Во текстот на Нова Македонија каде се зборува за обвинението кое го покрена Хрватска против бившиот генерал во ЈНА, меѓу другото се отвори нова контроверзија за Глигоров, особено по припишувањето на заслугите дека тој ја спасил Македонија од војна, но изгледа 19 години подоцна дознаваме дека не ни имало “потреба“ да спасува било што туку одел против нашите интереси и директно влијаел за ослабнување на македонскиот воен капацитет:
За Ружиновски постојат доста контроверзии поврзани со настаните непосредно пред прогласувањето на независноста на 8 септември 1991 година. Високи функционери од владата на Никола Кљусев го обвинувале него дека планирал да ги апси. Генералот во тој период сметал дека Македонија треба малку да почека со прогласувањето независност, за да се создадат подобри услови за тоа, за што напишал и текст во тогашна „Нова Македонија“.
-
Јас останав во ГШ на ЈНА по барање на Глигоров, бидејќи на него му требаше човек таму за комуникација со Аџиќ.
Јас сум тој што го убедуваше Аџиќ да се сретне со Глигоров, по што дојде и до познатиот договор Глигоров - Аџиќ за повлекување на ЈНА од Македонија. На ЈНА не и требаше оружјето што беше во Македонија, бидејќи веќе имаше доволно. Од друга страна, пренесувањето на тоа оружје на друга локација подразбираше изградба на нови капацитети за да се смести.
Аџиќ му го понуди на Глигоров оружјето на ЈНА што беше на македонска територија, но Глигоров рече дека не сака македонска војска.
Оружјето од Македонија беше пренесено во Србија и во најголема мера уништено - се сеќава Ружиновски.
По овој договор, ЈНА од Македонија однесе опрема од неколку милијарди долари, односно
350 борбени возила (тенкови, оклопни транспортери и борбени возила на пешадијата),
400 артилериски орудија (топови и хаубици),
35 борбени и школски авиони, пет хеликоптери, 410 различни противавионски орудија, 284 ракетни системи за противвоздушна опрема и 1.692 ракети. Понатаму ги демонтира
радарите од Битола, Фурка кај Валандово и Голак кај Делчево, однесе
109.000 парчиња различно пешадиско оружје (пушки, пушкомитралези, митралези, пиштоли, разни фрлачи, минофрлачи и друго), три моторни патролни чамци, 160 инженериски машини (ровокопачи, дозери и сл.), 637 минополагачи и миноистражувачи, 113.000 кг експлозив, околу 450.000 различни противпешадиски мини, 4.200 средства за врски (радиоуреди, телефонски централи, возила за врски и друго), 223.000 средства за АБХО (заштитни маски, дозиметри, прибори за деконтаминација), 160.000 парчиња интендантски средства (пералници, шатори, одела, прибори за јадење), 1.800 различни неборбени возила, 1.424 патнички, интендантски и други моторни возила, 310.000 парчиња конзервиран оброк, резервите на нафтени деривати, прехранбени артикли, лекови, муниција, експлозивни и други убиствени средства и дел од добитокот од фармите во Петровец и Криволак.
http://novamakedonija.com.mk/NewsDetal.asp?vest=12129101254&id=9&prilog=0&setIzdanie=21860
