кавадарци каде Вардар на крајот сепак славеше против домаќинот Фени Индустри, додавајќи ја титулата од М-20 лигата на порано освоениот Куп на Македонија во таа младинска категорија. Предраг Пајиќ избран за МВП на турнирот.
Екипата на Бранко Андриевски го контролраше резултатот во поголемиот дел од натпреварот кој се играше во „Јасмин“ во Кавадарци и на крајот заслужено славеше со 85-73 над Фени Индустри. Кавадарчани подобро го почнаа мечот и предводени од Николов и Делипетров, поведоа со 7-0. Вардар бргу ја консолидираше играта и поголемиот број офанзивни скокови, но и добриот шут од далечина, до полувремето стигна до висока предност од 12 поени (47-35).
Имаше обиди Фени Индустри резултатски да се врати во натпреварот во второто полувреме, сепак, трите тројки по ред (две на Ивановиќ и една на Крстевски), донесоа и најубедливи 17 поени разлика за Вардар, по што почнуваше да станува јасно дека скопјани ќе ја одбранат титулата од лани. Пресингот во последната четвртина на кавадарчани почна да дава резултати, а со тројката на Павле Николов успеаја да се доближат и на седум поени негатива (67-60), но следуваа неколку напади без реализација, кои Вардар знаеше да ги казни за конечна победа од 85-73.
Предраг Пајиќ со 18 поени, 12 скокови, 2 асистенции и 2 украдени топки беше најдобар играч во победничката екипа, а по натпреварот ја доби и наградата за МВП на Фајнл Фор турнирот. Добар меч одиграа и Бојан Крстевски, Игор Ивановиќ, Дејан Лазаревски и Владимир Готиќ, кои беа носители на победата за титулата. Кај Фени, Павле Николов импресионираше уште еднаш завршувајќи го мечот со 15 поени и 9 асистенции, а најефикасен кај кавадарчани беше Димитар Делипетров со 23 постигнати поени. Статистика -
тука.
Тројца од овие веќе искусија како е да се игра во сениорска категорија. Пајиќ, Готиќ и Лазаревски.
Има иднина во момциве