Е тука грешиш. Исусовите чуда не ги негираа ниту непријателите на Исус. Точно е дека оние кои му завидуваа на Исус велеа дека Тој ги прави чудата преку Сатаната, некои тврделе дека прави магии, трети сакале да го убијат Лазар (кој беше воскреснат од Исус) затоа што луѓето гледајќи го починатиот Лазар повторно жив масовно се приклучувале меѓу учениците на Исус (и тоа без меч замисли!)
Значи скептиците, неверниците и фарисеите имале различни толкувања за чудата и моќта на Исус, но тие биле толку очигледни и јавни што ретко некој да ги негирал.
Наспроти Исус, Мухамед не направил ниту едно чудо. Од каде знаеме? Па од самиот Куран. Во Куранот читаме дека луѓето околу Мухамед поставувале логички прашања од типот: „Зошто не му се објавува чудо од Господарот негов?“
Тие му велеле ќе ти веруваме дека си Алахов пејгамбер ако го докажеш тоа, ако направиш некакво чудо... но наместо чудо, од Мухамед добиле политичко заобиколување: „Јас сум само Опоменувач“ (со други зборови: мене ќе морате да ми верувате на збор)
И пак ќе речам, доколку Мухамед навистина ја расцепил и „заварил“ Месечината, тој немало да има потреба политички да ги забашотува скептиците, туку јасно ќе им рекол: „„Па ете, ви го направив чудото со Месечината, Алах преку мене ја расцепи, а потоа ја завари! Што сакате уште? Зарем тоа ви е мало чудо?““
Но наместо ова, Мухамед индиректно им кажува дека тој нема ниту моќ, ниту служба да прави чуда, така што секој што тврди дека Мухамед направил чудо е неконзистентен со самиот Куран.
