H
Hip.Hop_MKD
Гостин
ВИДЕО: Терористички напади во Украина, 27 повредени
27.04.2012 - 14:32:37

Четири експлозии денеска го потресоа градот Дњипропетровск. Експлозиите се случиле на различни локации во центарот на градот, а портпаролката на украинското министерство за итни случаи рекла за “Асошиејтед прес“ дека се повредени најмалку 27 луѓе, од кои девет деца. Обвинителите веруваат дека се работи за терористички напад.Портпаролката на минстерството, Јулија Јершова, рекла дека во експлозијата на трамвајската станица се повредени 13 луѓе, кај училиштето 11 од кои девет се деца, а во близина на железничката станица уште три лица. Четвртата експлозија се слушнала во центарот на градот, а се’ уште не е познато дали во неа има повредени. Сите експлозивни направи биле поставени во канти за отпад.
Украинскиот претседател, Виктор Јанукович, ги нарекол експлозиите “уште еден предизвик за целата држава“ и додал дека најдобрите истражители ќе работат на расчистување на случајот.
Во градот се’ уште владее паника оти граѓаните не знаат дали ќе експлодира уште некоја бомба. Полицијата ги предупредила граѓаните да останат во своите домови, а сообраќајот во центарот на градот е запрен.Можниот терористички напад се случува на само еден месец пред почетокот на Европското првенство во фудбал што се одржува во Полска и Украина.