Ај и јас да фрлам зар во "дебатава" иако гледам дека на некој начин се потсмириле страстите...
Најпрвин да се разбереме една работа, напаѓањето или бранењето на А.Донски и неговите пишувања или ставови во никој случај не може и не смее да се меша со со нечии про- или контра- македонски позиции или слично.
Има многу позаслужни и поарни историчари а да не зборам за МАКЕДОНЦИ во секоја смисла на зборот што ни името не им се споменува а камоли некој да ги одбрани кога секое едно мрсулаво детиште се дрзнува да промрчи нешто за нив за кое нема никаква основа ниту па знае што зборува и на чија агенда несвесно и служи со тоа.
Донски има своја заслуга за она што се нарекува македонштина особено во периодов на изминативе 20 години. Значи во моменти кога ниту имаше интернет, ниту па некој имаше компјутер тој пишуваше и објавуваше статии во "Сонце" и на други места од кои колку толку тие што доаѓале во контакт со тој материјал имале бенефит од истиот. Значи без да навлегувам во тоа дали сето тоа што било напишано или објавено било поткрепено со факти или цитирано и кредитирано на тие од каде е превземено сепак тоа имаше свое значење и удел во истакнувањето на патриотизмот и македонската страна на работите.
За посветеното време, посветеноста, упорноста и истрајноста да не се отстапи од таа своја македонштина на Донски му се симнува капа, и тука нема збор.
Арно ама сега е веќе друго време и преку интернетов ни се достапни безброј работи за кои сме можеле да сонуваме предходно. Тоа не значи дека неговите пишувања не се веќе вредни (особено зашто сеуште имаме голем дел од младината која не знае ни англиски, а камоли друг јазик), ама како што и самиот си кажа во емисијата кај Миленко пред неколку години тој се смета себеси за = ИНТЕРНЕТ ИСТОРИЧАР.
Што значи е на исто рамниште со секој од нас што сме посветиле исто така доволно време во барање и презентирање на вистината за Македонија и нас Македонците овде и на други места.
Тоа што тој издава книги не го прави нешто над другите, особено зошто не е историчар-класичар со диплома или познавање на коине или латински јазик за да може да ги прочита изворно документите или натписите на кои се темели историјата за древна Македонија и Македонците, туку е барање и читање на делата на луѓето специјалисти во таа сфера, ама во голема мерка и на се и сешто што се постира на нетов во врска со древна Македонија, и кое во голема мерка е не вредно и спаѓа во митологија а не историја.
Да не бидам погрешно сфатен, само мислам дека непотребно се расправаме за нешто за што сме сите свесни дека е факт. И сите што застануваат во одбрана на Донски на темава имате апсолутно право на тоа, ама па и Братот е апсолутно во право кога вели = сечии извори (па и на Донски) да се земаат со голема доза на претпазливост. Така ќе дојдеме до подобра стартна позиција кога ќе не нападне некој од јужниве или другите што немаат поим за Македонија.
Пак ќе речам во споредба со некои од за жал "историчарите со дипломи" кај соседиве Донски е академик, ама познавањата за античката историја мора да ги базираме на сакале или не по веродостојни институции и поединци познати и признати во светот.
Зашто така ќе ја разбиеме маглата што упорно ја произведуваат јужниве со сесрдна поддршка на овие од истоков што не знаат ни од каде и кои им се тие чие име го носат, а да не зборам за друго.
И покрај огромните пари и секакви други средства што се ревносно буткани и користени за цел свет што од глупост што од наивно не знаење и незаинтересираност да вика "се е тоа грчко" (за антиката) секој од нас што малку подлабоко нурнал во серозната историографија на најдобрите и светски признатите центри што се бават со ова знат дека Македонците си се Македонци а Хелените си се Хелени...
Од друга страна она несреќно писание и јавна полемика за тоа дали Британците и Американците учествувале во граѓанската војна кај јужниве во која буквално се изврши геноцид во егејскиот дел на Македонија и тоа се базирано на некој си смешен напис од викисерија е тешка глупост и не му служи на чест.
Апла да се искривува историјата која е така свежа и за која имаме живи сведоци со цел денеска да се улизиме некому од некакви си потреби за наклонетост (која не постои зашто за се има интерес ваков или таков) е глупост без преседан.
По таа логика ај да си го смениме името за да добиеме "бенефит" од членството во НАТО и ЕУ, нели?
П.С. јамајка, на неколку теми овде сум видел во твоите коментари дека ова што се пишува или презентира овде на подфорумов Историја е некаква "забава" и дека нема никаква врска со историја (парафразирам) итн. Мислам дека си во голема заблуда.
