РЕПУБЛИКА МАКЕДОНИЈА СО СОПСТВЕНА ОДБРАНА
На 21 февруари 1992 година претседателот Киро Глигоров и претставниците на федералната армија потпишуваат договор за дислокација на ЈНА од Македонија со краен рок до 15 април. Армијата повлекувањето го завршува пред определениот рок, така што на 27 март 1992 година македонската територија ја напушти и последниот нејзин војник.
Со одвлекувањето на опремата и вооружувањето со кое располагаше ЈНА на територијата на Република Македонија, нашата земја остана со скромни борбени средства и воена опрема која беше во рамките на Територијалната одбрана. Сепак со нив успешно почна да се спроведува обуката и да се подготвува новоформираната Армија на Република Македонија за извршување на својата уставна улога и задачи.
Претходно, македонските војници организирани во Територијална одбрана успешно го извршија преземањето и обезбедувањето на границите и воените објекти на Република Македонија. Така, на 6 март 1992 година е превземен првиот воен објект- зградата на Републичкиот и Градскиот штаб на ТО во Скопје, а на 11 март 1992 година, од страна на ТО Крива Паланка е превземена правта караула “Рамна нива” на македонско – бугарската граница. На 26 март 1992 година припадниците на ТО на општина Чаир во Скопје го презедоа и последниот, но и најголем воен објект – сегашната касарна “Илинден”.
По завршувањето на сите подготовки за прием на первата генерација македонски војници во АРМ, на 14 април 1992 година, во касарната во Охрид пристигнува првиот регрут – Пане Јамадиев од Велес, а на 15 април во касарните во Скопје, Битола, Штип и Охрид е примена првата генерација млади војници во АРМ со што и започнува формирањето на Вооружените сили на Република Македонија.
Старешините и граѓанските лица на служба во АРМ кои се определија да останат во Република Македонија, ги прифатија основните системски решенија на државното раководство како единствена алтернатива на одбраната на Репубика Македонија.
--- надополнето: 11 март 2012 во 15:45 ---
Одбележани 20 години од преземањето на првата караула
Со свечено постројување на некогашниот Одред на Територијалната одбрана „Козјак“ од Крива Паланка и во присуство на претседателот на Република Македонија Ѓорге Иванов и началникот на Генералштабот на АРМ Горанчо Котески, денеска во караулата „Рамна нива“ на македонско-бугарската граница беше одбележана 20-годишнината од преземањето на граничната линија од македонските територијалци од страна на некогашната ЈНА.
Утрото на 11 март 2992 година територијалците од Крива Паланка поделени во три единици ги презедоа караулите „Рамна нива“, Деве Баир и „Коприва“ од некогашната ЈНА. Тогаш за првпат во караулата „Рамна нива“ се развиори македонсото знаме кое го подигна Драги Митовски, војник на Територијалната одбрана, а караулата ја прими постариот водник Сонко Ангеловски.
- Со одбележувањето на она што се случи пред 20 години симболично им оддаваме благодарност на сите војници и старешини, како и на државното раководство и раководството на Армијата што го почнаа она што значеше одбележување на границата на суверена и независна Република Македонија, изјави претседателот Ѓорге Иванов по свеченоста.
Тој посочи дека со мирното предавање на караулата „Рамна нива“ Република Македонија тогаш испратила порака дека на мирен начин сака да го одбележи она што другите го правеа насилно и со оружје.
- Беше искажана волја дека со поставување на границите ние посакуваме со сите наши соседи да имаме мирни односи. Со овој чин Македонија покажа дека кон сите соседи сака да се однесува достоинствено и во интерес на сите што живеат во регионот и пошироко, рече претседателот Иванов.
Тогашниот министер за одбрана Трајан Гоцевски посочи дека преземањето на границите е направено во сложени услови бидејќи, како што кажа во својот говор, никоја од нашите соседи не ја посакуваше нашата независност.
- Точно пред 20 години на денешен ден токму на ова место започна да се остварува сонот на плејада генерации македонски дејци Македонија да ја видат како независна и суверена држава. На овој ден македонското знаме под 10 века гордо се развеа токму овде на караулата „Рамна нива“, рече Гоцевски.
Со тој чин, додаде, Македонија испрати јасна порака до сите дека по секоја цена и без компромис ја заокружува својата независност и територијален интегритет.
- По 17 дена на 27 март 1992 година Република Македонија воспостави центролна контрола на своите граници, рече Гоцевски.
Тогашниот командант на Обласниот штаб на Територијалната одбрана во Куманово под чии ингеренции била и Крива Паланка, генерал Ѓорги Каракутовски, истакна дека 11 март 1992 година претставува значаен ден и историски момент кој е длабоко врежан во севкупната историја на Македонија како темел во создавањето на Армијата на Република Македонија и независноста на нашата држава.
- По наредба на командантот на Територијалната одбрана на Република Македонија, генералот Томислав Трајчевски Обласниот штаб на ТО Куманово доби задача за подготовка на Единица за преземање на граничното обезбедување на караулите „Рамна нива“, Деве Баир и „Коприва“ на границата со Република Бугарија. Иако располагавме со скромни материјално-технички средства, со голем елан и гордост пристапивме кон подготовки за преземање на границата. Тешката задача им припадна на припадниците на ТО од одредот „Козјак“ од Крива Паланка.
Покрај редовниот состав, за таа цел беа мобилизирани и околу 100 резервисти, рече Каракутовски во обраќањето присетувајќи се на денот пред 20 години кога од тактички безбедносни причини во исто време беа преземени трите караули на границата кон Бугарија.
Централното одбележување на овој настан со свечена академија ќе се одржи во Центарот за култура во Крива Паланка со свечена академија на која ќе се обрати претсдателот на Република Македонија Ѓорге Иванов. /kurirmk
... што бара коментар за било каков тенк или незнам што на оваа тема ...
