L
.Lost Angel.
Гостин
Циганското лето е далеку зад нас, парното требаше одамна да почне да грее со полна пареа, но граѓаните и понатаму се чувствуваат како пингвини. Грејната сезона официјално започнува на 15-ти октомври, но не секогаш.
„Топлификација редовно доцни или „пушта да капе“, а образложението е едноставно, ’Нема потребa oд парно толку рано, па надвор уште има сонце и преку ден е топло’. Ова образложение би било сосема разбирливо доколку луѓето во себе имаа вградени колектори на сончева енергија кои навечер ќе можат да ги користат за да се згреат“, се жалат граѓаните.
Радијаторите се замлачуваат кон крајот на октомври, а почнуваат да „пукаат од топло“ во ноември. Па така граѓаните се смрзнаа кога ги добија новите сметки за парно.
„Како што расте температурата на радијаторите, непропорционално расте и цената на парното“, се жалат потрошувачите.
Сметките за парно се плаќаат во текот на целата година, но греење во екот на сезоната го добиваме само 15 часа на ден (парното се вклучува во шест часот наутро, а се гаси во 21 часот навечер). Ако се земе предвид дека новото работно време, не е како во социјализмот (од 7-15), оти луѓето се подолго заглавуваат на работа и се прибираат дома околу 18 часот, тогаш секој од нас реално користи најмногу 5 часа греење во својот дом (1,5 час наутро и 3,5 часа навечер). Ако се собере официјалниот број на грејни денови, со ефективното користење на парното испаѓа дека се грееме нешто повеќе од 40 дена. Имајќи го предвид дека плаќаме за 365 дена во година, тогаш барем треба да добиваме повеќе греење во текот на денот, а не после 21 часот да прибегнуваме кон другите алтернативни начини за дозагревање и дополнително да го оптоваруваме и така сè помалиот семеен буџет.
Во изминатите неколку години цената на суровата нафта на светските пазари вртоглаво растеше (највисока цена е забележана на 4-ти јули 2008 година – 145,29 американски долари), паѓаше (13-ти февруари 2009 - 37,51 долари ) и сега повторно расте (17-ти ноември 2011 – 99,63 долари), но цената на парното се чини дека ги следи само растечките тенденции.
Цената на парното ја одредува независната Регулаторната комисија. Се чини дека оваа комисија во изминатите неколку години при одредувањето на цената не го земаше стандардот на граѓаните, флуктуациите во цената на нафтата на светските берзи, економската пазарна логика, туку желбите и потребите на Топлификација. Ако се следи пазарна логика, зголемената побарувачка придонесува за растење, а намелената побарувачка за паѓање на цените. Се чини дека овие принципи не важат кај нас. Во изминатите неколку години расте бројот на луѓето кои го откажуваат парното поради превисоките цени, но наместо цената да опаѓа, таа расте. Доколку живеете во зграда, во која одредени станари и откажале „љубов“ на Топлификација, тогаш ќе си добиете повисока смета, затоа што компанијата веројатно сака да си „надомести за изгубената љубов“. Ова нема никаква логика, затоа што кога се намалува бројот на корисниците на парно се намалува и количината на топла вода која минува низ цевките, а со тоа и на количината на потрошено гориво. На овој начин компанијата се обидува да ги намали трошоците, а да го зголеми сопствениот профит.
Владата деновиве најави дека е можно со мазут од стоковите резерви да придонесе за поевтинување на парното. Доколку не се намали цената на топлинската енергија, ќе го откажете ли парното и на што ќе се греете?
Димитар Тануров
„Топлификација редовно доцни или „пушта да капе“, а образложението е едноставно, ’Нема потребa oд парно толку рано, па надвор уште има сонце и преку ден е топло’. Ова образложение би било сосема разбирливо доколку луѓето во себе имаа вградени колектори на сончева енергија кои навечер ќе можат да ги користат за да се згреат“, се жалат граѓаните.
Радијаторите се замлачуваат кон крајот на октомври, а почнуваат да „пукаат од топло“ во ноември. Па така граѓаните се смрзнаа кога ги добија новите сметки за парно.
„Како што расте температурата на радијаторите, непропорционално расте и цената на парното“, се жалат потрошувачите.
Сметките за парно се плаќаат во текот на целата година, но греење во екот на сезоната го добиваме само 15 часа на ден (парното се вклучува во шест часот наутро, а се гаси во 21 часот навечер). Ако се земе предвид дека новото работно време, не е како во социјализмот (од 7-15), оти луѓето се подолго заглавуваат на работа и се прибираат дома околу 18 часот, тогаш секој од нас реално користи најмногу 5 часа греење во својот дом (1,5 час наутро и 3,5 часа навечер). Ако се собере официјалниот број на грејни денови, со ефективното користење на парното испаѓа дека се грееме нешто повеќе од 40 дена. Имајќи го предвид дека плаќаме за 365 дена во година, тогаш барем треба да добиваме повеќе греење во текот на денот, а не после 21 часот да прибегнуваме кон другите алтернативни начини за дозагревање и дополнително да го оптоваруваме и така сè помалиот семеен буџет.
Цената на парното ја одредува независната Регулаторната комисија. Се чини дека оваа комисија во изминатите неколку години при одредувањето на цената не го земаше стандардот на граѓаните, флуктуациите во цената на нафтата на светските берзи, економската пазарна логика, туку желбите и потребите на Топлификација. Ако се следи пазарна логика, зголемената побарувачка придонесува за растење, а намелената побарувачка за паѓање на цените. Се чини дека овие принципи не важат кај нас. Во изминатите неколку години расте бројот на луѓето кои го откажуваат парното поради превисоките цени, но наместо цената да опаѓа, таа расте. Доколку живеете во зграда, во која одредени станари и откажале „љубов“ на Топлификација, тогаш ќе си добиете повисока смета, затоа што компанијата веројатно сака да си „надомести за изгубената љубов“. Ова нема никаква логика, затоа што кога се намалува бројот на корисниците на парно се намалува и количината на топла вода која минува низ цевките, а со тоа и на количината на потрошено гориво. На овој начин компанијата се обидува да ги намали трошоците, а да го зголеми сопствениот профит.
Владата деновиве најави дека е можно со мазут од стоковите резерви да придонесе за поевтинување на парното. Доколку не се намали цената на топлинската енергија, ќе го откажете ли парното и на што ќе се греете?
Димитар Тануров
